ପ୍ରମୂଖ ଖବର
  • ୭ ବର୍ଷ ପରେ ଚୀନରେ ମୋଦି, ଆଜି ଏସସିଓ ସମ୍ମିଳନୀରେ ହେବେ ସାମିଲ, ଜିନପିଙ୍ଗ - ପୁଟିନଙ୍କ ସହ କରିବେ ମିଟିଂ
  • ||
  • ପୁରୁଷ ହକି ଏସିଆ କପ, ଆଜି ଜାପାନକୁ ଭେଟିବ ଭାରତ, ପ୍ରଥମ ମ୍ୟାଚରେ ଚୀନକୁ ହରାଇଥିଲା ଟିମ୍ ଇଣ୍ଡିଆ
  • ||
  • ରାଜ୍ୟରେ ଆଜିଠୁ ବଢ଼ିବ ବର୍ଷା, ୩୦ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି, ସେପ୍ଟେମ୍ବର ୩ ଯାଏ ରହିବ ପ୍ରକୋପ
  • ||
  • ସ୍ୱାୟତ୍ତ ଶାସନ ଦିବସରେ ସହରବାସୀଙ୍କୁ ୧୨ ପ୍ରକଳ୍ପ ଭେଟି ଦେବେ ମୁଖ୍ୟମନ୍ତ୍ରୀ, ଘୋଷଣା ହୋଇପାରେ ୯ ନୂଆ NAC
  • ||
  • ଶ୍ରୀମନ୍ଦିରରେ ରାଧାଷ୍ଟମୀ ନୀତି, ନଗର ପରିକ୍ରମା କରିବା ଶ୍ରୀଜମ୍ୱେଶ୍ୱରଙ୍କ ମନ୍ଦିରରେ ବିଜେ କରିବେ ଶ୍ରୀସୁଦର୍ଶନ
  • ||
  • ଗଞ୍ଜାମ : ରାମନଦୀ ଗେଟ୍‌ରୁ ଯୁବକଙ୍କ ମୃତଦେହ ଉଦ୍ଧାର, ପରିଚୟ ଅସ୍ପଷ୍ଟ
  • ||

ଦିଦାଇ ଜନ ଜାତିର ପ୍ରଥମ ଡାକ୍ତର ପଢୁଆ ଝିଅ ଚମ୍ପାଙ୍କ ଉଜ୍ଜ୍ବଳ ଭବିଷ୍ୟତ କାମନା କଲେ ମୁଖ୍ୟମନ୍ତ୍ରୀ

Published By : Gurupada Nath | August 30, 2025 8:39 PM

ମାଲକାନଗିରି,୩୦/୮ : ମାଲକାନଗିରି ଜିଲ୍ଲାର ପାହାଡି କନ୍ୟା ଦିଦାଇ ଜନଜାତିର ପ୍ରଥମ ଡାକ୍ତର ପଢୁଆ ଝିଅ ଚମ୍ପାଙ୍କୁ ଲାପଟପ ଉପହାର ଦେଇ ଉଜ୍ଜଳ ଭବିଷ୍ୟତ କାମନା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।  ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲା କୋରକୁଣ୍ଡା ବ୍ଲକସ୍ଥ ନାକାମାମୁଡ଼ି ପଞ୍ଚାୟତର ଅପହଞ୍ଚ ଦୁର୍ଗମ ପାହାଡି ଇଲାକା ଆମେଳିବେଢା ଗ୍ରାମର ପ୍ରଥମ ଦିଦାୟୀ ଜନ ଜାତି ସାମ୍ପ୍ରଦାୟ ଝିଅ ଚମ୍ପା ରାସ୍‌ପେଦା ମେଡିକାଲ ପ୍ରବେଶିକାରେ ଭଲ ନମ୍ବର ରଖି ଉତ୍ତୀର୍ଣ୍ଣ ହୋଇଥିବାରୁ ତାଙ୍କୁ ସମ୍ୱର୍ଦ୍ଧିତ କରି ଲାପ୍‍ଟପ୍ ଉପହାରରେ ଦେଇ ଉଜ୍ଜଳ ଭବିଷ୍ୟତ କାମନା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।  

ଭଲ ପାଠ ପଢ଼ି ଭଲ ଡାକ୍ତର ହୋଇ ଗରିବ ରୋଗୀଙ୍କ ସେବା କରିବା ପାଇଁ   ଆଶୀର୍ବାଦ ଦେଇଛନ୍ତି ମୁଖ୍ୟମନ୍ତ୍ରୀ ।   ଭୁବନେଶ୍ୱର ଲୋକସେବା ଭବନରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମେଡ଼ିକାଲ ପ୍ରବେଶିକା ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ମାଲକାନଗିରି ଦିଦାୟୀ ସମ୍ପ୍ରଦାୟର କୁମାରୀ ଚମ୍ପା ରାସ୍‌ପେଦାଙ୍କୁ ସମ୍ୱର୍ଦ୍ଧିତ କରିଛନ୍ତି । ଭଲ ଡାକ୍ତର ହୋଇ ଲୋକଙ୍କ ସେବା କରିପାରିଲେ ତାହା ଜୀବନର ସାର୍ଥକତା ହେବ ବୋଲି ମୁଖ୍ୟମନ୍ତ୍ରୀ ଚମ୍ପାକୁ ଉପଦେଶ ଦେଇଛନ୍ତି । ସେପଟେ ମୁଖ୍ୟମନ୍ତ୍ରୀଙ୍କ ଆଶୀର୍ବାଦ ତାଙ୍କର ସାରା ଜୀବନ ପାଇଁ ପ୍ରେରଣା ସୃଷ୍ଟି କରିବ ବୋଲି କୃତଜ୍ଞତା ପ୍ରକାଶ କରିଛନ୍ତି ଚମ୍ପା। ମାଲକାନଗିରି ଜିଲ୍ଲା କୋରୁକୁଣ୍ଡା ବ୍ଲକ ଆମ୍ଲିବେଡା ଗାଁର ଦିଦାୟୀ ସମ୍ପ୍ରଦାୟର ଝିଅ ଚମ୍ପା ରାସପେଦା (୨୩)। 

୨୦୨୫ନିଟ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଚମ୍ପା ଚିତ୍ରକୋଣ୍ଡା ଏସ୍.ଏସ୍.ଡି ସ୍କୁଲରୁ ଦଶମ ଶ୍ରେଣୀ ଓ ଗୋବିନ୍ଦପାଲି ହାୟର ସେକେଣ୍ଡାରୀ ଏସ୍.ଏସ୍.ଡି ସ୍କୁଲରୁ ଯୁକ୍ତ ଦୁଇ ପାସ କରିଛନ୍ତି । ମେଡିକାଲ ପ୍ରବେଶିକା ପରୀକ୍ଷାରେ ଉତ୍ତୀର୍ଣ୍ଣ ହୋଇ କୁମାରୀ ଚମ୍ପା ବର୍ତ୍ତମାନ ବାଲେଶ୍ୱର ଫକୀର ମୋହନ ମେଡିକାଲ କଲେଜରେ ପାଠ ପଢ଼ିବା ପାଇଁ ଯୋଗ୍ୟ ବିବେଚିତ ହୋଇଛନ୍ତି । ଆଦିବାସୀ ଝିଅ ଚମ୍ପାଙ୍କ ଏହି ସଫଳତା ପାଇଁ ଜିଲ୍ଲାବାସୀଙ୍କ ପକ୍ଷରୁ ତାଙ୍କୁ ପ୍ରଶଂସା କରି ସଫଳତା କାମନା କରିଛନ୍ତି । 

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.