ଭୁବନେଶ୍ଵର, ୨୭/୦୨ : ବେଆଇନ କାଠ ମିଲ୍ରେ ବନ ବିଭାଗ ଏବଂ ପୋଲିସର ମିଳିତ ଚଢାଉ। ଭଦ୍ରକ ପୁରୁଣା ବଜାର ଥାନା ଅଧିନ ହଳଦୀଡିହ ଛକ ନିକଟରେ ଥିବା ଏକ ବେଆଇନ କାଠ ମିଲ୍ରେ ଚଢାଉ ହୋଇଛି। କାଠ ମିଲ୍ର ବିଭିନ୍ନ ଯନ୍ତ୍ରାଂଶ ଜବତ କରିବା ସହ ପୋଲିସ ୪ ଜଣଙ୍କୁ ଅଟକ ରଖିଛି।
ବିଶେଷ ସୂତ୍ରରୁ ଖବର ପାଇ ଭଦ୍ରକ ସିଟି ଡିଏସପି ସମ୍ବିତ ମାଝୀଙ୍କ ନେତୃତ୍ୱରେ ଏକ ଟିମ୍ ଓ ବନବିଭାଗ ଅଧିକାରୀଙ୍କ ଟିମ୍ ହଳଦୀଡିହ ଛକ ନିକଟରେ ଚାଲିଥିବା ଏକ ବେଆଇନ କାଠ ମିଲ୍ରେ ମିଳିତ ଭାବେ ଚଢାଉ କରିଥିଲେ। ବିନା କୌଣସି ଲାଇସେନ୍ସ ଏବଂ କାଗଜପତ୍ରରେ ଉକ୍ତ ମିଲ୍ ଚାଲୁଥିବା ଚଢାଉ ବେଳେ ଜଣାପଡ଼ିଥିଲା। ଏହାପରେ ପୋଲିସ ପ୍ରାୟ ୩ ଲକ୍ଷରୁ ଅଧିକ ମୂଲ୍ୟର ଯନ୍ତ୍ରାଂଶ ସହ ଏକ ଲିମ୍ବ କାଠ ଭର୍ତ୍ତି ଗାଡି ଜବତ କରିଥିଲା। ଏହି ଘଟଣାରେ ପୋଲିସ ୪ ଜଣଙ୍କୁ ଅଟକ ରଖି ପଚରାଉଚରା କରୁଛି। ଉକ୍ତ ମିଲ୍ର ମାଲିକ କିଏ ଜଣାପଡ଼ି ନାହିଁ। ତହସିଲଦାରଙ୍କ ସହାୟତାରେ ସେହି ସ୍ଥାନର ସୀମା ନିର୍ଦ୍ଧାରଣ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବନ ବିଭାଗ ଅଧିକାରୀ ପିତାମ୍ଵର ନାୟକ ସୂଚନା ଦେଇଛନ୍ତି।
ଏହି ଖବରଟିକୁ ପଢନ୍ତୁ-ରାସ୍ତାକଡ଼ରୁ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
