ନୂଆଦିଲ୍ଲୀ,୦୮/୦୨: ଶନି ହେଉଛନ୍ତି ନ୍ୟାୟର ଦେବତା । ଧରାପୃଷ୍ଠରେ ସମସ୍ତେ ଶନି ଦେବଙ୍କୁ ଶ୍ରଦ୍ଧାର ସହ କରିଥାନ୍ତି ପୂଜା । ଅନେକ ଲୋକ ଶନିବାର ଦିନ ଶନିଦେବଙ୍କ ମନ୍ଦିର ଯାଇ ସମସ୍ତ ନିୟମ ସହ ପୂଜାର୍ଚ୍ଚନା କରିଥାନ୍ତି । ଚଳିତ ବର୍ଷର ପ୍ରଥମ ଶନି ଅମାବାସ୍ୟା ମାର୍ଚ୍ଚ ୨୯ ତାରିଖରେ ପଡୁଛି । ଚୈତ୍ରମାସର ଏହି ଅମାବାସ୍ୟା ଶନିବାରରେ ହିଁ ପଡ଼ୁଛି । ସେଥିପାଇଁ ଏହାକୁ ଶନି ଅମାବାସ୍ୟା ବୋଲି କୁହାଯାଏ । ଚୈତ୍ର ଅମାବାଶ୍ୟାକୁ ଦର୍ଶ ଅମାବାଶ୍ୟା ବୋଲି ମଧ୍ୟ କୁହାଯାଇଥାଏ । ଏହି ଦିନ ଶନିଦେବଙ୍କ ଉପାୟ କରିବା ନିତ୍ୟାନ୍ତ ଆବଶ୍ୟକ । ଏହା ଛଡ଼ା ପିତୃ ପୁରୁଷଙ୍କୁ ପ୍ରସନ୍ନ କରିବା ପାଇଁ ମଧ୍ୟ ଅନେକ ଉପାୟ କରିବା ଉଚିତ୍ ।
ଆପଣଙ୍କୁ କହି ରଖୁଛୁ ଯେ, ଚୈତ୍ର ଅମାବାସ୍ୟା ପରେ ନବରାତ୍ରି ଆରମ୍ଭ ହୋଇଯାଇଥାଏ । ଚଳିତ ବର୍ଷ ଅମାବାସ୍ୟା ଦିନ ସୂର୍ଯ୍ୟ ପରାଗ ଏବଂ ଶନିଙ୍କର ରାଶି ପରିବର୍ତ୍ତନ ହେଉଥିବାରୁ ଏହି ଅମାବାସ୍ୟାଟି ବହୁତ ଖାସ୍ । ଏହି ଦିନ ବ୍ରହ୍ମ ଯୋଗ ସହ ଉତ୍ତରା ଭାଦ୍ରପଦ ନକ୍ଷତ୍ରର ସଂଯୋଗ ହେଉଛି । ଦ୍ରିକ ପଞ୍ଚାଙ୍ଗ ଅନୁଯାୟୀ ଅମାବାଶ୍ୟା ତିଥି ଚଳିତ ବର୍ଷ ମାର୍ଚ୍ଚ ୨୮ ତାରିଖ ୭ଟା ୩୦ ରେ ଆରମ୍ଭ ହୋଇ ମାର୍ଚ୍ଚ ୨୯ ତାରିଖ ସନ୍ଧ୍ୟା ୪ଟା ୩୦ ପର୍ଯ୍ୟନ୍ତ ରହିବ ।
ଶନି ଅମାବାଶ୍ୟାର ଉପାୟ-
ଶନି ଅମାବାଶ୍ୟାରେ ପିତୃ ପୁରୁଷଙ୍କ ନାମରେ ଶସ୍ୟ ଜାତୀୟ ଖାଦ୍ୟ ସହ ବସ୍ତ୍ର ଦାନ କରିବା ଉଚିତ୍ । ଏହି ଦିନ ସକାଳେ ପିତୃ ପୁରୁଷଙ୍କୁ କଳା ରାଶି ତେଲ ମିଶ୍ରିତ ଜଳ ତର୍ପଣ କରନ୍ତୁ । ଏହା ପରେ ଅସ୍ୱତଥ୍ ଗଛରେ ମିଠା ଜଳ ଅର୍ପଣ କରନ୍ତୁ ଏବଂ ସଂନ୍ଧ୍ୟା ସମୟରେ ଅସ୍ୱତଥ୍ ଗଛ ପାଖରେ ଦୀପ ଜାଳନ୍ତୁ । ଅମାବାଶ୍ୟାରେ ପିତୃ ପୁରୁଷଙ୍କୁ ପ୍ରସନ୍ନ କରିବା ପାଇଁ ଏହି ଉପାୟ ଫଳପ୍ରଦ ସାବ୍ୟସ୍ତ ହୋଇଥାଏ । ଏହି ଦିନ ପିତୃ ପୁରୁଷଙ୍କ ନାମରେ ପିଣ୍ଡଦାନ ମଧ୍ୟ କରାଯାଏ । ଏହା ସହ ପବିତ୍ର ନଦୀରେ ପିତୃ ପୁରୁଷଙ୍କ ନାମ ନେଇ ସ୍ନାନ କରି ଦାନ ଇତ୍ୟାଦି କରିବା ଦ୍ୱାରା ମଧ୍ୟ ତାଙ୍କ ଆଶୀର୍ବାଦ ମିଳିଥାଏ ।
