ଭୁବନେଶ୍ୱର/ରାଉରକେଲା/କଟକ,୧୮/୦୮: ଦୁଲୀପ୍ ଟ୍ରଫିର ପୂର୍ବାଞ୍ଚଳ ଦଳରେ ୱିକେଟ୍ କିପର ଇଷାନ କିଷନଙ୍କ ସ୍ଥାନରେ ଓଡ଼ିଆ ଯୁବ ୱିକେଟ୍ କିପର ଆଶୀର୍ବାଦ ସ୍ୱାଇଁଙ୍କୁ ସ୍ଥାନ ମିଳିଛି । ଆହତ ହେବା ଯୋଗୁ କିଷନ ଦଳକୁ ବାଦ ପଡ଼ିଛନ୍ତି ।
ଆସନ୍ତା ୨୮ ତାରିଖରୁ ବେଙ୍ଗାଲୁରୁରେ ଆରମ୍ଭ ହେବାକୁ ଯାଉଛି ଦୁଲୀପ ଟ୍ରଫି । ପୂର୍ବରୁ ବ୍ୟାଟର ସନ୍ଦୀପ ପଟ୍ଟନାୟକ ଏକମାତ୍ର ଓଡ଼ିଆ ଭାବେ ସମ୍ଭାବ୍ୟ ପୂର୍ବାଞ୍ଚଳ ଦଳରେ ସ୍ଥାନ ପାଇଥିଲେ । ଆଶୀର୍ବାଦ ଷ୍ଟାଣ୍ଡ୍-ବାଏ ତାଲିକାରେ ରହିଥିଲେ । ଆସନ୍ତା ୨୮ ତାରିଖରେ ଉତ୍ତରାଞ୍ଚଳ ବିପକ୍ଷରେ ପୂର୍ବାଞ୍ଚଳ ଅଭିଯାନ ଆରମ୍ଭ କରିବ ।
ଆଶୀର୍ବାଦ ସମ୍ଭାବ୍ୟ ଦଳରେ ସ୍ଥାନ ପାଇବା ପରେ ଓଡ଼ିଶା କ୍ରିକେଟ୍ ସଂଘର ସମ୍ପାଦକ ସଞ୍ଜୟ ବେହେରା ଏବଂ ଅନ୍ୟ କାର୍ଯ୍ୟକର୍ତ୍ତାମାନେ ଶୁଭେଚ୍ଛା ଜଣାଇଛନ୍ତି।
