ନୂଆଦିଲ୍ଲୀ,୦୮/୦୨: ସୁପର ସନଣ୍ଡେରେ ହେବ ସୁପର ଫାଇଟ୍ । ଇଣ୍ଡିଆ-ଇଂଲଣ୍ଡ ଟକ୍କର । କମ୍ପିବ କଟକ ଦୁଲୁକିବ ବାରବାଟୀ । ଆସନ୍ତାକାଲି (ରବିବାର) ବାଟବାଟୀ ଷ୍ଟାଡିୟମରେ ଦ୍ବିତୀୟ ଦିବାରାତ୍ର ମ୍ୟାଚ ଖେଳାଯିବ । ଏ ନେଇ ଶୁକ୍ରବାର ଭାରତ ଓ ଇଂଲଣ୍ଡ ଟିମ୍ ଭୁବନେଶ୍ବରରେ ପହଞ୍ଚି ସାରିଛନ୍ତି । ନାଗପୁରରେ ବିଜୟ ପରେ ଭାରତୀୟ ଟିମରେ ମନୋବଳ ଦୃଢ ରହିଛି । ତେଣୁ ଦ୍ବିତୀୟ ଦିନିକିଆ ଜିତିବା ଲକ୍ଷ୍ୟରେ ମଇଦାନକୁ ଓହ୍ଲାଇବ ଭାରତ । ବର୍ତ୍ତମାନ ସିରିଜରେ ୧-୦ରେ ଆଗୁଆ ରହିଛି ଭାରତ । ଆଜି (ଶନିବାର) ବାଟବାଟୀ ଷ୍ଟାଡିୟମରେ ଅଭ୍ୟାସ କରିବ ଭାରତୀୟ କ୍ରିକେଟ ଦଳ । ତେବେ ବାଟବାଟୀରେ ଭାରତର ଦମଦାର ରେକର୍ଡ ରହିଛି । ଯାହା ୧୮ ବର୍ଷ ହେବ କାଏମ ରହିଛି । ଶେଷ ୭ ମ୍ୟାଚରେ କଣ ରହିଛି ରନ୍ ଆଉ ୱିକେଟ ରେକର୍ଡ ଜାଣନ୍ତୁ ଏହି ରିପୋର୍ଟରେ ।
ଭାରତ ବାଟବାଟୀରେ ମୋଟ୍ ୧୯ଟି ଦିନିକିଆ ମ୍ୟାଚ ଖେଳିଛି । ସେଥିରୁ ୧୩ଟି ମ୍ୟାଚ ଜିତିଛି । ରେକର୍ଡକୁ ଦେଖିଲେ ଭାତର ପଲା ଭାରି ରହିଛି । ବାରବାଟୀ ଗ୍ରାଉଣ୍ଡରେ ବଡ ବଡ ଟିମକୁ ଝଟକା ଦେଇଛି ଟିମ୍ ଇଣ୍ଡିଆ । ୧୯୯୦ରୁ ୧୯୯୮ ମଧ୍ୟରେ ବିଭିନ୍ନ ଫର୍ମାଟରେ ବାରବାଟୀରେ ଖେଳାଯାଇଥିବା ମ୍ୟାଚରେ ମହମ୍ମଦ ଆଝାରୁଦ୍ଦିନଙ୍କ ନେତୃତ୍ବରେ ଭାରତ ୪ଟି ମ୍ୟାଚ ଖେଳି ୩ଟି ଜିତିଛି । ୨୦୧୪ରୁ ୨୦୧୯ ମଧ୍ୟରେ ବିରାଟ କୋହଲିଙ୍କ ନେତୃତ୍ବରେ ଭାରତ ୩ଟି ମ୍ୟାଚ ଖେଳି ବିଜୟ ହାସଲ କରିଥିଲା । ଏହି ରେକର୍ଡକୁ ଦେଖିଲେ ବାରବାଟୀ ଟିମ୍ ଇଣ୍ଡିଆ ପାଇଁ ଲକି ସାବ୍ୟସ୍ତ ହୋଇଛି ।
ବାରବାଟୀରେ ଭାରତ ୩-୨ ଇଂଲଣ୍ଡ- ଏ ପର୍ଯ୍ୟନ୍ତ ବାରବାଟୀରେ ଭାରତ-ଇଂଲଣ୍ଡ ୫ଟି ଦିନିକିଆ ଖେଳିଛନ୍ତି । ଭାରତ ୩ଟି ଏବଂ ଇଂଲଣ୍ଡ ୨ଟି ମ୍ୟାଚ ଜିତିଥିଲେ । ଶେଷ ଥର ୨୦୧୭ରେ ଇଂଲଣ୍ଡ ବାରବାଟୀ ଆସିଥିଲା । ଯୁବରାଜ ସିଂହ (୧୫୦) ଏବଂ ଏମଏସ ଧୋନୀ (୧୩୪) ଶତକୀୟ ଇନିଂସ ଖେଳିଥିଲେ । ଭାରତ ୫ ୱିକେଟରେ ୩୮୧ ରନ କରିଥିଲା । ଏହା ଥିଲା ଭାରତର ସର୍ବାଧିକ ସ୍କୋର ଥିଲା । ଇଂଲଣ୍ଡ ୧୫ ରନରେ ପରାସ୍ତ ହୋଇଥିଲା । ୨୦୦୮ରେ ମଧ୍ୟ ଭାରତ ବିଜୟୀ ହୋଇଥିଲା । ୧୯୮୪ରେ ହୋଇଥିବା ମ୍ୟାଚକୁ ୧ ରନରେ ଜିତିଥିଲା ଇଂଲଣ୍ଡ । ୧୯୮୨ରେ ବାରବାଟୀରେ ପ୍ରଥମ ଦିନିକିଆ ଖେଳାଯାଇଥିଲା । ଏହାକୁ ୫ ୱିକେଟରେ ଜିତିଥିଲା ଭାରତ । ରେକର୍ଡ ଦେଖିଲେ ବାରବାଟୀ ଗ୍ରାଉଣ୍ଡ ଟିମ୍ ଇଣ୍ଡିଆ ପାଇଁ ଶୁଭଙ୍କର ସାବ୍ୟସ୍ତ ହୋଇଛି ।
