ଭୁବନେଶ୍ଵର, ୧୮/୦୩ : ଘରେ ବସି ଖାଉଥିବା ବେଳେ ଅଘଟଣ। ମାଟି କାନ୍ଥ ଭୁଶୁଡ଼ି ଭଉଣୀ ମୃତ ଭାଇ ଆହତ। କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ନନ୍ଦିପଦା ଥାନା ବଡ଼ରମ୍ପାସ ଗାଁରେ ଏଭଳି ଅଭାବନୀୟ ଘଟଣା ଘଟିଛି। ମୃତକ ନାବାଳିକା ହେଉଛନ୍ତି ନିରାକାର ସାହୁଙ୍କ ଝିଅ ସ୍ନେହଲତା।
ସୂଚନାନୁଯାୟୀ, ଆନନ୍ଦପୁର ଉପଖଣ୍ଡ ନନ୍ଦିପଦା ଥାନା ବଡରମ୍ପାସ ଗାଁରେ ମଙ୍ଗଳବାର ସକାଳୁ ଏକ ବଡ଼ ଅଘଟଣ ଘଟିଛି। ନିରାକାର ସାହୁଙ୍କ ୮ବର୍ଷର ଝିଅ ସ୍ନେହଲତା ଓ ମହେଶ୍ବର ସାହୁଙ୍କ ୫ବର୍ଷର ପୁଅ ସାଇ ପ୍ରସାଦ ଉଭୟ ସମ୍ପର୍କରେ ଭାଇ ଭଉଣୀ। ଦୁହେଁ ସ୍କୁଲ ଯିବା ପାଇଁ ଘରେ ବସି ଖାଉଥିବା ସମୟରେ ତାଙ୍କ ଉପରେ ହଠାତ୍ ମାଟି କାନ୍ଥ ଭୁଶୁଡ଼ି ପଡିଥିଲା। ଫଳରେ ସ୍ନେହଲତା ଗୁରୁତର ହୋଇଥିବା ବେଳେ ସାଇ ପ୍ରସାଦ ଆହତ ହୋଇଥିଲେ। ପରିବାର ଲୋକେ ଭାଇ ଭଉଣୀଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ସେଠାରେ ଡାକ୍ତର ସ୍ନେହଲତାଙ୍କୁ ମୃତ ଘୋଷଣା କରିଛନ୍ତି। ଏହି ଘଟଣା ପରେ ମୃତକଙ୍କ ପରିବାରରେ ଶୋକାକୁଳ ପରିବେଶ ସୃଷ୍ଟି ହୋଇଛି।
ଏହି ଖବରଟିକୁ ପଢନ୍ତୁ-କାଳବୈଶାଖୀ ଆଣିବ ଆଶ୍ୱସ୍ତି, କାଲିଠୁ ଖସିବ ତାତି: ଆଜି ଝାରସୁଗୁଡ଼ା ଓ ବୌଦ୍ଧକୁ ଅରେଞ୍ଜ, ୪ ଜିଲ୍ଲାକୁ ୟେଲୋ ୱାର୍ଣ୍ଣିଂ
