ନୂଆଦିଲ୍ଲୀ: ହସ ମନି ମାମଲାରେ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମିଳିଲା ଆଶ୍ୱସ୍ତି। ଆମେରିକାର ମ୍ୟାନହଟ୍ଟନ କୋର୍ଟ ଡୋନାଲ୍ଡ ଟ୍ରମ୍ପଙ୍କୁ ଏହି ମାମଲାରେ ବିନା ସର୍ତ୍ତରେ ଖଲାସ କରିଛି। ଟ୍ରମ୍ପ ଏହି ମାମଲାରେ ଦୋଷି ହେବା ସତ୍ତ୍ୱେ ଜେଲ ଯିବା ଜୋରିମାନା ଦବାରୁ ବଞ୍ଚିଯାଇଛନ୍ତି।
ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ହସ ମନି ମାମଲାରେ ଶୁକ୍ରବାର ଔପଚାରିକ ଭାବେ ଦଣ୍ଡାଦେଶ ହୋଇଥିଲା। କିନ୍ତୁ ଏହି ମାମଲାର ବିଚାର କରୁଥିବା ବିଚାରପତି ତାଙ୍କୁ କୌଣସି ଦଣ୍ଡାଦେଶ ଶୁଣାଇବାକୁ ସିଧାସଳଖ ମନାକରିଦେଇଥିଲେ। ଏହି କାରଣରୁ ବର୍ତ୍ତମାନ ଟ୍ରମ୍ପଙ୍କ ଉପରେ କୈଣସି କାର୍ଯ୍ୟାନୁଷ୍ଠାନ ନିଆଯିବନାହିଁ। ତେଣୁ ଏବେ ସେ ବିନା କୌଣସି ବାଧାରେ ସିଧାସଳଖ ହ୍ୱାଇଟ ହାଉସକୁ ଯିବେ।
ସୁଚନା ଅନୁଯାୟୀ, ଆଡଲ୍ଟ ଷ୍ଟାର ଷ୍ଟର୍ମୀ ଡାନିଏଲ୍ସ ଦାବି କରିଥିଲେ ଯେ ପ୍ରାୟ ଏକ ଦଶନ୍ଧି ପୂର୍ବରୁ ଟ୍ରମ୍ପ ତାଙ୍କ ସହ ଯୈନ ସମ୍ପର୍କ ରଖିଥିଲେ। ୨୦୧୬ରେ ରାଷ୍ଟ୍ରପତି ନିର୍ବାଚନ ପୂର୍ବରୁ ଚୁପ୍ ରହିବା ପାଇଁ ଡୋନାଲ୍ଡ ଟ୍ରମ୍ପ ତାଙ୍କୁ ୧.୩ ମିଲିୟନ ଡଲାର ପ୍ରଦାନ କରିଥିଲେ। ଏହି ମାମଲାରେ ଟ୍ରମ୍ପଙ୍କୁ ଦୋଷୀ ସାବ୍ୟସ୍ତ କରିଥିଲେ ଆମେରିକା କୋର୍ଟ। ଏହାକୁ ନେଇ ଡୋନାଲ୍ଡ ଟ୍ରମ୍ପ ଏକ ଅଲୋଡା କିର୍ତ୍ତୀର ଅଧିକାରୀ ହୋଇଛନ୍ତି। ସେ ଆମେରିକାର ପ୍ରଥମ ଓ ଶେଷ(ବର୍ତ୍ତମାନ ଯାଏ) ରାଷ୍ଟ୍ରପତି ଯାହାଙ୍କ ନାମରେ ଆପରାଧିକ ମାମଲା ରହିଛି।
ଏହା ପୂର୍ବରୁ ଆମେରିକାର ସୁପ୍ରିମ କୋର୍ଟ ଗୁରୁବାର ଟ୍ରମ୍ପଙ୍କ ଉପରେ ହେବାକୁ ଥିବା କାର୍ଯାନୁଷ୍ଠାନ ଉପରେ ରୋକ ଲଗାଇବାକୁ ମନାକରିଦେଇଥିଲେ। ଏଣୁ ମ୍ୟାନହଟ୍ଟନରେ ନ୍ୟୁୟର୍କ ରାଜ୍ୟ ଅଦାଲତ ଦଣ୍ଡାଦେଶ ଶୁଣାଇବାର ରାସ୍ତା ଖୋଲିଯାଇଥିଲା।
ଆପଣଙ୍କୁ ଜଣାଇରଖୁ କି ଡୋନାଲ୍ଡ ଟ୍ରମ୍ପ ଆସନ୍ତା ଜାନୁଆରି ୨୦ ତାରିଖରେ ଆମେରିକାର ୪୭ ତମ ରାଷ୍ଟ୍ରପତି ରୁପରେ ଶପଥ ଗ୍ରହଣ କରିବାକୁ ଯାଉଛନ୍ତି। ଗତବର୍ଷ ଦୀର୍ଘ ୬ ସପ୍ତାହ ଦରି ଟ୍ରମ୍ପଙ୍କ ଉପରେ ଏହି ମାମଲା ଚାଲୁରହିଥିଲା। ତେବେ ୭୮ ବର୍ଷିୟ ଟ୍ରମ୍ପ ଏହି ଆରୋପକୁ ଭିତ୍ତିହୀନ କହିବା ସହିତ ନିଜକୁ ନିର୍ଦୋଷ ବୋଲି କହିଛନ୍ତି।
