ବୀରମହାରାଜପୁର, ୫।୫: ବୀରମହାରାଜପୁରରେ କାର୍ତ୍ତିକ ପାଣ୍ଡିଆନଙ୍କ ପ୍ରଚାର । ଲୋକଙ୍କ ମୁହଁରେ ହସ ଫୁଟିଲେ ମୁଖ୍ୟମନ୍ତ୍ରୀ ଖୁସି ହୁଅନ୍ତି ବୋଲି କହିଛନ୍ତି ପାଣ୍ଡିଆନ୍ । ଓଡ଼ିଶାବାସୀଙ୍କୁ ନିଜ ପରିବାର ଭାବି ମୁଖ୍ୟମନ୍ତ୍ରୀ ଦିନରାତି ପରିଶ୍ରମ କରୁଛନ୍ତି । ମୁଖ୍ୟମନ୍ତ୍ରୀଙ୍କର କଥା କମ୍, କାମ ବେଶି । ବିରୋଧୀଙ୍କର କଥା ବେଶି, କାମ କମ୍ । ବନ୍ୟା, ମରୁଡ଼ି, ସୁଖ ଦୁଃଖ ସବୁଥିରେ ମୁଖ୍ୟମନ୍ତ୍ରୀ ଆପଣଙ୍କ ସାଥିରେ ଅଛନ୍ତି । କାମର ହିସାବ ଦିଅନ୍ତି, ସେବାରେ ବିଶ୍ୱାସ କରନ୍ତି । କିନ୍ତୁ, ବିରୋଧୀ ଭୋଟ୍ ପାଇଁ ଆସନ୍ତି, କାମ ପାଇଁ ନୁହେଁ ।
୫ ବର୍ଷରେ ଥରେ ଆସିବେ, ଓଡ଼ିଶାକୁ ସ୍ୱତନ୍ତ୍ର ରାଜ୍ୟ କରିବୁ, ଘୋଡ଼ା ଦେବୁ ହାତୀ ଦେବୁ ବୋଲି କହିବେ, ହେଲେ ଭୋଟ ସରିଲେ ସବୁ ଭୁଲିଯିବେ ବୋଲି କହିଛନ୍ତି ପାଣ୍ଡିଆନ୍ । ୨ କୋଟି ଚାକିରି ଓ ଦୁଇ ଗୁଣ MSP କୁଆଡ଼େ ଗଲା ? ବୋଲି ଭିକେ ପାଣ୍ଡିଆନ୍ ପ୍ରଶ୍ନ କରିଛନ୍ତି । ଓଡ଼ିଶା ଏକମାତ୍ର ରାଜ୍ୟ, ଯେଉଁଠି ୯୫% କଲେଜ ପିଲା ବୃତ୍ତି ପାଉଛନ୍ତି, ୧୦ ହଜାର ଝିଅ, ୯ ହଜାର ପୁଅ । ପାତଳୀ ଶ୍ରୀକ୍ଷେତ୍ର ପାଇଁ ୨୮ କୋଟି ଟଙ୍କା ମଞ୍ଜୁର ହୋଇଛି । ବୀରମହାରାଜପୁରରେ ୩୦୦୦ କୋଟି ଟଙ୍କାର ଉଠା ଜଳସେଚନ ପ୍ରକଳ୍ପ ମଞ୍ଜୁର କରାଯାଇଥିବା ସେ କହିଛନ୍ତି ।