ଭୁବନେଶ୍ଵର, ୧୮/୦୨ : ପାରାଦ୍ଵୀପ ଆସୁଥିବା ବେଳେ ଓଲଟିଲା ମଦ ବୋଝେଇ ଟ୍ରକ୍ । ହେଲପର ମୃତ, ଡ୍ରାଇଭର ଆହତ। ଦୀର୍ଘ ସମୟ ଧରି ଗାଡ଼ି ତଳେ ଚାପି ହୋଇ ଚାଲିଗଲା ହେଲପରଙ୍କ ଜୀବନ। କୁଜଙ୍ଗ ବଜାର ନିକଟରେ ଘଟିଛି ଏଭଳି ମର୍ମନ୍ତୁଦ ଦୁର୍ଘଟଣା। ଘଟଣାସ୍ଥଳରେ କୁଜଙ୍ଗ ପୋଲିସ ହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ସୂଚନା ଅନୁଯାୟୀ, ସୋମବାର ରାତିରେ ଏକ ମଦ ବୋଝେଇ ଟ୍ରକ୍ ପାରାଦ୍ଵୀପ ଆସୁଥିଲା। କୁଜଙ୍ଗ ବଜାର ଠାରୁ କିଛି ଦୂରରେ ଉକ୍ତ ଗାଡିକୁ ଏକ ହାଇଓ୍ବା ଗାଡ଼ି ଧକ୍କା ଦେଇ ଫେରାର ହେଇଯାଇଥିଲା। ଫଳରେ ମଦ ବୋଝେଇ ଟ୍ରକ୍ଟି ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା। ବାମପଟେ ବସିଥିବା ଟ୍ରକ୍ର ହେଲପର୍ ଗାଡ଼ି ତଳେ ଚାପି ହୋଇଯାଇଥିଲେ। ଖବର ପାଇ କୁଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି। ଦୁର୍ଘଟଣାରେ ଟ୍ରକ୍ ଡ୍ରାଇଭର୍ ଆହତ ହୋଇଛନ୍ତି।
ଏହି ଖବରଟିକୁ ପଢନ୍ତୁ-ଆଇଗିଣିଆ ବ୍ରିଜ ଉପରେ ଦୁର୍ଘଟଣା : ବୋଲେରୋ- ବିଏମସି ସଫେଇ ଗାଡି ମଧ୍ୟରେ ଧକ୍କା
