ନୂଆଦିଲ୍ଲୀ ୦୩/୦୬: ଜଳବାୟୁ ପରିବର୍ତ୍ତନ ଏବେ କେବଳ ବିକଶିତ ଦେଶମାନଙ୍କର ମୁଦ୍ଦା ହୋଇ ନାହିଁ । ଭାରତର ସାଧାରଣ ଲୋକଙ୍କ ଜୀବନକୁ ଏହା ପ୍ରଭାବିତ କରୁଛି । ୟେଲସିଭୋଟର ସର୍ଭେ (ଡିସେମ୍ବର ୨୦୨୪-ଫେବ୍ରୁଆରୀ ୨୦୨୫) ଅନୁସାରେ, ୩୮ ପ୍ରତିଶତ ଭାରତୀୟ ଗତ ୧ ବର୍ଷରେ ଖାଦ୍ୟାଭାବର ସମ୍ମୁଖୀନ ହୋଇଛନ୍ତି ।
୨୦୨୪ ଭାରତ ପାଇଁ ସବୁଠୁ ଉତ୍ତପ୍ତ ବର୍ଷ ଥିଲା । ତାପମାତ୍ରା ସ୍ୱାଭାବିକଠୁ ୦.୬୫ ଡିଗ୍ରୀ ସେଲ୍ସିୟସ୍ ଅଧିକ ଥିଲା । ୭୧ ପ୍ରତିଶତ ଭାରତୀୟ ଗତ ବର୍ଷ ଭୀଷଣ ଉତ୍ତାପର ସାମ୍ନା କଲେ । ୩୮ ପ୍ରତିଶତ ଖାଦ୍ୟାଭାବ କିମ୍ବା ଅକାଳ ସ୍ଥିତି ସାମ୍ନା କଲେ । ତିନି ଚତୁର୍ଥାଂଶ ଭାରତୀୟ ଖାଦ୍ୟାଭାବକୁ ନେଇ ବହୁତ ବା ମଧ୍ୟମ ଚିନ୍ତିତ । । ସେଥିପାଇଁ ସେମାନେ ବିଶ୍ୱ ତାପନକୁ ଦାୟୀ କରୁଛନ୍ତି । ୬୦ ପ୍ରତିଶତ ଲୋକ ଫସଲରେ କୀଟ ଓ ରୋଗର ସାମ୍ନା କରିଛନ୍ତି । ୫୯ ପ୍ରତିଶତ ବିଜୁଳି କାଟ, ୫୩ ପ୍ରତିଶତ ଜଳ ପ୍ରଦୂଷଣ, ୫୨ ପ୍ରତିଶତ ମରୁଡ଼ି ଓ ଜଳାଭାବ ଏବଂ ୫୨ ପ୍ରତିଶତ ଗମ୍ଭୀର ବାୟୁ ପ୍ରଦୂଷଣର ସାମ୍ନା କରିଛନ୍ତି । ବିଶ୍ୱର ୨୦ ସବୁଠୁ ପ୍ରଦୂଷିତ ସହର ମଧ୍ୟରେ ଭାରତର ୧୩ ସହର ଅଛି । ୨୦୨୪, ଶୀତଦିନେ ଦିଲ୍ଲୀରେ ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ୧୦୦୦ରୁ ଅଧିକ ଥିଲା, ଯାହା ସ୍ୱାସ୍ଥ୍ୟ ଆପାତକାଳ ।
ବିଶ୍ୱ ବ୍ୟାଙ୍କ୍ ଅନୁସାରେ, ୨୦୨୩ ସୁଦ୍ଧା ଭାରତ ଅତ୍ୟଧିକ ଦାରିଦ୍ର୍ୟ (ଦିନକୁ ୨.୧୫ ଡଲାର ଆୟ)କୁ ୩.୪ ପ୍ରତିଶତ ପର୍ଯ୍ୟନ୍ତ ହ୍ରାସ କରିଥିଲା । ୟେଲ-ସିଭୋଟର ସର୍ଭେ ଅନୁସାରେ, ୩୮ ପ୍ରତିଶତ ଭାରତୀୟ ଅତ୍ୟଧିକ ଗରମ, ମରୁଡ଼ି ଓ ବନ୍ୟା ଯୋଗୁ ଫସଲ ନଷ୍ଟର ସମ୍ମୁଖୀନ ହୋଇ ଖାଦ୍ୟାଭାବ ସାମ୍ନା କରୁଛନ୍ତି । ନିକଟରେ ଦାରିଦ୍ର୍ୟ କବଳରୁ ମୁକୁଳିଥିବା ଲୋକ ଏବେ ବି ଭୋଜନ ଅସୁରକ୍ଷା ସାମ୍ନା କରୁଛନ୍ତି । ସରକାର ୮୦ କୋଟି ଲୋକଙ୍କୁ ମାଗଣା ରାସନ ଦେଉଛନ୍ତି, ଯାହା ଖାଦ୍ୟ ସମସ୍ୟାକୁ ଦର୍ଶାଉଛି ।
୨୦୨୩ର ୟେଲ-ସିଭୋଟର ସର୍ଭେ ଅନୁସାରେ, ୮୬ ପ୍ରତିଶତ ଭାରତୀୟ ସରକାରଙ୍କ ୨୦୭୦ ନେଟ୍ ଜିରୋ ଲକ୍ଷ୍ୟକୁ ସମର୍ଥନ କରୁଛନ୍ତି । ଭାରତକୁ ତୁରନ୍ତ ଅଙ୍ଗାରକାମ୍ଳ ନିର୍ଗମନ କମ୍ କରିବା ଉଚିତ୍ ବୋଲି ୫୫ ପ୍ରତିଶତ କହିଛନ୍ତି । ୯୩ ପ୍ରତିଶତ ଭାରତୀୟ ପରିବେଶ ବଞ୍ଚାଇବା ପାଇଁ ନିଜ ଦିନଚର୍ଯ୍ୟାରେ ପରିବର୍ତ୍ତନ କରିବାକୁ ପ୍ରସ୍ତୁତ । ଭାରତୀୟମାନେ ଇ-ଯାନଗୁଡ଼ିକୁ ଆପଣାଉଛନ୍ତି । ୨୦୩୦ ସୁଦ୍ଧା ପ୍ରତି ବର୍ଷ ଇ-ଯାନ ବିକ୍ରି ୧.୭ କୋଟି ୟୁନିଟ୍ ହେବ । ୬୬ ପ୍ରତିଶତ ଲୋକ ଖର୍ଚ୍ଚ ବେଶି ହେଲେ ବି ଅଧିକ ଇନ୍ଧନ-କୁଶଳ ବାହନକୁ ଆପଣାଉଛନ୍ତି । ୭୩ ପ୍ରତିଶତ ଲୋକ ୨୦୧୫ ପ୍ୟାରିସ୍ ଜଳବାୟୁ ଚୁକ୍ତିକୁ ସମର୍ଥନ କରୁଛନ୍ତି । ୩୨ ପ୍ରତିଶତ ଲୋକ ବିଶ୍ୱ ଉତ୍ତାପନ ବିଷୟରେ କେବେ ଶୁଣିନାହାନ୍ତି । ଏହା ଦର୍ଶାଉଛି ଯେ ଜଳବାୟୁ ପରିବର୍ତ୍ତନ ଓ ଏହାର ସ୍ଥାନୀୟ ପ୍ରଭାବ ବିଷୟରେ ସଚେତନତା ବୃଦ୍ଧି ଅତ୍ୟନ୍ତ ଆବଶ୍ୟକ ।
ୟେଲ ପ୍ରୋଗ୍ରାମ ଅନ୍ କ୍ଲାଇମେଟ୍ ଚେଞ୍ଜ୍ କମ୍ୟୁନିକେସନ୍ ଓ ସିଭୋଟର ଡିସେମ୍ବର ୫, ୨୦୨୪ରୁ ଫେବ୍ରୁଆରୀ ୧୮, ୨୦୨୫ ପର୍ଯ୍ୟନ୍ତ ୧୦,୭୫୧ ବୟସ୍କଙ୍କର ସର୍ଭେ କରିଥିଲା । ମୋବାଇଲ ଫୋନ୍ ଜରିଆରେ ସାକ୍ଷାତକାର ହେଲା । ସର୍ଭେ ୧୨ ଭାଷାରେ କରାଗଲା । ଜଳବାୟୁ ପରିବର୍ତ୍ତନ ଭାରତରେ ଖାଦ୍ୟ, ପାଣି ଓ ପବନକୁ ପ୍ରଭାବିତ କରୁଛି । ଏଥିପାଇଁ ସଚେତନର୍ଧମୀ ଅଭିଯାନକୁ ବଢ଼ାଇବାକୁ ପଡ଼ିବ ଏବଂ ଠୋସ୍ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡ଼ିବ ବୋଲି ସର୍ଭେ ଦର୍ଶାଇଛି ।
