ନୂଆଦିଲ୍ଲୀ,୦ ୮/୦୨: ଦିଲ୍ଲୀ ବିଧାନସଭା ନିର୍ବାଚନରେ ଆପକୁ ଶକ୍ତ ଝଟକା ଲାଗିଛି । ହାରି ଯାଇଛନ୍ତି ଦଳର ହେଭିୱେଟ୍ । ଆପ୍ ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପରାସ୍ତ ହୋଇଛନ୍ତି । ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ମଧ୍ୟ ହାରିଛନ୍ତି । ଦିଲ୍ଲୀରେ ଆପ୍ ହ୍ୟାଟ୍ରିକ ମାରିବା ସ୍ବପ୍ନ ଏକ ପ୍ରକାର ଭାଙ୍ଗିବାକୁ ଯାଉଛି । କାହିଁକି ହାରିଲେ ଅରବିନ୍ଦ କେଜ୍ରିୱାଲ ତାକୁ ନେଇ ପ୍ରଶ୍ନବାଟୀ ସୃଷ୍ଟି ହେଲାଣି । ଏହାରି ଭିତରେ ସମାଜିକ କାର୍ଯ୍ୟକର୍ତ୍ତା ଆନ୍ନା ହଜାରେ ବଡ ବୟାନ ଦେଇଛନ୍ତି ।
#WATCH | On #DelhiElectionResults, social activist Anna Hazare says, "I have been saying it for a long that while contesting the election - the candidate must have a character, good ideas and have no dent on image. But, they (AAP) didn't get that. They got tangled in liquor and… pic.twitter.com/n9StHlOlK9
— ANI (@ANI) February 8, 2025
ସେ କହିଛନ୍ତି, ମୁଁ ବହୁ ଆଗରୁ କହି ଆସୁଛି ଯେ ନିର୍ବାଚନ ଲଢିବା ସମୟରେ ପ୍ରାର୍ଥୀଙ୍କର ଚରିତ୍ର, ଭଲ ଚିନ୍ତାଧାରା ଏବଂ ଭାବମୂର୍ତ୍ତିରେ କୌଣସି ଆଞ୍ଚ ନ ଆସିବା ଆବଶ୍ୟକ । କିନ୍ତୁ ସେମାନେ (ଆପ୍) ଏହା ବୁଝିପାରିଲେ ନାହିଁ । ସେମାନେ ମଦ ଏବଂ ଟଙ୍କାରେ ଫସିଗଲେ । ଯାହାକୁ ନେଇ କେଜ୍ରିୱାଲଙ୍କ ଭାବମୂର୍ତ୍ତିରେ ଆଞ୍ଚ ଆସିଛି । ମଦ ଦୁର୍ନୀତି ଫଳରେ ତାଙ୍କୁ କମ୍ ଭୋଟ୍ ମିଳିଛି । ମୁଁ ବହୁତ ବୁଝାଇଥିଲି ହେଲେ ସେ ବୁଝିଲେ ନାହିଁ । ମଦ ଉପରେ ଅଧିକ ଗୁରୁତ୍ବ ଦେଲେ ତେଣୁ ତାଙ୍କ ଛବି ଖରାପ ହୋଇଗଲା ।
ଏହା ବି ପଢନ୍ତୁ...ଦିଲ୍ଲୀ ଦଙ୍ଗଲରେ ହାରିଗଲେ ଆପ୍ ସୁପ୍ରିମୋ ଅରବିନ୍ଦ କେଜ୍ରିୱାଲ, ବାଜି ମାରିନେଲା ବିଜେପି
କହି ରଖୁଛୁ କି, ଗତ ଫେବୃଆରୀ ୫ ତାରିଖରେ ଦିଲ୍ଲୀ ବିଧାନସଭା ୭୦ ଆସନରେ ନିର୍ବାଚନ ଅନୁଷ୍ଠିତ ହୋଇଥିଲା । ମୋଟ୍ ୬୦.୫୪% ମତଦାନ ହୋଇଥିଲା । ଆପ୍ ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିଜେପିର ପରବେଶ ବର୍ମାଙ୍କଠୁ ପରାସ୍ତ ହୋଇଛନ୍ତି । ୩୧୮୬ ଖଣ୍ଡ ଭୋଟରେ ବିଜୟୀ ହୋଇଛନ୍ତି ବିଜେପି ପ୍ରାର୍ଥୀ ପରବେଶ ବର୍ମା । ଅନ୍ୟପଟେ ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଜଙ୍ଗପୁରୀ ଆସନରୁ ପରାସ୍ତ ହୋଇଛନ୍ତି । କାଲିକାଜୀ ଆସନରୁ ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀ ବିଜେପିର ରମେଶ ବିଧୁଡୀଙ୍କୁ ପରାସ୍ତ କରିଛନ୍ତି ବିଜୟୀ ହୋଇଛନ୍ତି । ରିପୋର୍ଟ ଲେଖାଯିବା ସୁଦ୍ଧା ବିଜେପି ୨୧ ଆସନରେ ଜିତିଥିବା ବେଳେ ଆପ୍ ୧୧ଟି ଆସନରେ ଜିତିଛି । କଂଗ୍ରେସ ଖାତା ଖୋଲି ପାରିନାହିଁ । ପରାଜୟକୁ ସ୍ବୀକାର କରୁଛୁ ବିଜେପିକୁ ଶୁଭେଚ୍ଛା ଜଣାଇ ପ୍ରଥମ ପ୍ରତିକ୍ରିୟା ଦେଇ ଏହା କହିଛନ୍ତି ଅରବିନ୍ଦ କେଜ୍ରିୱାଲ ।
