ନୂଆଦିଲ୍ଲୀ : କାନାଡାରେ ବିରୋଧୀ ଦଳର ନେତାଙ୍କ କାର୍ଯ୍ୟାଳୟ ପାର୍ଲିଆମେଣ୍ଟ ହିଲରେ ବାର୍ଷିକ ଦିୱାଲୀ ଉତ୍ସବକୁ ବାତିଲ କରିଦେଇଛି । ଏହି କାର୍ଯ୍ୟକ୍ରମ ଭାରତୀୟ-କାନାଡିୟ ସମ୍ପ୍ରଦାୟ ପାଇଁ ଆୟୋଜିତ ହୋଇଥାଏ । ଗଣମାଧ୍ୟମର ରିପୋର୍ଟ ଅନୁଯାୟୀ, ଭାରତ ସହ କୂଟନୈତିକ ବିବାଦ ମଧ୍ୟରେ ଏହି ନିଷ୍ପତ୍ତି ନିଆଯାଇଛି । ଏନେଇ ଭାରତୀୟ କାନାଡିୟ ସମ୍ପ୍ରଦାୟ ଏକ ଖୋଲା ଚିଠିରେ ବିରୋଧୀ ଦଳର ନେତା ପିଅର ପୋଏଲିଭରେଙ୍କୁ “ଜାତିଗତ ପକ୍ଷପାତିତା” ଅଭିଯୋଗ କରି ଏକ ଚିଠି ଲେଖିଛନ୍ତି। ଏହି କାର୍ଯ୍ୟକ୍ରମର ଆୟୋଜକ, ଭାରତୀୟ ବିଦେଶୀ ଗୋଷ୍ଠୀ ଓଭରସିଜ୍ ଫ୍ରେଣ୍ଡସ୍ ଅଫ୍ ଇଣ୍ଡିଆ କାନାଡାକୁ ଅକ୍ଟୋବର ୩୦ ରେ ଧାର୍ଯ୍ୟ ହୋଇଥିବା କାର୍ଯ୍ୟକ୍ରମ ବାତିଲ ପାଇଁ କୌଣସି ସ୍ପଷ୍ଟୀକରଣ ଦିଆଯାଇ ନାହିଁ।
ସୂଚନାଥାଉକି ଗତ ବର୍ଷ କାନାଡାରେ ଖାଲିସ୍ତାନୀ ଆତଙ୍କବାଦୀ ହାର୍ଦ୍ଦିକ ସିଂ ନିଜରଙ୍କୁ ହତ୍ୟା କରାଯାଇଥିଲା। ଏହି କାରଣରୁ ଦୁଇ ଦେଶ ମଧ୍ୟରେ ତିକ୍ତତା ବୃଦ୍ଧି ପାଉଛି। ଗତ କିଛି ସପ୍ତାହ ମଧ୍ୟରେ ଏହି ତିକ୍ତତା ଶିଖରରେ ପହଞ୍ଚିଛି ।
ଏହି କାର୍ଯ୍ୟକ୍ରମ ବାତିଲ ହୋଇଥିବାରୁ ଓଭରସିଜ୍ ଫ୍ରେଣ୍ଡସ୍ ଅଫ୍ ଇଣ୍ଡିଆ କାନାଡାର ଅଧ୍ୟକ୍ଷ ଶିବ ଭାସ୍କର ନିଜର ଅସନ୍ତୋଷ ବ୍ୟକ୍ତ କରି କହିଛନ୍ତି ଯେ ଗତ ୨୩ ବର୍ଷ ଧରି ଆୟୋଜିତ ଏହି କାର୍ଯ୍ୟକ୍ରମ ପାଇଁ ବିରୋଧୀଦଳର ନେତାଙ୍କ କାର୍ଯ୍ୟାଳୟ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇ ନାହିଁ ଏବଂ ଯେଉଁଥିରେ ହିନ୍ଦୁ, ବୌଦ୍ଧ, ଜୈନ ଏବଂ ଶିଖମାନେ ଅଂଶଗ୍ରହଣ କରୁଥିଲେ।
