ନୂଆଦିଲ୍ଲୀ: ରଣଜୀ ଟ୍ରଫି ୨୦୨୪-୨୫ର ତୃତୀୟ କ୍ୱାର୍ଟର ଫାଇନାଲ୍ ମ୍ୟାଚ୍ ମୁମ୍ବାଇ ଏବଂ ହରିୟାଣା ମଧ୍ୟରେ ଖେଳାଯାଉଛି । ଏହି ମ୍ୟାଚ୍ରେ ମୁମ୍ବାଇ ଅଧିନାୟକ ଅଜିଙ୍କ୍ୟ ରାହାଣେ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଏହା ପରେ, ମୁମ୍ବାଇ ଦଳ ପ୍ରଥମ ଇନିଂସରେ ୮ ୱିକେଟ ହରାଇ ୨୭୮ ରନ କରିଥିଲା । ଦଳ ପାଇଁ ଟପ୍ ଅର୍ଡର ବ୍ୟାଟ୍ସମ୍ୟାନମାନେ ଭଲ ପ୍ରଦର୍ଶନ କରିପାରି ନଥିଲେ। ଖରାପ ଫର୍ମ ସହିତ ସଂଘର୍ଷ କରୁଥିବା ସୂର୍ଯ୍ୟକୁମାର ଯାଦବ ମଧ୍ୟ ଏକ ବଡ଼ ଇନିଂସ ଖେଳିପାରି ନଥିଲେ। ସୂର୍ଯ୍ୟକୁମାର ଯାଦବ ୪ ବଲ୍ରେ ୯ ରନ୍ କରିବା ସହ ବୋଲ୍ଡ ହୋଇ ପାଭିଲିୟନ ଫେରିଥିଲେ ।
Tribute to Suryakumar Yadav getting bowled in Ranji🥰🥰🥰 pic.twitter.com/iyTGXxgSlx
— A (@Chadniket) February 8, 2025
ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ, ଭାରତୀୟ ଦଳ ଇଂଲଣ୍ଡ ବିପକ୍ଷରେ ଟି-୨୦ ସିରିଜ୍ ୪-୧ରେ ଜିତିଥିଲା। କିନ୍ତୁ ସେ ଭଲ ପ୍ରଦର୍ଶନ ଦେଖାଇ ପାରିନଥିଲେ। ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ ସେ କେବଳ ୨୮ ରନ୍ କରିଥିଲେ । ଯେଉଁଥିରେ ସେ ଦୁଇଥର ଖାତା ମଧ୍ୟ ଖୋଲିପାରି ନଥିଲେ। ଇଂଲଣ୍ଡ ବିପକ୍ଷ ODI ସିରିଜ ପାଇଁ ତାଙ୍କୁ ମନୋନୀତ କରାଯାଇ ନଥିଲା। ଏହି କାରଣରୁ, ସେ ଘରୋଇ କ୍ରିକେଟ ଖେଳିବା ପାଇଁ ମୁମ୍ବାଇ ଦଳରେ ଯୋଗ ଦେଇଥିଲେ।
ବାଟବାଟୀରେ ବଡ ବଡ ଟିମକୁ ଧୂଳି ଚଟାଇଛି ଭାରତ, ୧୮ ବର୍ଷ ହେବ କାଏମ୍ ରେକର୍ଡ
ମୁମ୍ବାଇ ଦଳ ତା’ର ପ୍ରଥମ ଇନିଂସରେ ୮ ୱିକେଟ୍ ହରାଇ ୨୭୮ ରନ୍ କରିଥିଲା । ମୁମ୍ବାଇର ଆରମ୍ଭ ବହୁତ ଖରାପ ଥିଲା । ଓପନର ଆୟୁଷ ମହାତ୍ରେ (୦ ରନ୍) ଏବଂ ଆକାଶ ଆନନ୍ଦ (୧୦ ରନ୍) ବଡ଼ ଇନିଂସ ଖେଳିପାରି ନଥିଲେ । ଏହା ପରେ ସିଦ୍ଧେଶ ଲାଡ ଏବଂ ଅଜିଙ୍କ୍ୟ ରାହାଣେ ମଧ୍ୟ ଭଲ ପ୍ରଦର୍ଶନ କରିପାରି ନଥିଲେ। ଏପରି ପରିସ୍ଥିତିରେ, ମୁମ୍ବାଇର ଇନିଂସ ଶୀଘ୍ର ଶେଷ ହେବା ପରି ଦେଖାଯାଉଥିଲା । କିନ୍ତୁ ତା’ପରେ ଶାମ୍ସ ମୁଲାନି ଏବଂ ତନୁଶ କୋଟିଆନ୍ ମିଶି ମୁମ୍ବାଇକୁ ସମ୍ଭାଳିଥିଲେ । ମୁଲାନି ୯୧ ରନ କରିଥିଲେ। ତନୁଶ ୮୫ ରନ କରିବା ପରେ ମଧ୍ୟ କ୍ରିଜରେ ଅଛନ୍ତି ।
