ଖୋର୍ଦ୍ଧା,୨୭/୦୩ : ପ୍ରଥମ ଥର ପାଇଁ ଜିଲ୍ଲା ପୋଲିସରେ ଏକ ବଡ଼ଧରଣରେ ଅଦଳ ବଦଳ ହୋଇଛି । ୧୩୯ ଜଣ ପୋଲିସଙ୍କୁ ଖୋର୍ଦ୍ଧା ଏସ୍ପି ସାଗରିକା ନାଥ ଅଚାନକ ବଦଳି କରିଛନ୍ତି । ଏସ୍ପି ନାଥ ଟାଙ୍ଗୀ ଥାନା ଅଧିକାରୀ ସୁଶାନ୍ତ କୁମାର ବେହେରାଙ୍କୁ ଜଙ୍କିଆ ଥାନା ଏବଂ ଜିଲ୍ଲା ମୁଖ୍ୟ ଦପ୍ତରର କାର୍ଯ୍ୟରତ ଇନ୍ସପେକ୍ଟର ରବିନ୍ଦ୍ର କୁମାର ଭୁଜବଳଙ୍କୁ ଟାଙ୍ଗୀ ଥାନା ଅଧିକାରୀ ଭାବେ ବଦଳି କରିଛନ୍ତି । ଆଦର୍ଶ ଥାନା ଅତିରିକ୍ତ ଥାନା ଅଧିକାରୀ ସୂଚିତ୍ରା ଜେନାଙ୍କୁ ସାଇବର ସେଲ୍କୁ ବଳଦି କରାଯାଇଛି । ସେହିପରି ରିର୍ଜଭ ପୋଲିସରେ କାର୍ଯ୍ୟରତ ସବ୍-ଇନ୍ସପେକ୍ଟର ହାଡ଼ୁବନ୍ଧୁ ଦାସଙ୍କୁ ବୋଲଗଡ଼, ଦିନେଶ କୁମାର ପିଙ୍ଗୁଆ, ପୂର୍ଣ୍ଣଚନ୍ଦ୍ର ଜେନାଙ୍କୁ ଆଦର୍ଶ ଥାନା ଏବଂ ଅଭୟ ରାଉତଙ୍କୁ ବେଗୁନିଆ, ପବିତ୍ର ମୋହନ ପ୍ରଧାନ, ବିନାୟକ ମନ୍ତ୍ରୀଙ୍କୁ ବାଣପୁର, ମୋଚିରାମ ଜାଲିଙ୍କୁ ନାଚୁଣୀ ଥାନା ସମେତ ୨୧ ଜଣ ସବ୍-ଇନ୍ସପେକ୍ଟରଙ୍କୁ ଜିଲ୍ଲାର ବିଭିନ୍ନ ଥାନା ଓ ଫାଣ୍ଡିକୁ ବଦଳି କରାଯାଇଛି ।
ଅନୁରୂପ ଆସିଷ୍ଟାଣ୍ଟ ଇନ୍ସପେକ୍ଟର ଆଦର୍ଶ ଥାନାରେ କାର୍ଯ୍ୟରତ ଫୁଲମଣୀ ହେମ୍ବ୍ରମ୍ଙ୍କୁ ଜଙ୍କିଆ, ବେଗୁନିଆରେ କାର୍ଯ୍ୟରତ ଆସିଷ୍ଟାଣ୍ଟ ଇନ୍ସପେକ୍ଟର ଭୂବନ ବେହେରାଙ୍କ ଭଳି ୧୬ ଜଣ ଆସିଷ୍ଟାଣ୍ଟ ଇନ୍ସପେକ୍ଟରଙ୍କୁ ଜିଲ୍ଲାର ବିଭିନ୍ନ ଥାନାକୁ ବଦଳି କରାଯାଇଛି । ପୋଲିସ ବିଭାଗରେ କାର୍ଯ୍ୟରତ ଇନ୍ସପେକ୍ଟର ଓ ଆସିଷ୍ଟାଣ୍ଟ ଇନ୍ସପେକ୍ଟର ନୁହଁନ୍ତି ବରଂ ୩୭ ଜଣ ଏପିଆର କନ୍ଷ୍ଟେବଳ ଓ ୬୨ ଜଣ କନ୍ଷ୍ଟେବଳଙ୍କୁ ସମୁଦାୟ ୧୩୯ ଜଣଙ୍କୁ ବିଭିନ୍ନ ଥାନା, ଫାଣ୍ଡି ଏବଂ ବିଟ୍, ହାଉସ ଓ ଜିଲ୍ଲା ମୁଖ୍ୟ କାର୍ଯ୍ୟାଳୟକୁ ବଦଳି କରାଯାଇଥିବା ଜିଲ୍ଲା ପୋଲିସ ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି । ଏପରି ବଡ଼ଧରଣ ବଦଳି ଘଟଣା ଜିଲ୍ଲା ପୋଲିସକୁ ହଲଚଲ କରି ଦେଇଥିବାବେଳେ ଏସପି ନାଥଙ୍କ ଅଚାନକ ବଦଳି ନିର୍ଦ୍ଦେଶନାମାକୁ ନେଇ ଜିଲ୍ଲାବ୍ୟାପୀ ଭିନ୍ନ ଭିନ୍ନ ଆଲୋଚନା ହେଉଛି।
ଏହି ଖବରଟିକୁ ପଢନ୍ତୁ-ପୁରୀରେ ବଢ଼ି ଚାଲିଛି ଅପରାଧ: ୮ ମାସରେ ୪୨ ହତ୍ୟା, ୪୬ ଦୁଷ୍କର୍ମ ଓ ୨୧ ନାବାଳିକା ଦୁଷ୍କର୍ମ ଘଟଣା
