ଭୁବନେଶ୍ଵର, ୩୦/୦୮ : ନୟାଗଡ଼ର ନାବାଳିକାଙ୍କୁ ଭୁବନେଶ୍ଵରରୁ ଅପହରଣ। ୨୦୨୪ ମସିହାରେ ପ୍ରେମ ଜାଲରେ ଫସାଇ ଭୁବନେଶ୍ଵରରୁ ଅପହରଣ କରିନେଇଥିଲେ ୩ ଯୁବକ। ୩ ଅପହରଣକାରୀଙ୍କ ଫଟୋ ଜାରି କଲା କମିଶନରେଟ୍ ପୁଲିସ। ଅପହରଣକାରୀଙ୍କୁ ଧରାଇଦେଲେ ମିଳିବ ୧ ଲକ୍ଷ ଟଙ୍କାର ପୁରସ୍କାର।
ସୂଚନାନୁଯାୟୀ, ନୟାଗଡ଼ ଜିଲ୍ଲା ସାନପଡ଼ା ଗାଁର ଜଣେ ନାବାଳିକା ଭୁବନେଶ୍ଵରରେ ରହୁଥିଲେ। ୨୦୨୪ ମସିହାରେ ତାଙ୍କୁ ୩ ଜଣ ଯୁବକ ଅପହରଣ କରି ନେଇଥିଲେ। ନାବାଳିକାଙ୍କୁ ପ୍ରେମ ଜାଲରେ ଫସାଇ ଅପହରଣ କରାଯାଇଥିବା ନାବାଳିକାଙ୍କ ଘର ଲୋକ ଅଭିଯୋଗ କରିଥିଲେ। କମିଶନରେଟ୍ ପୁଲିସ ଏବେ ୩ ଅପହରଣକାରୀଙ୍କ ଫଟୋ ଜାରି କରିଛି। ଅପହରଣକାରୀଙ୍କୁ ଧରାଇ ଦେଲେ ୧ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯିବ ବୋଲି କୁହାଯାଇଛି। ଯେଉଁ କୌଣସି ବ୍ୟକ୍ତି ନାବାଳିକା କିମ୍ଵା ଅପହରଣକାରୀଙ୍କ ତଥ୍ୟ ଦେବାକୁ ଚାହିଁବେ ୮୨୪୯୦୧୩୦୬୧ କିମ୍ଵା ୯୩୪୮୬୬୨୮୯୦ ନମ୍ଵରରେ ଯୋଗାଯୋଗ କରିବେ। ଖବରଦାତାଙ୍କ ପରିଚୟ ତଥ୍ୟ ସମ୍ପୂର୍ଣ୍ଣ ଭାବେ ଗୁପ୍ତ ରଖାଯିବ।
