ବେଜିଂ,୨୩।୪: ଚୀନ୍ରେ ୧୦୦ ବର୍ଷର ରେକର୍ଡ ଭାଙ୍ଗିଲା ଭୟଙ୍କର ବନ୍ୟା। ଅନେକ ରାଜ୍ୟ ବର୍ତ୍ତମାନ ବନ୍ୟା ପାଣି ବୁଡ଼ି ରହିଛି। ଚୀନ୍ର ୪୪ ଟି ନଦୀ ବିପଦସଙ୍କେତ ଉପରେ ରହିଛି। ନଦୀରେ ଜଳ ସ୍ତର ୧୯ ଫୁଟରେ ପହଞ୍ଚିବ ବୋଲି ଚେତାବନୀ ଦିଆଯାଇଛି। ବନ୍ୟାରେ ଲକ୍ଷ ଲକ୍ଷ ଘର ପ୍ରଭାବିତ ହୋଇଛି। ଦକ୍ଷିଣ ଚୀନ୍ର ଅନେକ ସହରରେ ଗତ ଏକ ସପ୍ତାହ ଧରି ପ୍ରବଳ ବର୍ଷା ହେଉଛି। କେବଳ ଚାଇନାର ଗୁଆଙ୍ଗଡୋଙ୍ଗ ପ୍ରଦେଶରେ ୧୨ କୋଟି ଲୋକ ବନ୍ୟା ପ୍ରଭାବିତ ହୋଇଛନ୍ତି। ବନ୍ୟା ପ୍ରଭାବରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ନିଖୋଜ ଅଛନ୍ତି।
ନର୍ଥ ଗୁଆଙ୍ଗଡୋଙ୍ଗ ରାଜ୍ୟରେ ବନ୍ୟା ଗତ ସବୁ ରେକର୍ଡ ଭାଙ୍ଗି ଦେଇଛି। ରିପୋର୍ଟ ଅନୁସାରେ, ଗୁଆଙ୍ଗଡୋଙ୍ଗର ନଦୀରେ ପାଣି ଗତ ୧୦୦ ବର୍ଷର ରେକର୍ଡ ଭାଙ୍ଗି ଦେଇଛି। ଚୀନ୍ରେ ଏହି ପ୍ରଳୟଙ୍କାରୀ ବନ୍ୟା କାରଣରୁ ଏପ୍ରିଲରେ ସ୍ବାଭାବିକଠାରୁ ଅଧିକ ବର୍ଷା ବୋଲି କୁହାଯାଉଛି।
ପାଣିପାଗ ବିଜ୍ଞାନୀଙ୍କ କହିବା ଅନୁସାରେ, ମଧ୍ୟ ଦକ୍ଷିଣ ଚୀନରେ ଆଜି ଆହୁରି ପ୍ରବଳ ବର୍ଷା ହୋଇପାରେ। ବର୍ତ୍ତମାନ ଦକ୍ଷିଣ ଚୀନ୍ରେ ଏମର୍ଜେନ୍ସି ସେବା ଆର୍ଲଟ ମୋଡ୍ରେ ରହିଛି। ଚୀନ୍ରୁ ଯେଉଁ ରିପୋର୍ଟ ଆସୁଛି, ତାହା କହୁଛି ଯେ, ସ୍ଥିତି କେତେ ଭୟାବହ ରହିଛି। ବର୍ତ୍ତମାନ ଦକ୍ଷିଣ ଚୀନ୍ରେ ୧୬ ଲକ୍ଷ ଲୋକ ଲାଇନ୍ ନଥିବାରୁ ଅନ୍ଧାରରେ ରହିବାକୁ ବାଧ୍ୟ ହେଉଛନ୍ତି। ଏକ ହଜାରରୁ ଅଧିକ ସ୍କୁଲକୁ ବନ୍ଦ ରଖାଯାଇଛି।