ମୁମ୍ବାଇ,୨୭/ ୦୮: ବଲିଉଡ ଗାୟକ ରାହୁଲ ଫାଜିଲପୁରିଆଙ୍କୁ ହତ୍ୟା କରିବାକୁ ଆସି ୫ଜଣ ସୁଟର ଗିରଫ। ଗୁରୁଗ୍ରାମରେ ଏସଟିଏଫ ଏବଂ କ୍ରାଇମବ୍ରାଞ୍ଚ ମିଳିତ ୫ ସୁଟର ସହ ମୁକାବିଲା କରି ସେମାନଙ୍କୁ ଗିରଫ କରିଛନ୍ତି । ସୂଚନା ଅନୁଯାୟୀ, ସୁଟର ମାନେ ବଲିଉଡ କଣ୍ଠଶିଳ୍ପୀ ରାହୁଲ ଫଜଲପୁରିଆଙ୍କୁ ହତ୍ୟା କରିବାକୁ ଗୁରୁଗ୍ରାମ ଆସିଥିଲେ। ସେମାନେ ବିଦେଶରେ ଥିବା ଗ୍ୟାଙ୍ଗଷ୍ଟରଙ୍କ ସହିତ ନିରନ୍ତର ଯୋଗାଯୋଗ କରୁଥିଲେ । ଏସଟିଏଫକୁ ସୁଟ୍ ଷଡ଼ଯନ୍ତ୍ର ବାବଦରେ ସୂଚନା ମିଳିବା ପରେ ଟିମ୍ ଏନକାଉଣ୍ଟର କରି ସମସ୍ତଙ୍କୁ ଧରିଛି । ଅଭିଯୁକ୍ତମାନେ ବିନା ନମ୍ବର ପ୍ଲେଟ୍ ଥିବା ଏକ ଇନୋଭା କାରରେ ଆସିଥିଲେ ।
ଏନକାଉଣ୍ଟର ସମୟରେ ପାଞ୍ଚ ଜଣ ସୁଟରଙ୍କ ମଧ୍ୟରୁ ଚାରି ଜଣଙ୍କ ଗୋଡରେ ଗୁଳି ବାଜିଥିବା ଜଣାପଡ଼ିଛି । ତେବେ ଗାୟକ ରାହୁଲ ଫାଜିଲପୁରିଆଙ୍କ ଉପରେ ୧୪ ଜୁଲାଇ ୨୦୨୫ରେ ହରିୟାଣାର ଗୁରୁଗ୍ରାମ ଜିଲ୍ଲାର ଦକ୍ଷିଣ ପେରିଫେରାଲ ରୋଡ୍ ରେ ଆକ୍ରମଣ ହୋଇଥିଲା । ଯେଉଁଥିରେ ସେ ଅଳ୍ପକେ ବର୍ତ୍ତି ଯାଇଥିଲେ । ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ପାଞ୍ଚ ଜଣ ସୁଟର ବିଦେଶରେ ବସି ଗ୍ୟାଙ୍ଗଷ୍ଟର ଦୀପକ ନନ୍ଦଲ ଏବଂ ରୋହିତ ସିର୍ଧାନିଆଙ୍କ ପାଇଁ କାମ କରୁଥିଲେ। ସୂଚନା ଅନୁଯାୟୀ, ୪ ଜଣ ଦୁର୍ବୃତ୍ତଙ୍କ ଗୋଡ଼ରେ ଗୁଳି ବାଜିଥିବା ବେଳେ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଏହି ମାମଲାରେ ଅଧିକ ତଦନ୍ତ ଚାଲିଛି।
