ପ୍ରମୂଖ ଖବର
  • ନିଶାମୁକ୍ତ ହେବ ରାଜଧାନୀ: ନିଶା ବେପାରୀଙ୍କୁ ମିଳିବନି ନିସ୍ତାର, ଏସ୍‌ଟିଏଫ ଆରମ୍ଭ କରିବ ‘ଅପରେସନ ପ୍ରହାର’
  • ||
  • ବନ୍ୟାରେ ଭାସି ଯାଇଥିଲେ ଯୁବକ, ଗାଁ ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • ପୁରୁଷୋତ୍ତମ ଏକ୍ସପ୍ରେସ ଶୌଚାଳୟରୁ ଯୁବକଙ୍କ ମୃତଦେହ ଠାବ, ତଦନ୍ତ ଆରମ୍ଭ କଲା ଜିଆର୍‌ପି
  • ||
  • ଦେଶର ଦକ୍ଷ ମୁଖ୍ୟମନ୍ତ୍ରୀ ତାଲିକାରେ ମୋହନ ମାଝୀ, ‘ଇଣ୍ଡିଆ ଟୁଡେ-ସିଭୋଟର’ ପକ୍ଷରୁ ‘ମୁଡ୍‌ ଅଫ ଦ ନେସନ’ ସର୍ଭେରେ ମିଳିଲା ଅଷ୍ଟମ ସ୍ଥାନ
  • ||
  • ଟାରିଫ୍‌କୁ ନେଇ ଡୋନାଲ୍ଡ ଟ୍ରମ୍ପଙ୍କୁ ଶକ୍ତ ଝଟକା; ଶୁଳ୍କକୁ ବେଆଇନ କହିଲେ ୟୁଏସ୍ କୋର୍ଟ
  • ||
  • ୩୧ରୁ ବଢ଼ିବ ବର୍ଷା, ସେପ୍ଟେମ୍ବର ୩ ଯାଏ ଦେଖାଇବ ପ୍ରକୋପ: ଆଜି ଅଧା ଓଡ଼ିଶାକୁ ୟେଲୋ ଆଲର୍ଟ
  • ||

ସେନ୍ସର ବୋର୍ଡରୁ ‘ପରମ ସୁନ୍ଦରୀ’ ପାସ୍, ଏହି ଦିନ ହେବ ରିଲିଜ

Published By : Anindita Ratha | August 28, 2025 9:00 AM

ମୁମ୍ବାଇ,୨୮/୦୮: ଆସନ୍ତାକାଲି  ଥିଏଟରକୁ ଆସିବ ନର୍ଥ-ସାଉଥ୍‌ ଥିମ୍‌ରେ ନିର୍ମିତ ରୋମାଣ୍ଟିକ୍‌ ଫିଲ୍ମ ‘ପରମ ସୁନ୍ଦରୀ’ । ସିଦ୍ଧାର୍ଥ ମଲହୋତ୍ରା-ଜାହ୍ନବୀ କପୁର ଷ୍ଟାରର୍‌ ଏହି ଫିଲ୍ମକୁ ନେଇ ଫ୍ୟାନ୍‌ଙ୍କ ମଧ୍ୟରେ ଖୁବ୍‌ ଉତ୍ସାହ ରହିଛି । ସେହିପରି ଫିଲ୍ମକୁ ସେନ୍ସର୍‌ ବୋର୍ଡ ଦ୍ୱାରା ଗ୍ରୀନ୍‌ ସିଗ୍‌ନାଲ ମିଳିଛି । ଏହାର ଲୋକପ୍ରିୟ ରୋମାଣ୍ଟିକ୍‌ ଗୀତ ‘ପରଦେଶୀୟା’ରେ କୌଣସି କାଣ୍ଟ୍‌ଛାଟ କରାଯାଇ ନାହିଁ । କିନ୍ତୁ କିଛି ଡାଇଲଗ୍‌ରେ ଶବ୍ଦଗୁଡ଼ିକୁ ମ୍ୟୁଟ୍‌ କରାଯାଇଛି । ସେହିପରି ଫିଲ୍ମର କୌଣସି ସିନ୍‌କୁ କଟାଯାଇ ନାହିଁ । 

ନିକଟରେ ମୁକ୍ତିପ୍ରାପ୍ତ ‘ସୈୟାରା’ ଓ ‘ୱାର୍‌-୨’ ଭଳି ଫିଲ୍ମର କିଛି ଅନ୍ତରଙ୍ଗ ଦୃଶ୍ୟକୁ ହଟାଇଥିଲା ସେନ୍ସର୍‌ ବୋର୍ଡ । ସେଥିପାଇଁ କୁହାଯାଉଥିଲା ଯେ ‘ପରମ ସୁନ୍ଦରୀ’ର ଗୀତ ‘ଭିଗି ସାଡ଼ି’ରେ ମଧ୍ୟ ସେନ୍ସର୍‌ ବୋର୍ଡ କଇଁଚି ଚଲାଇବ । କିନ୍ତୁ ସେମିତି କିଛି ହୋଇନି । କେବଳ କିଛି ଡାଇଲଗ୍‌ ବଦଳାଇବାକୁ ନିର୍ଦ୍ଦେଶ ଦେଇଛି । ଏଥିସହିତ ଫିଲ୍ମକୁ ୟୁ/ଏ ୧୩ ପ୍ଲସ୍‌ ପ୍ରମାଣପତ୍ର ମିଳିଛି । ଫିଲ୍ମର ଅବଧି ୨ ଘଣ୍ଟା ୧୬ ମିନିଟ୍‌ ରହିବ । ପୂର୍ବରୁ ଏହି ଫିଲ୍ମ ୨୫ ଅଗଷ୍ଟରେ ହେବ ବୋଲି କୁହାଯାଇଥିଲା । ବର୍ତ୍ତମାନ ନିର୍ମାତା ଏହାର ରିଲିଜ ତାରିଖରେ ବୃଦ୍ଧି କରି ୨୯ରେ 'ପରମ ସୁନ୍ଦରୀ' ପରଦାରେ ରିଲିଜ ହେବ ।

'ପରମ ସୁନ୍ଦରୀ' ଫିଲ୍ମ ବିଷୟରେ କହିବାକୁ ଗଲେ, ପରମ ସୁନ୍ଦରୀ'ରେ ସିଦ୍ଧାର୍ଥ ଦିଲ୍ଲୀର ଜଣେ ଧନୀ କିମ୍ବା ଜଣେ ବଡ଼ ବ୍ୟବସାୟୀ ପରମ ଭୂମିକାରେ ଅଭିନୟ କରୁଛନ୍ତି । ଅନ୍ୟପକ୍ଷରେ, ଜାହ୍ନବୀ ଜଣେ ଝିଅ (ସୁନ୍ଦରୀ) ଭୂମିକାରେ ଅଭିନୟ କରୁଛନ୍ତି ଯିଏ କେରଳର ଏବଂ ପେଶାରେ ଜଣେ କଳାକାର, ଯିଏ ତାଙ୍କ ପରମ୍ପରା ଏବଂ ନୀତି ଉପରେ ଦୃଢ଼ । ଫିଲ୍ମଟି ଦେଖାଯିବ ଯେ କିପରି ସମ୍ପୂର୍ଣ୍ଣ ଭିନ୍ନ ସ୍ୱଭାବର ଦୁଇଜଣ ବ୍ୟକ୍ତି ପରସ୍ପରକୁ ପ୍ରେମ କରନ୍ତି । ଏହି ଫିଲ୍ମଟି ସେମାନଙ୍କ ପ୍ରେମ କାହାଣୀ ଉପରେ ଆଧାରିତ ହେବ । ମ୍ୟାଡକ୍ ଫିଲ୍ମସ୍, ପ୍ରଯୋଜକ ଦିନେଶ ବିଜନଙ୍କ ଦ୍ୱାରା ନିର୍ମିତ ହୋଇଥିବା ବେଳେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ତୁଷାର ଜଲୋଟା, ଯିଏ ପୂର୍ବରୁ ୨୦୨୨ ଫିଲ୍ମ 'ଦସଭି' ନିର୍ଦ୍ଦେଶନା ଦେଇଛନ୍ତି। 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.