ନୂଆଦିଲ୍ଲୀ: ଭାରତୀୟ ଜୀବନ ବୀମା ନିଗମ (LIC)ର ନୂଆ ଏମଡି ଏବଂ ସିଇଓ ହେଲେ ସତପାଲ ଭାନୁ । ସେ ପ୍ରବନ୍ଧ ନିର୍ଦ୍ଦେଶକ ଭାବରେ କାର୍ଯ୍ୟ କରୁଛନ୍ତି। ଏଲଆଇସିର ପ୍ରଥମ ଏମଡି ଏବଂ ସିଇଓ ସତପାଲ, ସିଦ୍ଧାର୍ଥ ମହାନ୍ତିଙ୍କ ପରେ ଏହି ଦାୟିତ୍ବ ସମ୍ବାଳିଛନ୍ତି । ଭାନୁ ଜୁନ ୮ରୁ ସେପ୍ଟେମ୍ବର ୭ ପର୍ଯ୍ୟନ୍ତ କିମ୍ବା ପରବର୍ତ୍ତୀ ଆଦେଶ ପର୍ଯ୍ୟନ୍ତ ଅନ୍ତରୀଣ କାର୍ଯ୍ୟଭାର ସମ୍ଭାଳିବେ। ଏଲଆଇସି ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ, ଅର୍ଥ ମନ୍ତ୍ରଣାଳୟର ଆର୍ଥିକ ସେବା ବିଭାଗ ଦ୍ବାରା ଜୁନ ୭ରେ ଜାରି ଚିଠି ଅନୁସାରେ ବର୍ତ୍ତମାନର ପ୍ରବନ୍ଧ ନିର୍ଦ୍ଦେଶକ ସତପାଲ ଭାନୁଙ୍କୁ, ଏମଡି ଏବଂ ସିଇଓର ଆର୍ଥିକ ଏବଂ ପ୍ରଶାସନିକ ଅଧିକାର ଦାୟିତ୍ବ ଦିଆଯାଇଛି।
ଏଲଆଇସିର ନୂଆ ପ୍ରବନ୍ଧ ନିର୍ଦ୍ଦେଶକଙ୍କ ଭାବରେ ନିଯୁକ୍ତ କରାଯାଇଥିବା ଭାନୂଙ୍କୁ ବୀମା କ୍ଷେତ୍ରରେ ତିନି ଦଶନ୍ଧୀରୁ ଅଧିକର ଅନୁଭବ ରହିଛି। ଭାନୁ ଏହା ପୂର୍ବରୁ ଭୋପାଳ ସ୍ଥିତ ସେଣ୍ଟ୍ରାଲ ଜୋନରେ ଜୋନାଲ ମ୍ୟାନେଜରଙ୍କ ଦାୟିତ୍ବ ସାମ୍ଭଳିସାରିଛନ୍ତି। ସେହିଭଳି ସେ ବେଙ୍ଗାଲୁରୁ-୧ ଏବଂ ସିମ୍ଲା ଡିଭିଜନରେ ବରିଷ୍ଠ ଡିଭିଜନାଲ ମ୍ୟାନେଜର ରହିସାରିଛନ୍ତି। ଏହା ବ୍ୟତୀତ ସେ ନର୍ଦନ ଜୋନ (ନୂଆଦିଲ୍ଲୀ)ରେ ମାଇକ୍ରୋ ଇନସ୍ୟୁରାନ୍ସ, କର୍ପୋରେଟ କମ୍ୟୁନିକେସନ ଏବଂ ପର୍ସନାଲ ଏବଂ ଇଣ୍ଡଷ୍ଟ୍ରିଆଲ ରେଲସନ୍ସ ବିଭାଗରେ ରିଜନାଲ ମ୍ୟାନେଜର ଭାବରେ କାମ କରିଛନ୍ତି। ଏଲଆଇସିର ସେଣ୍ଟ୍ରାଲ ଅଫିସ (ମୁମ୍ବାଇ)ରେ ସେ ମୁଖ୍ୟ ବରିଷ୍ଠ ବିଜନେସ ଆସୋସିଏଟର ଭୂମିକା ମଧ୍ୟ ନେଇସାରିଛନ୍ତି ।ସେ ହିମାଚଳ ପ୍ରଦେଶ ବିଶ୍ବବିଦ୍ୟାଳୟ, ଶିମଲାରୁ ଇତିହାସ ସମ୍ମାନରେ ଡିଗ୍ରୀ ହାସଲ କରିଛନ୍ତି।
ସୂଚନାଯୋଗ୍ୟ, ଏଲଆଇସିର ଶୀର୍ଷ ସ୍ତରରେ ପରିବର୍ତ୍ତନ ଜାରି ରହିଛି । ନିକଟରେ ଏଲଆଇସିର ପ୍ରଥମ ଏମଡି ଏବଂ ସିଇଓ ସିଦ୍ଧାର୍ଥ ମହାନ୍ତିଙ୍କ କାର୍ଯ୍ୟକାଳ ସରିଛି।ନୂଆ ପରିବର୍ତ୍ତନ ଅନୁଯାୟୀ, ରତ୍ନାକର ପଟ୍ଟନାୟକ ଏବଂ ଦିନେଶ ପନ୍ଥଙ୍କୁ ଏମଡି ନିଯୁକ୍ତ କରାଯାଇଛି। ପନ୍ଥଙ୍କ କାର୍ଯ୍ୟକାଳ ମେ ୨୦୨୭ ପର୍ଯ୍ୟନ୍ତ ରହିବ। ରତ୍ନାକର ପଟ୍ଟନାୟକଙ୍କ କାର୍ଯ୍ୟକାଳ ୨୦୨୮ ମାର୍ଚ୍ଚ ପର୍ଯ୍ୟନ୍ତ ରହିବ। ଅନ୍ୟ ଦୁଇ ଏମଡି ସତପାଲ ଭାନୁ ଏବଂ ଆର ଦୌରେସ୍ବାମୀ । ଭାନୁଙ୍କ କାର୍ଯ୍ୟକାଳ ୨୦୨୫ ଡିସେମ୍ବରରେ ସରିବ ଏବଂ ଦୌରେସ୍ବାମୀଙ୍କ କାର୍ଯ୍ୟକାଳ ୨୦୨୬ ଅଗଷ୍ଟ ପର୍ଯ୍ୟନ୍ତ ରହିଛି ।
