ଉନ୍ନାଓ, ୧୮/୦୨ : ମହାକୁମ୍ଭର ପବିତ୍ର ଜଳରେ ସ୍ନାନ କଲେ କଏଦୀ। ପ୍ରୟାଗରାଜ ଯାଇ ନପାରିଲେ କଣ ହେଲା ସେମାନଙ୍କ ନିକଟକୁ ଆସିଲା ସଙ୍ଗମ ଜଳ। ଉନ୍ନାଓ ଜେଲ୍ରେ ବନ୍ଦୀ ଥିବା ହଜାର ହଜାର ମହିଳା ଏବଂ ପୁରୁଷ ବନ୍ଦୀ ପବିତ୍ର କୁମ୍ଭ ଜଳରେ ସ୍ନାନ କରିଛନ୍ତି। ସଙ୍ଗମ ଜଳରେ ସ୍ନାନ କରି ସେମାନେ ନିଜକୁ ଧନ୍ୟ ମନେ କରୁଛନ୍ତି। କାରଣ ଜେଲ୍ରେ ଥିବା ଯୋଗୁଁ ବୁଡ଼ ପକାଇବା ସେମାନଙ୍କ ପକ୍ଷରେ ସମ୍ଭବ ନଥିଲା। କେବଳ ଜେଲ୍ ଅଧୀକ୍ଷକଙ୍କ ପ୍ରୟାସ ଯୋଗୁଁ ଏହା ସଫଳ ହୋଇପାରିଲା।
ଉନ୍ନାଓ ଜେଲ୍ ଅଧୀକ୍ଷକ ପବନ ସିଂହ କହିଛନ୍ତି ଯେ, ସେ ଫେବୃଆରୀ ୧୪ରେ ମହାକୁମ୍ଭରେ ବୁଡ଼ ପକାଇବାକୁ ଯାଇଥିଲେ। ୧୫ ତାରିଖରେ ଫେରି ଆସିଥିଲା। ଆସିବା ସମୟରେ ନିଜ ସହ କୁମ୍ଭ ଜଳ ନେଇ ଆସିଥିଲେ। ଜେଲ୍ରେ କଏଦୀଙ୍କ ପାଇଁ ଥିବା ପାଣି ଟାଙ୍କିରେ ଏହି ପବିତ୍ର ଜଳକୁ ମିଶାଇ ଦେଇଥିଲେ। ଏହାପରେ ଉକ୍ତ ଟାଙ୍କିକୁ ଫୁଲ ମାଳରେ ସଜା ଯାଇଥିଲା। କଏଦୀମାନେ ଗଙ୍ଗା ମାତା କି ଜୟ ନାରା ଦେଇ ପବିତ୍ର ଜଳରେ ସ୍ନାନ କରିଥିଲେ। ଏହାଦ୍ଵାରା ସେମାନଙ୍କ ମନରେ ଥିବା ସମସ୍ତ ନକାରତ୍ମକତା ଦୂର ହେବ ବୋଲି ସେ କହିଛନ୍ତି।
ପ୍ରୟାଗରାଜରେ ଜମୁଛି ମହାକୁମ୍ଭ। ଦିନକୁ କୋଟିଏ ପାର୍ କରୁଛି ଶ୍ରଦ୍ଧାଳୁଙ୍କ ସଂଖ୍ୟା। ଏଯାବତ୍ ୫୩ କୋଟିରୁ ଉର୍ଦ୍ଧ୍ଵ ଶ୍ରଦ୍ଧାଳୁ ବୁଡ଼ ପକାଇ ସାରିଲେଣି। ଫେବୃଆରୀ ୨୬ ସୁଦ୍ଧା ଏହି ସଂଖ୍ୟା ଆହୁରି ବଢିବ। ଭିଡ଼କୁ ଦୃଷ୍ଟିରେ ରଖି ପ୍ରଶାସନିକ ଅଧିକାରୀଙ୍କ ଛୁଟି ଅବଧି ଫେବୃଆରୀ ୨୭ ଯାଏଁ ବୃଦ୍ଧି କରାଯାଇଛି।
ଏହି ଖବରଟିକୁ ପଢନ୍ତୁ-ପରୀକ୍ଷା ପାଇଁ ବିଳମ୍ବ ହେଉଥିଲା; ଟ୍ରାଫିକ ସମସ୍ୟାରୁ ମୁକୁଳିବାକୁ ଏମିତି କଲେ ଛାତ୍ର
