ଭୁବନେଶ୍ଵର, ୨୭/୦୨ : ୨ ଦିନ ହେଲା ନିଖୋଜ ଥିଲେ, ଜଙ୍ଗଲରୁ ନାବାଳଙ୍କ ମୃତଦେହ ଠାବ। ଦେବଗଡ଼ ଜିଲ୍ଲା କୁଣ୍ଢେଇଗୋଳା ଥାନା ତୁଙ୍ଗାମାଳ ଗ୍ରାମ୍ୟ ଜଙ୍ଗଲରୁ ନାବାଳକଙ୍କ ମୃତଦେହ ଉଦ୍ଧାର ହୋଇଛି। ମୃତକ ସେହି ଗ୍ରାମର ବିଜୟ ମୁଣ୍ଡାଙ୍କ ପୁଅ ଅମିତ ମୁଣ୍ଡା (୧୭ ବର୍ଷ) ବୋଲି ଜଣାପଡ଼ିଛି। ପୋଲିସ ୨ ଜଣଙ୍କୁ ଅଟକ ରଖିଛି।
ସୂଚନାନୁଯାୟୀ, ତୁଙ୍ଗାମାଳ ଗ୍ରାମର ଅମିତ ମୁଣ୍ଡା ଗତ ଦୁଇ ଦିନ ହେଲା ନିଖୋଜ ଥିଲେ। ବହୁ ଖୋଜାଖୋଜି ପରେ ଆଜି ଗ୍ରାମ ନିକଟସ୍ଥ ଗିର୍ଧିନୀ ରୁଗୁଡି ଜଙ୍ଗଲରୁ ତାଙ୍କର ମୃତଦେହ ଠାବ ହୋଇଛି। ଏକ ମହୁଲ ଗଛ ମୂଳରେ ପତ୍ର ଘୋଡାହୋଇଥିବା ଅବସ୍ଥାରେ ଅମିତଙ୍କ ଶବ ମିଳିଛି। ଖବର ପାଇ କୁଣ୍ଢେଇଗୋଳା ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି। ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ସହ ପୋଲିସ ଫୋର୍ସ ମୁତୟନ ହୋଇଛନ୍ତି। ନାବାଳକଙ୍କୁ ହତ୍ୟା କରି ଫିଙ୍ଗି ଦେଇଥିବା ଅଭିଯୋଗ ହୋଇଛି। ପୋଲିସ ଏହି ଘଟଣାରେ ୨ ଜଣଙ୍କୁ ଅଟକ ରଖି ପଚରାଉଚରା କରୁଛି। ତେବେ ହତ୍ୟାର କାରଣ ଅସ୍ପଷ୍ଟ ରହିଛି।
ଏହି ଖବରଟିକୁ ପଢନ୍ତୁ-ବେଆଇନ କାଠ ମିଲ୍ରେ ଚଢାଉ, ୪ ଅଟକ
