ଗଡ଼ମଧୁପୁର,୨୭/ ୦୮: ଯାଜପୁର ଜିଲ୍ଲା ଗଡ଼ମଧୁପୁର ଧର୍ମଶାଳା ବ୍ଲକରେ ଅଭାବନୀୟ ଘଟଣା । ଭାଲୁ ଆକ୍ରମଣରେ ଜଣେ ଯୁବକ ଗୁରୁତର । ଗୁରୁତର ଯୁବକ ଜଣକ ତୁରଙ୍ଗ ଗାଁର ଜଳଧର ଜେନାଙ୍କ ପୁଅ ଚିନ୍ମୟ ଜେନା ।
ସୂଚନା ମୁତାବକ, ମଙ୍ଗଳବାର ରାତିରୁ କୁଆଁରିଆ ନଦୀ ନିକଟରେ ଏକ ମାଆ ଭାଲୁ ସମେତ ଦୁଇଟି ଛୁଆ ଖାଦ୍ୟ ସଂଗ୍ରହ ପାଇଁ ଆସିଥିଲେ । ଏହି ସମୟରେ ଚିନ୍ମୟ ଜେନା ଶୌଚ ପାଇଁ ଯାଇଥିଲେ। ଏତିକି ବେଳେ ପଛପଟୁ ବଣୁଆ ଭାଲୁ ତାକୁ ଆକ୍ରମଣ କରିଥିଲା । ନିକଟରେ ଥିବା ତାଙ୍କର ଜଣେ ସାଙ୍ଗ ଦେଖି ଖୁବ ଜୋରରେ ପାଟି କରିବାରୁ ଭାଲୁ ଚିନ୍ମୟଙ୍କୁ ଛାଡି ଚାଲି ଯାଇଥିଲା । ତେବେ ଭାଲୁ ଆକ୍ରମଣରେ ଚିନ୍ମୟ ଗୁରୁତର ହୋଇଥିଲେ । ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ ।
ଗତବର୍ଷ ମଧ୍ୟ କମ୍ପିରା ଗାଁ ନିକଟରେ ତିନି ଭାଲୁ ଆକ୍ରମରେ ଜଣେ ବନ୍ୟ ବିଭାଗର କର୍ମଚାରୀ ଓ ଜଣେ ବିଦ୍ୟୁତ୍ ବିଭାଗର କର୍ମଚାରୀ ଗୁରୁତର ହୋଇିଥିଲେ । ଉଭୟଙ୍କୁ ଧର୍ମଶାଳା ଓ ବଡ଼ଚଣା ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ବାରମ୍ବାର ଏହି ନିର୍ଦ୍ଧିଷ୍ଟ ଅଞ୍ଚଳରେ ଲୋକମାନେ ଭାଲୁ ଆକ୍ରମଣର ଶିକାର ହୋଥିଲେ । ବାରମ୍ବାର ଅଭିଯୋଦ ପରେ ବନ୍ୟ ବିଭାଗ କୌଣସି ପଦକ୍ଷେପ ନେଉନଥିବାରୁ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି ।
