ନୂଆଦିଲ୍ଲୀ, ୨୩/୦୪ : ମାଲେସିଆରେ ଭୟଙ୍କର ଦୁର୍ଘଟଣା। ମଙ୍ଗଳବାର ସକାଳେ ମାଲେସିଆ ନୌସେନାର ୨ଟି ହେଲିକପ୍ଟର ପରସ୍ପର ସହ ଧକ୍କା ହୋଇଛନ୍ତି। ଫଳରେ ୧୦ ଜଣ କ୍ରୁ ସଦସ୍ୟଙ୍କର ମୃତ୍ୟୁ ହୋଇଛି। ସମସ୍ତ ମୃତଦେହ ଉଦ୍ଧାର କରାଯାଇ ଲୁମୁଟ ଆର୍ମି ବେସ୍ ହସ୍ପିଟାଲରେ ରଖାଯାଇଛି। ଶବ ଚିହ୍ନଟ ପ୍ରକ୍ରିୟା ପରେ ସେମାନଙ୍କ ପରିବାରକୁ ମୃତଦେହ ହସ୍ତାନ୍ତର କରାଯିବ।
ସୂଚନାନୁଯାୟୀ, ମଙ୍ଗଳବାର ସକାଳ ପ୍ରାୟ ସାଢେ ୯ଟା ବେଳେ ଲୁମୁଟ ନୌସେନା ବେସ୍ରେ ଫେନେକ୍ ଏମ-୫୦୨-୬ ଏବଂ ଏଚଓଏମ ଏମ-୫୦୩-୩ ହେଲିକପ୍ଟର ରୟାଲ ମାଲେସିଆନ ନେଭିର ଏକ ସମାରୋହ ପାଇଁ ରିହର୍ସଲ୍ କରୁଥିଲେ। ଏହି ସମୟରେ ଗୋଟିଏ ହେଲିକପ୍ଟରର ପଙ୍ଖା ଅନ୍ୟ ହେଲିକପ୍ଟର ସହ ଧକ୍କା ହୋଇଥିଲା। ଯାହାଫଳରେ ୨ଟି ଯାକ ହେଲିକପ୍ଟର ଷ୍ଟାଡିୟମ ଗ୍ରାଉଣ୍ଡକୁ ଖସି ପଡିଥିଲା। ଏହି ଦୁର୍ଘଟଣାରେ ୧୦ ଜଣ କ୍ରୁ ସଦସ୍ୟଙ୍କର ମୃତ୍ୟୁ ହୋଇଛି। ସମସ୍ତ ମୃତଦେହ ଉଦ୍ଧାର କରାଯାଇ ଲୁମୁଟ ଆର୍ମି ବେସ୍ ହସ୍ପିଟାଲରେ ରଖାଯାଇଛି। ଶବ ଚିହ୍ନଟ ପ୍ରକ୍ରିୟା ପରେ ସେମାନଙ୍କ ପରିବାରକୁ ମୃତଦେହ ହସ୍ତାନ୍ତର କରାଯିବ। ତେବେ ଏହି ଘଟଣା ବେଳର ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି। ଏହି ଦୁର୍ଘଟଣାର ଯାଞ୍ଚ୍ ପାଇଁ ଏକ ତଦନ୍ତ କମିଟି ଗଠନ କରାଯାଇଛି।