ନୂଆଦିଲ୍ଲୀ,୦୧/୧୨: ଅଁଳା ଫଳଟି ପାଟିକୁ ଖଟା ଓ କଷା ଲାଗେ । ମାତ୍ର ଏହା ଶରୀର ପାଇଁ ଉପକାରୀ । ଅଁଳାର ପତ୍ରଠୁ ନେଇ ଫଳ ଯାଏ ସବୁଥିରେ ଔଷଧୀୟ ଗୁଣ ରହିଛି । ସ୍ବାସ୍ଥ୍ୟ ପାଇଁ ମହୌଷଧି ପରି କାମ କରିଥାଏ ଅଁଳା । ତେବେ ଅଁଳାର କଣ ରହିଛି ଉପକାରିତା । ଶରୀର କେଉଁ ସମସ୍ୟା ଥିଲେ ଅଁଳା ଲାଭଦାୟକ ହେବ । ଆସନ୍ତୁ ଜାଣିବା ଏହି ରିପୋର୍ଟରେ ।
କେଶ ଓ ସ୍କିନ୍ ସମସ୍ୟା ଦୂର କରେ- ବର୍ତ୍ତମାନ ଚୁଟି ଝଡିବା ଶୀଘ୍ର ପାଚିଯିବା ଏକ ବଡ ସମସ୍ୟା ହୋଇଛି । ଅଁଳା ଏହି ସମସ୍ୟାକୁ ସମାଧାନ କରିଥାଏ । ଅଁଳା, ରାଶିକୁ ମହୁରେ ମିଶାଇ କେଶରେ ଲାଗାଇବା ଲାଭ ମିଳିଥାଏ । କେଶ ପୃଷ୍ଟି ହୋଇ ବୃଦ୍ଧି ହୋଇଥାଏ । ଏହାସହିତ ଅଁଳା ଓ ଗୁଡ ମିଶାଇ ପିଇଲେ କେଶ ଉପୁଡିବା ଓ ପାଚିବା ସମସ୍ୟା ଦୂର ହୁଏ । ଅଁଳା ସହ କଳାରାଶି ଓ ଭୃଙ୍ଗରାଜ ପତ୍ର ବାଟି ପାନ କଲେ କେଶ ପାଚିବା ସମସ୍ୟା କମିଥାଏ । ଅଁଳାରେ ଭିଟାମିନ ସି ଥାଏ ଯାହା ସ୍କିନ ଓ କେଶ ପାଇଁ ଲାଭଦାୟକ ହୋଇଥାଏ ।
ହଜମଶକ୍ତି ବଢାଏ- ଅନେକ ସମୟରେ ଦେଖିବାକୁ ମିଳେ କିଛି ଲୋକଙ୍କର ହଜମ ଶକ୍ତି ନଥାଏ । କିଛି ଏପଟ ସେପଟ ଖାଇଲେ ପେଟ ସମସ୍ୟା ଦେଖାଦିଏ । ଅଁଳା ଖାଇଲେ ହଜମ ଶକ୍ତି ବଢିଥାଏ । ଏଥିରେ ଥିବା ଫାଇବର ହଜମ ଶକ୍ତି ବଢାଇବାରେ ସହାୟକ ହୁଏ ।
ହୃଦରୋଗ- ହାର୍ଟ ଆଟାକ ବା ହୃଦରୋଗ ପାଇଁ ଅଁଳା ମହୌଷଧି ପରି କାମ ଦିଏ । ଅଳ୍ପ କିଛି ଅଁଳା ଗୁଣ୍ଡକୁ ପ୍ରତିଦିନ ସକାଳେ ଓ ସନ୍ଧ୍ୟାରେ ମହୁ ସହିତ ମିଶାଇ ପିଇଲେ ଏହା ହୃଦରୋଗ ପାଇଁ ରାମବାଣ ପରି କାମ କରେ ।
ରୋଗପ୍ରତିରୋଧକ ଶକ୍ତି ବଢାଏ- ସାଧାରଣତଃ ଦେଖିବାକୁ ମିଳେ ପାଗରେ ପରବର୍ତ୍ତନ ହେଲେ ଥଣ୍ଡା ହୁଏ । ସଂକ୍ରମଣ ଶୀଘ୍ର ହୋଇଥାଏ । ଏହାର କାରଣ ରୋଗ ପ୍ରତିରୋଧ ଶକ୍ତିର ଅଭାବ । ଅଁଳା ଖାଇଲେ ରୋଗ ପ୍ରତିରୋଧକ ଶକ୍ତି ବଢିଥାଏ ।
ମଧୁମେହ ପାଇଁ ଉପକାରୀ- ବର୍ତ୍ତମାନ ଘରେ ଘରେ ଡାଇବେଟିସ୍ ରୋଗୀ ରହିଛନ୍ତି । ସେମାନଙ୍କୁ ବିଭିନ୍ନ ଜିନିଷ ଖାଇବାକୁ ବାରଣ ହୋଇଥାଏ । ଅଁଳା ଖାଇବା ଦ୍ବାରା ଡାଇବେଟିସ୍ ନିୟନ୍ତ୍ରଣକୁ ଆସିଥାଏ । ବ୍ଲଡ ସୁଗାର ଲେବଲକୁ ବାଲାନ୍ସ କଲେ ଅଁଳା ।
