ଭଦ୍ରକ,୨୧/୧୧ : ଭଦ୍ରକ ଜିଲ୍ଲାରେ ପୂର୍ବତନ ସରପଞ୍ଚଙ୍କ ହତ୍ୟା ଘଟଣାରେ ପୋଲିସର ପର୍ଦ୍ଦାଫାଶ । ଗତ ୧୩ତାରିଖ ଭଦ୍ରକ ଜିଲ୍ଲା ବନ୍ଧଗାଁର ପୂର୍ବତନ ସରପଞ୍ଚ ଚିତ୍ତ ରଞ୍ଜନ ରାଉତଙ୍କୁ ହତ୍ୟା କରାଯାଇଥିଲା । 

ପୂର୍ବାଞ୍ଚଳ ଡିଆଇଜି ସତ୍ୟଜିତ ନାୟକ ଓ ଭଦ୍ରକ ଏସପି ମାଡକର ସନ୍ଦୀପ ସମ୍ପତଙ୍କ ସୂଚନା ଅନୁଯାୟୀ ସେ ୧୨ତାରିଖ ରାତିରେ ଫେରିବାବେଳେ ବାଇକକୁ ସରୋଜ ନାମକ ଯୁବକ ଅଟକାଇଥିଲେ। ଅନ୍ୟ ୩ଜଣ ମଦ ପିଇବା ପରେ ଖାସି କଟା ଭୁଜାଲିରେ ପଛରୁ ହାଣିଥିଲେ । ମଦ୍ୟପାନ କାହା ସହ କରିଥିଲେ ତାହାକୁ ତଦନ୍ତ କରାଗଲା । ପ୍ରଥମେ ୩ଜଣଙ୍କୁ ଧରିଥିଲୁ ଓ ମୁଖ୍ୟ ମାଷ୍ଟର ମାଇଣ୍ଡ ଧୁମାକୁ ଧରିଥିଲୁ । ମୃତକଙ୍କ ଭଙ୍ଗା ମୋବାଇଲ୍, ବାଇକ୍ ଓ ଜୋତା ଜବତ ହୋଇଛି । ଅଭିଯୁକ୍ତଙ୍କ ସଂଖ୍ୟା ୪ରେ ପହଞ୍ଚିଛି । ମାଷ୍ଟର ମାଇଣ୍ଡର ଧାନ ବେପାର ଥିଲା। 

ମୃତକ ସେବା ସମବାୟ ସମିତିର ସଭାପତି ଥିବାରୁ ତାଙ୍କ ସହ ଶତ୍ରୁତା ଥିଲା । ମୁଖ୍ୟ ଅଭିଯୁକ୍ତ ୪୦ହଜାର ଟଙ୍କା ହତ୍ୟା ପାଇଁ ଦେଇଥିଲେ ଓ ସମୁଦାୟ ୨ଲକ୍ଷ ୫୦ହଜାର ଟଙ୍କାରେ ଡିଲ୍ ହୋଇଥିଲା । ସୁପାରି ନେଇଥିବା ଯୁବକ ବାଦଲ ସାମଲ, ସରୋଜ ସାହୁ ଓ ପ୍ରଶାନ୍ତ ରାଉତ ଚିତ୍ତ ଘରକୁ ଫେରିବାବେଳେ ସାଙ୍ଗରେ ଡାକି ମଦ ପିଇଥିଲେ। ପରେ ତାଙ୍କୁ ପଛ ପଟୁ ହାଣି ହତ୍ୟା କରିଥିଲେ । ତେବେ ହତ୍ୟାକାରୀମାନେ ମାଷ୍ଟର ମାଇଣ୍ଡ ବିଦ୍ୟୁତ୍ ସାହୁର ନିର୍ଦ୍ଦେଶରେ ହତ୍ୟା କରିଥିବା ପୋଲିସ କହିଛି ।