en ରୁଷରୁ ତୈଳ ଆମଦାନୀ ନେଇ ଆମେରିକାର କଟକଣାର ସାମନା କରୁଛି ଭାରତ। ସେଭଳି ଅନ୍ୟପକ୍ଷେ ଏହାର ଡିଜେଲ ରପ୍ତାନୀ ଯୁଦ୍ଧକାଳୀନ ଆବଶ୍ୟକତାକୁ ପୂରଣ କରୁଛି। ଏହା ନିହାତି ପକ୍ଷେ ଖୁବ୍ ଆଶ୍ଚର୍ଯ୍ୟଜନ ଘଟଣା। କାରଣ ଭାରତ ଜୁଲାଇ ୨୦୨୫ରେ ୟୁକ୍ରେନର ସବୁଠାରୁ ବଡ଼ ଡିଜେଲ ଯୋଗାଣକାରୀ ପାଲଟି ଯାଇଥିଲା, ଯାହାକି ଦେଶର ମୋଟ ଡିଜେଲ ଆମଦାନୀର ୧୫.୫% ଅଂଶ ପ୍ରଦାନ କରୁଛି। ଏହି ଉପଲବ୍ଧି ବିଶ୍ବ ଶକ୍ତି ବ୍ୟାପାରରେ ଏକ ଗୁରୁତ୍ବପୂର୍ଣ୍ଣ ପରିବର୍ତ୍ତନକୁ ଦର୍ଶାଉଛି, ଯାହାକି ବିଶେଷ ଭାବରେ ସେହି ସମୟରେ, ଯେତେବେଳେ ଭାରତକୁ ରୁଷ ତେଲ କିଣିବା ପାଇଁ ଆମେରିକାରୁ ୫୦% ଭାରି ଟାରିଫ୍‌ର ସାମନା କରିବାକୁ ପଡୁଛି।

ୟୁକ୍ରେନ ତେଲ ବଜାର ବିଶ୍ଲେଷଣ ଫର୍ମ ନାଫ୍ଟୋରିନୋକ୍ ନିକଟରେ ସଂଖ୍ୟା ଅନୁସାରେ, ଜୁଲାଇରେ ଭାରତରୁ ୟୁକ୍ରେନକୁ ପ୍ରତିଦିନ ହାରାହାରି ୨,୭୦୦ ଟନ୍ ଡିଜେଲ ସପ୍ଲାଇ କରାଯାଛି, ଯାହାକି ଚଳିତ ବର୍ଷ ସବୁଠାରୁ ଅଧିକ ମାସିକ ରପ୍ତାନୀ ଭିତରୁ ଅନ୍ୟତମ। ଏହି ସଂଖ୍ୟା ଜୁଲାଇ ୨୦୨୪ ତୁଳନାରେ ଖୁବ୍ ଅଧିକ, ଯେତେବେଳେ ଭାରତର ୟୁକ୍ରେନକୁ ଡିଜେଲ ରପ୍ତାନୀ କେବଳ ମାତ୍ର ୧.୯% ଥିଲା। ଜାନୁଆରୀରୁ ଜୁଲାଇ ୨୦୨୫ ପର୍ଯ୍ୟନ୍ତ , ଭାରତର ୟୁକ୍ରେନକୁ ଡିଜେଲ ଯୋଗାଣରେ ୧୦.୨% ଅଂଶ ଥିଲା, ଯାହାକି ଗତ ବର୍ଷର ସମାନ ସମୟ ସୀମା ତୁଳନାରେ ୫ ଗୁଣା ଅଧିକ ରହିଛି।

ଭାରତୀୟ ଡିଜେଲ ମୁଖ୍ୟ ଭାବରେ ରୋମାନିଆରୁ ଡେନ୍ୟୁବ ନଦୀ ମାଧ୍ୟମରେ ଟ୍ୟାଙ୍କର ଦ୍ବାରା ଓ ତୁର୍କୀର ମାରମାରା ଏରୋଗ୍ଳିସି ବନ୍ଦରରେ ଓପେଟ ଟର୍ମିନାଲ ଜରିଆରେ ୟୁକ୍ରେନ ପହଁଞ୍ଚା ଯାଉଛି। ତେବ ଏହି ଚ୍ୟାନେଲ ଉପରେ ଆଶିଂକ କଟକଣାର ପ୍ରଭାବ ପଡୁଛି। ଏହାପରେ ବି ଭାରତ ଅନ୍ୟ ୟୁରୋପୀୟ ଯୋଗାଣକାରୀ ଭଳି ସ୍ଳୋଭାକିଆ (୧୫%), ଗ୍ରୀସ୍ (୧୩.୫%), ତୁର୍କୀ (୧୨.୪%), ଓ ଲିଥୁଆନିଆ (୧୧.୪%)କୁ ପଛରେ ଛାଡି ଜୁଲାଇରେ ଶୀର୍ଷ ସ୍ଥାନ ହାସଲ କରିଛି। ତେବେ ଭାରତର ରପ୍ତାନୀ ଭଲ୍ୟୁମ୍ ଏବେ ବି ଗ୍ରୀସ୍ ଓ ତୁର୍କୀଠାରୁ ପଛରେ ରହିଛି, କିନ୍ତୁ ଅନୁମାନ ମାମଲାରେ ଭାରତ ସବୁ ପ୍ରତିଯୋଗୀଙ୍କୁ ମାତ ଦେଇଛି। ଏହି ଘଟଣା ସେତେବେଳେ ଘଟିଛି, ଯେତେବେଳେ ଆମେରିକାର ରୁଷ ତୈଳ ଆମଦାନୀକୁ ନେଇ ୫୦% ଟାରିଫ ଲଗାଇଛି। ଆମେରିକାର ଦାବି ଯେ, ରୁଷ ତୈଳ କିଣି ଭାରତର ତା’ର ୟୁକ୍ରେନ ଯୁଦ୍ଧର ସାହାର୍ଯ୍ୟ କରୁଛି। କିନ୍ତୁ ସ୍ଥିତି ଏହା ଯେ, ନିଜେ ଭାରତ ଦ୍ବାରା ସପ୍ଲାଇ କରାଯାଇଥିଲା ଡିଜେଲ ୟୁକ୍ରେନର ଯୁଦ୍ଧକାଳୀନ ଅର୍ଥବ୍ୟବସ୍ଥାକୁ ସମ୍ବଳ ପ୍ରଦାନ କରୁଛି।