ମୁମ୍ବାଇ,୧୮/୦୨: ସହରରେ ଏବେ ଟ୍ରାଫିକ ସମସ୍ୟା ଚିନ୍ତାର କାରଣ ହୋଇଛି । ୫ ମିନିଟର ବାଟ ୩୦ ମିନିଟ୍ ଲାଗୁଛି । ଘରୁ ଠିକ୍ ସମୟରେ ବାହାରିଲେ ବି ଟ୍ରାଫିକ୍ ସମସ୍ୟା ପାଇଁ ଗନ୍ତବ୍ୟସ୍ଥଳରେ ସମଯରେ ପହଞ୍ଚିବାର ଠିକଠିକଣା ନଥାଏ । ଆଉ ଯଦି ପରୀକ୍ଷା ଥିବ ଟ୍ରାଫିକ୍ ସମସ୍ୟା ଦେଖା ଦିଏ ତେବେ କଥା ସରିଲା । ମହାରାଷ୍ଟ୍ର ସତାରା ଜିଲ୍ଲାର ଜଣେ ଛାତ୍ର ଟାଫ୍ରିକ ସମସ୍ୟାରୁ ମୁକୁଳିବାକୁ କିଛି ଏମିତି କରିଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହୋଇଛି ।
ପରୀକ୍ଷାକୁ ୨୦ ମିନିଟ ବାକିଥିଲା । ଏପଟେ ଟ୍ରାଫିକ ସମସ୍ୟା ପାଇଁ କଲେଜରେ ପହଞ୍ଚିବାକୁ ଲେଟ୍ ହେଉଥିଲା । ସମସ୍ୟାରୁ ମୁକୁଳିବାକୁ ସତାରା ଜିଲ୍ଲାର ସମର୍ଥ ୧୫ରୁ ୨୦ ମିନିଟ ଭିତରେ ପରୀକ୍ଷା କେନ୍ଦ୍ରରେ ପହଞ୍ଚିବାକୁ ନିଆରା ଉପାୟ ଆପଣେଇଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇଲାଲ ହେଉଛି । ଛାତ୍ର ଜଣଙ୍କ ସଡକ ପଥରେ ନ ଯାଇ ଆକାଶରେ ଉଡି ଉଡି ପରୀକ୍ଷା କେନ୍ଦ୍ରରେ ପହଞ୍ଚିଛନ୍ତି । ପରୀକ୍ଷା ଦିନ ସମର୍ଥ ପଞ୍ଚଗନି ଯାଇଥିଲେ । ୱାଇ-ପଞ୍ଚଗନି ରାସ୍ତାରେ ପ୍ରବଳ ଟ୍ରାଫିକ ଜାମ୍ କାରଣରୁ ପରୀକ୍ଷା କେନ୍ଦ୍ରରେ ଠିକ୍ ସମୟରେ ପହଞ୍ଚିବା ସମର୍ଥଙ୍କ ପାଇଁ ଅସମ୍ଭବ ହୋଇଥିଲା । ତେଣୁ ସେ ଉଡି ଉଡି ଯିବାକୁ ସ୍ଥିର କରିଥିଲେ ।
ଅଧିକ ପଢନ୍ତୁ...ଶହ ଶହ ଗୃହପାଳିତ ପଶୁଙ୍କ କ୍ଷୁଧା ମେଣ୍ଟାଇବ ମହାକୁମ୍ଭରୁ ସଂଗୃହୀତ ବଳକା ଖାଦ୍ୟ
ସମର୍ଥ ମହାଗଡେ ଟ୍ରାଫିକ ସମସ୍ୟାରୁ ମୁକୁଳିବାକୁ ପାରାଗ୍ଲାଣ୍ଡିଡିଂ ଗିୟର ପିନ୍ଧିଲେ । ଷ୍ଟ୍ରେପ ଲଗାଇଲେ । ଏହାପରେ ନିଜ ଗନ୍ତବ୍ୟସ୍ଥଳକୁ ବାହାରିଲେ ଅର୍ଥାତ ପରୀକ୍ଷା କେନ୍ଦ୍ରକୁ ଉଡି ଉଡି ଯାଇଥିଲେ । ଆଡଭେଞ୍ଚର କ୍ରୀଡା ବିଶେଷଜ୍ଞ ଗୋବିନ୍ଦ ୟେୱାଲେ ଏବଂ ତାଙ୍କ ଟିମ୍ ତାଙ୍କ ପାଇଁ ସମସ୍ତ ବ୍ୟବସ୍ଥା କରିଥିଲେ । ଟ୍ରାଫିକ ସମସ୍ୟାରୁ ବାହାରିବାକୁ ପାରାଚ୍ୟୁଟରେ ଉଡି ଉଡି ସୁରକ୍ଷିତ ପରୀକ୍ଷା କେନ୍ଦ୍ରରେ ପହଞ୍ଚିଥିଲେ । ଏହି ସମୟର ଭିଡିଓ ସୋସିଆଲ ମଡିଆରେ ଭାଇରାଲ ହୋଇଛି । ଇନଷ୍ଟା ସତାରା ନାମକ ସୋସିଆଲ ମିଡିଆ ଆକାଉଣ୍ଟରେ ଭିଡିଓ ଦେଖିବାକୁ ମିଳିଛି । ଭିଡଓ ଦେଖି ୟୁଜରମାନେ ମଜାଳିଆ କମେଣ୍ଟ ଦେଉଛନ୍ତି । ସମର୍ଥଙ୍କର ଏହି ସାହାସୀ ପଦକ୍ଷେପକୁ ପ୍ରଶଂସା ମଧ୍ୟ କରୁଛନ୍ତି ।
