ଲମତାପୁଟ, ୨୪/୧୧: ଜାଡରେ ଥରୁଛି ଲମତାପୁଟ ବ୍ଲକ । ଧୀରେ ଧୀରେ ତଳ ମୁହାଁ ହେଉଛି ପାରଦ । ୬ ଡିଗ୍ରୀ ତଳକୁ ଖସିଲା ପାରଦ । ଉପାନ୍ତ ଅଞ୍ଚଳରେ ବୟସ୍କ ବୃଦ୍ଧ ବୃଦ୍ଧାଙ୍କ ପାଇଁ ଭାରି ସମସ୍ୟା ହେଉଛି । ସକାଳ ୧୦ ଟା ପର୍ଯ୍ୟନ୍ତ କୁହୁଡି ସାରା ଅଞ୍ଚଳ କୁହୁଡ଼ିରେ ଢାଙ୍କି ହୋଇଥିବା ହେତୁ ଯାତାୟତ ପାଇଁ ବିଭିନ୍ନ ସମସ୍ୟା ଉପୁଜୁଛି । ୧୦ ମିଟର ପର୍ଯ୍ୟନ୍ତ କିଛି ବି ଦେଖା ଯାଉନାହିଁ । ଗାଡିମଟର ଲାଇଟ ଲଗାଇ ଯାତାୟାତ କରୁଛନ୍ତି ଲୋକେ ।

ଘନ କୁହୁଡି କାରଣରୁ ରାସ୍ତା ଦେଖା ଯାଉନଥିବାରୁ ଗାଡି ମଟର ଚଳାଚଳରେ ବହୁ ଅସୁବିଧା ଉପୁଜୁଛି । ଅନ୍ୟପକ୍ଷରେ କୋରାପୁଟର କାଶ୍ମୀର କୁହାଯାଉଥିବା ଲମତାପୁଟ ବ୍ଲକରେ ଶୀତ ଧୀରେ ଧୀରେ ବଢିବାରେ ଲାଗିଛି । ସନ୍ଧ୍ୟା ୭ଟାରେ ମୁଖ୍ୟ ବଜାର ଜନଶୂନ୍ୟ ହୋଇଯାଉଛି । ନିଆଁ ଲଗାଇ ଶୀତ ଛଡାଉଛନ୍ତି ଅଞ୍ଚଳବାସୀ । ଶୀତ ବଡିବା ସଙ୍ଗେ ସଙ୍ଗେ ସକାଳୁ ସକାଳୁ ଶୀତୁଆ ଓଠକୁ ଗରମ ଚାର ମଜା ନେବାପଇଁ ଚା ଦୋକାନ ଗୁଡିକରେ ଭିଡ଼ ଜମୁଛି । ଶୀତ ବଢିବା କାରଣରୁ ଏହି ଅଞ୍ଚଳର ଚାଷୀ ଭାରି ଖୁସି ହେଉଛନ୍ତି କାରଣ ଶୀତ ବଢିଲେ କୋବି ଜାତୀୟ ଫସଲ ଭଲ ହୋଇଥାଏ । ତେବେ ଆଗକୁ ଆହୁରି ଶୀତର ପ୍ରକୋପ ବଢିବା ନେଇ ପାଣି ପାଗ ବିଭାଗ ସୂଚନା ଦେଇଛି l