କୋଣାର୍କ,୧୪।୩ : ସିଆଇଏସଏଫର ୫୬ତମ ପ୍ରତିଷ୍ଠା ଦିବସ ଅବସରରେ କୋଷ୍ଟାଲ ସାଇକ୍ଲୋଥନ। ସାଇକେଲ ଚାଳନା ମାଧ୍ୟମରେ ସୁରକ୍ଷିତ ତଟ ସମୃଦ୍ଧ ଭାରତ ବାର୍ତ୍ତା ଦିଆଯାଉଛି। ଶୁକ୍ରବାର ସକାଳେ ଏହି କୋଷ୍ଟାଲ ସାଇକ୍ଲୋଥନକୁ କୋଣାର୍କରେ ଭବ୍ୟ ସ୍ଵାଗତ ସମ୍ବର୍ଦ୍ଧନା ଦିଆଯାଇଛି। ଏହାପରେ ସାଇକେଲ୍ ଶୋଭାଯାତ୍ରା ଚନ୍ଦ୍ରଭାଗା ବେଳାମାର୍ଗ ଦେଇ ପୁରୀ ଶ୍ରୀକ୍ଷେତ୍ର ଅଭିମୁଖେ ବାହାରିଛି। ଏହି ସାଇକ୍ଲୋଥନରେ ସିଆଇଏସଏଫ ସିନିୟର୍ କମାଣ୍ଡାଟ ଆଲୋକ ଯୋଶୀ ପ୍ରମୁଖ ବରିଷ୍ଠ ପଦାଧିକାରୀ ଉପସ୍ଥିତ ଅଛନ୍ତି।
ଗତ ମାର୍ଚ୍ଚ ୭ ତାରିଖରେ ପଶ୍ଚିମବଙ୍ଗର ବଖାଲିରୁ ଏହି କୋଷ୍ଟାଲ ସାଇକ୍ଲୋଥନ ବାହାରିଛି। ଓଡ଼ିଶାର ବ୍ରହ୍ମପୁର, ଗୋପାଳପୁର, ପୁରୀ ସାତପଡ଼ା ପରିକ୍ରମା କରି ଆସନ୍ତା ମାର୍ଚ୍ଚ ୩୧ ତାରିଖରେ କନ୍ୟାକୁମାରୀରେ ଉଦଯାପିତ ହେବାର କାର୍ଯ୍ୟକ୍ରମ ରହିଛି। ଏଥିରେ ସିଆଇଏସଏଫର ସୁରକ୍ଷା କର୍ମୀ ସାମିଲ ହୋଇ ୨୫ ଦିନରେ ଭାରତର ୯ଟି ରାଜ୍ୟ ଦେଇ ୬୫୫୩ କିମି ପରିକ୍ରମା କରିବେ। ଭାରତର ସମୁଦ୍ର ତଟରେ ବସବାସ କରୁଥିବା ଲୋକଙ୍କ ରାଷ୍ଟ୍ରୀୟ ସୁରକ୍ଷା ପ୍ରତି ସମ୍ବେଦନଶୀଳ ରହିବା ଏହାର ମୁଖ୍ୟ ଉଦ୍ଦେଶ୍ୟ।
ଏହି ଖବରଟିକୁ ପଢନ୍ତୁ-ସୁରକ୍ଷାବାହିନୀକୁ ବଡ଼ ସଫଳତା, ୧୭ ମାଓବାଦୀଙ୍କ ଆତ୍ମସମର୍ପଣ
