ନୂଆପଡ଼ା,୩୦/୮ : ନୂଆପଡ଼ା ଜିଲ୍ଲା କୋମନା ଥାନା ଦେଓଦରା ଗାଁର ଜଣେ ବ୍ୟକ୍ତିଙ୍କ ପାଖରୁ ଗୋଟିଏ ଦେଶୀ ବନ୍ଧୁକ ସହ ଧନୁ ଓ ଦୁଇ ତୀର କୋମନା ପୋଲିସ ଜବତ କରିଛି l ଏହି ଅଭିଯୋଗରେ ଜଣେ ବ୍ୟକ୍ତିଙ୍କୁ ଗିରଫ କରି କୋର୍ଟ ଚାଲାଣ କରିଛି l  

ଦେଓଦରା ଗାଁର ମଦନ ମୋହନ ଦୀପ ଅଭିଯୋଗ କରିଛନ୍ତି ଯେ, ଗତ ରାତିରେ ଦେଓଦରା ଗାଁରେ ଗଣେଶ ପୂଜାର ମନୋରଞ୍ଜନ କାର୍ଯ୍ୟକ୍ରମ ଚାଲୁଥିଲା l ହଠାତ୍ ବୋଡ଼େନ ଥାନା ଭୂଇଁପାନି ଗାଁର ନରେଶ ପହରିଆ ଦେଶୀ ବନ୍ଧୁକ ଓ ଧନୁ ତୀର ଧରି ତାଙ୍କୁ ମାରି ଦେବାକୁ ଉଦ୍ୟମ କରିଥିଲେ l ଗାଁର ଲୋକେ ନରେଶକୁ କାବୁ କରି କୋମନା ପୋଲିସକୁ ସୂଚନା ଦେଇ ଥିଲେ l କୋମନା ପୋଲିସ ଘଟଣା ସ୍ଥଳରେ ପହଞ୍ଚି ଦେଶୀ ବନ୍ଧୁକ ସହ ଧନୁ ତୀର ଜବତ କରିବା ସହ ଅଭିଯୁକ୍ତ ନରେଶ ପହରିଆକୁ ଗିରଫ କରି କୋର୍ଟ ଚାଲାଣ କରିଛି l କୋମନା ଥାନା କେଶ ନମ୍ବର ୨୪୦ ରେ ୨୯୬, ୧୧୫(୨), ୧୦୯(୧), ୩୫୧(୨)ଓ ୨୫ ଧାରାରେ ଗିରଫ କରିଛି l ସବ୍ ଇନ୍ସପେକ୍ଟର କୁଳମଣି ବାରୁଦା ଘଟଣାର ତଦନ୍ତ କରୁଛନ୍ତି l