ଅଯୋଧ୍ୟା – ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ସ୍ୱଦେଶୀକୁ ଅଗ୍ରାଧିକାର ଦେବାପାଇଁ ଦୀପାବଳି ଅବସରରେ ରାମ ମନ୍ଦିରର ସାଜସଜ୍ଜା ପାଇଁ ଚାଇନା ନିର୍ମିତ ଝାଲେରୀ , ଲାଇଟ୍ ଓ ଅନ୍ୟ ବସ୍ତୁର ବ୍ୟବହାର ନକରିବାକୁ ନିଷ୍ପତ୍ତି ନେଇଛି। ଅଯୋଧ୍ୟା ଚଳିତ ବର୍ଷ ମଧ୍ୟ ଭବ୍ୟ ଦୀପୋତ୍ସବ ପାଇଁ ପ୍ରସ୍ତୁତ ହୋଇଛି। ଏହି ରାମ ନଗରୀରେ ଦୀପୋତ୍ସବର ଆୟୋଜନର ୮ମ ସଂସ୍କରଣ ହେବ। ରାମ ମନ୍ଦିରରେ ରାମ ଲଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ ପରେ ଏହା ପ୍ରଥମ ଦୀପୋତ୍ସବ।
ରାମ ମନ୍ଦିର ପରିସରକୁ ଦୀପ , ଫୁଲ , ଲାଇଟ୍ ସମେତ ଅନ୍ୟ ଜିନିଷରେ ସଜା ଯାଉଛି। ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ଏକ ବୟାନରେ କହିଛି ଯେ, ଦୀପାବଳି ଅବସରରେ ରାମ ମନ୍ଦିରର ସାଜସଜ୍ଜାରେ ସ୍ଥାନୀୟ ଶିଳ୍ପ କୌଶଳକୁ ପ୍ରାଧ୍ୟାନ୍ୟ ଦେବାର ନିଷ୍ପତ୍ତି ନିଆ ଯାଇଛି। ‘ଭୋକଲ ଫର୍ ଲୋକଲ’ ପ୍ରୟାସ ସହ ତାଳମେଳ ରଖି ଆତ୍ମନିର୍ଭରତା (ଆତ୍ମନିର୍ଭର ଭାରତ) ଆଡ଼କୁ ପାଦ ବଢା ଯାଇଛି। ଦୀପ ଉତ୍ସବ କାର୍ଯ୍ୟକ୍ରମର ସୁରକ୍ଷା ବ୍ୟବସ୍ଥା ପାଇଁ ପାଖାପାଖି ୧୦,୦୦୦ ପୋଲିସକର୍ମି ମୁତୟନ ହେବେ। ଏଥିରୁ ପାଖାପାଖି ଅଧା ସାଦା ପୋଷାକରେ ରହିବେ।
ରାମ ମନ୍ଦିରରେ ଚାଇନା ସାଜସଜ୍ଜା ଜିନିଷର ବ୍ୟବହାର ନକରିବାର ନିଷ୍ପତ୍ତି ବିଷୟରେ ପଚରା ଯିବାରୁ , ଅଯୋଧ୍ୟାର କମିଶନର ଗୌରବ ଦୟାଲ କହିଛନ୍ତି, ମୂଳ ରୂପେ , ଆମେ କେବଳ ସେହି ବସ୍ତୁ ଗୁଡ଼ିକୁ ବ୍ୟବହାର କରିବାକୁ ଚାହୁଁଛୁ ,ଯାହା ସ୍ୱଦେଶୀ ଓ ସ୍ଥାନୀୟ ଅଟେ। ଏହା ପଛରେ ରାମ ମନ୍ଦିର ଟ୍ରଷ୍ଟର ବିଚାର ଏହା କି ସ୍ଥାନୀୟ କାରିଗର , ସ୍ଥାନୀୟ କଳାକାର ଓ ସ୍ଥାନୀୟ ସାମଗ୍ରୀକୁ ଅଗ୍ରାଧିକାର ଦିଆଯାଉ ,ଯାହା ଅଧିକ ପରିବେଶ ଅନୁକୂଳ ।
ଏହା ପଚରା ଯାଇଥିଲା ଯେ ଲୋକଙ୍କୁ ଚାଇନା ସାମଗ୍ରୀ ବ୍ୟବହାର ନକରିବାକୁ ଏମିତି କୌଣସି ଅପିଲ ବା ନିର୍ଦ୍ଦେଶ ପ୍ରଶାସନ ପକ୍ଷରୁ ହୋଇଛି କି , ସେ କହିଛନ୍ତି , ଏହା ଲୋକଙ୍କ ଉପରେ ନିର୍ଭର କରେ । ଆମେ କାହାକୁ ବାଧ୍ୟ କରିପାରିବୁ ନାହିଁ। ଦୀପାବଳିର ଗୋଟିଏ ଦିନ ପୂର୍ବରୁ ( ୩୦ ଅକ୍ଟୋବର) ଅଯୋଧ୍ୟାରେ ଦୀପୋତ୍ସବର ଆୟୋଜନ କରାଯିବ। ସରକାରଙ୍କ ଲକ୍ଷ୍ୟ ଏହି ବର୍ଷ ଏକା ସାଥିରେ ସବୁଠୁ ଅଧିକ ସଂଖ୍ୟାରେ ଦୀପ ଜଳାଇ ପୁଣି ଥରେ ଗିନିଜ୍ ୱାର୍ଲଡ ରେକର୍ଡ କରିବାର ଅଛି। ରାମ ଲୀଳା ଓ ଅନ୍ୟ ସାଂସ୍କୃତିକ ପ୍ରଦର୍ଶନର ମଧ୍ୟ ଆୟୋଜନ ହେବ।
