ନୂଆଦିଲ୍ଲୀ: ବଦଳିବେ ଲୋକସଭାର ବିରୋଧୀଦଳର ନେତା । ରାହୁଲ ଗାନ୍ଧୀଙ୍କୁ ବଦଳାଇବାକୁ ଚିନ୍ତା କରୁଛି ବିରୋଧୀ ‘ଇଣ୍ଡି’ ମେଣ୍ଟ । ଭାରତୀୟ ଜନତା ପାର୍ଟୀ ଶୁକ୍ରବାର ଏହି ଦାବି କରିଛି । ବିଜେପି କହିଛି ଯେ ଯଦି INDIA ମିଳିତ ମଞ୍ଚ ଅନୁଭବ କରୁଛି ଯେ ରାହୁଲ ଗାନ୍ଧୀ ଭଲ ପ୍ରଦର୍ଶନ କରୁନାହାଁନ୍ତି, ତେଣୁ ସେମାନେ ଏହି ପରିବର୍ତ୍ତନ କରିବା ଉଚିତ୍।

ନୂଆଦିଲ୍ଲୀ ଲୋକସଭା ନିର୍ବାଚନମଣ୍ଡଳୀରୁ ବିଜେପି ସାଂସଦ ବନସୁରୀ ସ୍ୱରାଜ କହିଛନ୍ତି ଯେ ବିରୋଧୀ ଦଳ ମଧ୍ୟରେ ଅନେକ ଦକ୍ଷ ନେତା ଅଛନ୍ତି, ଯେଉଁମାନେ ବିରୋଧୀ ଦଳର ନେତା (LOP) ଭୂମିକାରେ କାର୍ଯ୍ୟ ତୁଲାଇ ପାରିବେ । ଏଥିସହ ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, INDIA ମିଳିତ ମଞ୍ଚର ଆଭ୍ୟନ୍ତରୀଣ ପ୍ରସଙ୍ଗ ହୋଇଥିବାରୁ ଏହି ନିଷ୍ପତ୍ତି ତାଙ୍କୁ ଗ୍ରହଣ କରିବାକୁ ପଡିବ 

ତେବେ ବିଜେପିର ଏହି ଦାବିକୁ ନେଇ ବିରୋଧୀ ଦଳ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇ ନାହିଁ, କିନ୍ତୁ ବିଶେଷଜ୍ଞ ମାନେ କହିଛନ୍ତି ଯେ, ଅତି କମରେ ୧୦ ପ୍ରତିଶତ ସିଟ୍ ବିଶିଷ୍ଟ ସର୍ବ ବୃହତ ବିରୋଧୀ ଦଳର ସାଂସଦଙ୍କୁ LOP ନିଯୁକ୍ତ କରାଯାଇପାରିବ ଏବଂ ରାହୁଲ ଗାନ୍ଧୀଙ୍କୁ LOP ଭାବରେ ନିଯୁକ୍ତ କରାଯାଇ ପାରିବ, କାରଣ କଂଗ୍ରେସ ହେଉଛି ଗୃହର ସବୁଠାରୁ ବଡ ବିରୋଧୀ ଦଳ।