ନୂଆଦିଲ୍ଲୀ,୨୬/୭ :  ଏସିଆ କପ ୨୦୨୫ ସିଡ୍ୟୁଲର ଘୋଷଣା ଖୁବଶୀଘ୍ର ହୋଇପାରେ । ଏସିଆ କପକୁ ନେଇ କେତେ ମାସ ଧରି ବାଦ ବିବାଦ ଜାରି ରହିଥିଲା । ଏହି କାରଣରୁ ଭାରତ ଖେଳିବା ନେଇ କିଛି ସ୍ପଷ୍ଟ ହୋଇପାରିନଥିଲା । କ୍ରିକବଜର ରିପୋର୍ଟ ଅନୁସାରେ ଏସିଆ କପର ଆୟୋଜନ ୧୦ସେପ୍ଟେମ୍ବରରୁ ଆରମ୍ଭ ହେବ । ଯଦି ଆମେ ସିଡ୍ୟୁଲ କଥା କହିବା ତେବେ ତାହା ଆଗାମୀ ୨୪ରୁ ୪୮ଘଣ୍ଟା ମଧ୍ୟରେ ଜାରି କରାଯିବା ନେଇ ସୂଚନା ରହିଛି । କୁହାଯାଉଛି କି ନିକଟରେ ହୋଇଥିବା ଏସିଆ କ୍ରିକେଟ କାଉନସିଲ (ACC)ର ବୈଠକରେ ଭାରତ, ପାକିସ୍ତାନ ଏବଂ ବାଂଲାଦେଶ ନିଜ ନିଷ୍ପତ୍ତିକୁ ଅଣଦେଖା କରି ଏସିଆ କପରେ ଖେଳିବାକୁ ନିର୍ଣ୍ଣୟ ନିଆଯାଇଛି । 

ସୂଚନା ମୁତାବକ ୨୬-୨୮ଜୁଲାଇ ମଧ୍ୟରେ କେବେ ବି ସିଡ୍ୟୁଲର ଘୋଷଣା କରାଯାଇପାରେ । ଯଦି ପୂରା ସିଡ୍ୟୁଲ ଏକାସାଥିରେ ଜାରି କରାଯିବ ନାହିଁ ତ ଅଧା ଶନିବାର ଏବଂ ଅଧା ରବିବାର ଜାରି କରାଯାଇପାରେ । ଏହି ରିପୋର୍ଟ ଅନୁସାରେ ଏସିଆ କପ ୧୦ସେପ୍ଟେମ୍ବରରୁ ୨୮ସେପ୍ଟେମ୍ବର ପର୍ଯ୍ୟନ୍ତ ଖେଳାଯିବାକୁ ଅଛି । ତାରିଖରେ ଏବେ ବି ପରିବର୍ତ୍ତନ ସମ୍ଭବ ଅଟେ । ସେହିଭଳି ଟୁର୍ଣ୍ଣାମେଣ୍ଟର ମ୍ୟାଚ୍ ଗୁଡ଼ିକ ୟୁଏଇର ଦୁବାଇରେ ଏବଂ ଆବୁ ଧାବିରେ କରାଯାଇପାରେ ବୋଲି ସୂଚନା ରହିଛି ।

ଏସିଆ କପର ଆୟୋଜନ ପ୍ରଥମେ ଭାରତ କରିବାରେ ଥିଲା । କିନ୍ତୁ ଏହା ଏକ ନିରପେକ୍ଷ ସ୍ଥାନରେ ଟୁର୍ଣ୍ଣାମେଣ୍ଟ ଆୟୋଜନ କରିବାକୁ ରାଜି ହୋଇଥିଲା । ବିସିସିଆଇ ବର୍ତ୍ତମାନ ଚୂଡ଼ାନ୍ତ କାର୍ଯ୍ୟସୂଚୀ ଚୁଡ଼ାନ୍ତ କରିବାକୁ ଚେଷ୍ଟା କରୁଛି। କାର୍ଯ୍ୟସୂଚୀରେ କିଛି ସାମାନ୍ୟ ପରିବର୍ତ୍ତନ ସମ୍ଭବ। ଜୁଲାଇ ୨୪ତାରିଖରେ ACC ବୈଠକ ପରେ ବିସିସିଆଇ ଏସୀୟ କ୍ରିକେଟ ପରିଷଦର ସଦସ୍ୟମାନଙ୍କୁ ଜଣାଇଥିଲା ଯେ  କାର୍ଯ୍ୟସୂଚୀ ସମ୍ପର୍କରେ ବାଣିଜ୍ୟିକ ଅଂଶୀଦାରମାନଙ୍କ ସହିତ କିଛି ବିଷୟ ନିଷ୍ପତ୍ତି ନେବାକୁ ପଡିବ।