ନୂଆଦିଲ୍ଲୀ ୨୨/୦୪: ଜଳବାୟୁ ସଙ୍କଟ ଅଧିକରୁ ଅଧିକ ଗମ୍ଭୀର ହେଉଥିବାବେଳେ ପ୍ରତିବର୍ଷ ପୃଥିବୀ ଦିବସର ଗୁରୁତ୍ୱ ବଢୁଛି । ପରିବେଶ ଏବଂ ପୃଥିବୀର ସୁରକ୍ଷା ଲାଗି ଆବଶ୍ୟକ ଜରୁରିକାଳୀନ କାର୍ଯ୍ୟାନୁଷ୍ଠାନ ବିଷୟରେ ଆଲୋକପାତ କରିବା ପାଇଁ ବିଶ୍ୱବାସୀଙ୍କୁ ଏକତ୍ର କରିବା ଉଦ୍ଦେଶ୍ୟରେ ୧୯୭୦ ମସିହାରେ ପ୍ରଥମେ ବିଶ୍ୱ ପୃଥିବୀ ଦିବସ ପାଳନ କରାଯାଇଥିଲା । ଏବେ ବିଶ୍ୱର ୧୯୩ଟି ଦେଶରେ ଏହା ପାଳିତ ହେଉଛି । ଏହି ଦିନରେ ବିଶ୍ୱର ବିଭିନ୍ନ ସ୍ଥାନରେ ପରିବେଶ ସୁରକ୍ଷା ସଂପର୍କିତ କର୍ମଶାଳାମାନ ଆୟୋଜିତ ହୋଇଥାଏ । ଅନେକ ସ୍ୱେଚ୍ଛାସେବୀ ସଂଗଠନ ପକ୍ଷରୁ ସଫେଇ ଅଭିଯାନ ଚଳାଯାଏ । କିଛି ସ୍ଥାନରେ ଲୋକମାନେ ଏକତ୍ରିତ ହୋଇ ବୃକ୍ଷରୋପଣ କାର୍ଯ୍ୟ କରିଥାନ୍ତି ।
ଚଳିତବର୍ଷ ଲାଗି ଏହି ଦିବସର ଥିମ୍ ହେଉଛି ‘ଗ୍ରହ ବନାମ ପ୍ଲାଷ୍ଟିକ୍’ । ସମୁଦ୍ର, ନଦୀ ଏପରିକି ଆମର ଖାଦ୍ୟ ଶୃଙ୍ଖଳରେ ବର୍ଧିଷ୍ଣୁ ପ୍ଲାଷ୍ଟିକ୍ ପ୍ରଦୂଷଣ ସଂପର୍କରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ଏହି ଥିମ୍କୁ ଚୟନ କରାଯାଇଛି । ଏହା ମାଧ୍ୟମରେ ପ୍ଲାଷ୍ଟିକ୍ର ବ୍ୟବହାର କମାଇବା ଏବଂ ତାର ବିକଳ୍ପ ସାମଗ୍ରୀ ବ୍ୟବହାର ଲାଗି ଆହ୍ୱାନ ଦିଆଯାଇଛି ।