ନୂଆଦିଲ୍ଲୀ,୧୩/୦୩: ନାସା ମହାକାଶଚାରୀ ସୁନୀତା ୱିଲିୟମ୍ସ ଓ ତାଙ୍କ ସାଥୀ ୱିଲମୋର ବୁଚଙ୍କର ଫେରିବା ଆହୁରି ବିଳମ୍ବ ହେବ । ଦୁହିଁଙ୍କୁ ଫେରାଇ ଆଣିବାକୁ ଲଞ୍ଚ ହେବାକୁ ଥିବା ଆମେରିକା ସ୍ପେସ୍ ଏଜେନ୍ସିଂର ରକେଟ୍ ଫେଲ୍ ହୋଇଛି । ଲଞ୍ଚ ହେବାକୁ ଗୋଟିଏ ଘଣ୍ଟା ଥିଲା । ଏହାପୂର୍ବରୁ ହାଇଡ୍ରୋଲିକ୍ ସିଷ୍ଟମ ଫେଲ୍ ହୋଇଛି । ରକେଟ୍ ଲଞ୍ଚକୁ ସ୍ଥଗିତ ରଖାଯାଇଛି । ଫଳରେ ସୁନୀତା ୱିଲିୟମ୍ସଙ୍କ ଫେରିବା ବିଳମ୍ବ ହେବ । ମାର୍ଚ୍ଚ ୧୬ରେ ସୁନୀତା ଓ ୱିଲମୋର ବୁଚ୍ ମହାକାଶରୁ ଫେରିଥାନ୍ତେ । ଏବେ କ'ଣ ହେବ ତାହା ଉପରେ ସମସ୍ତଙ୍କ ନଜର ରହିଛି ।
ପାଖାପାଖି ୯ ମାସ ହେବ ମହାକାଶରେ ଫସି ରହିଛନ୍ତି ସୁନୀତାଙ୍କ ସମେତ ତାଙ୍କ ଟିମ୍ । ଶୁବଶୀଘ୍ର ସେ ଫେରିବା ନେଇ ଉତ୍କଣ୍ଠାର ସହ ଲୋକ ଚାହିଁ ରହିଥିଲେ । ମାତ୍ର ତାଙ୍କର ଫେରିବା ବିଲମ୍ବ ହେବ । ତାଙ୍କୁ ଆଣିବାକୁ ଯିବାକୁ ଥିବା କ୍ରୁ-୧୦ ମିଶନ ଫେଲ୍ ହୋଇଛି । ଶେଷ ମୁହୂର୍ତ୍ତରେ ଲଞ୍ଚ ପ୍ୟାଡରେ ବୈଷୟିକ ତ୍ରୁଟି ଯୋଗୁଁ ମିଶନକୁ ସ୍ଥଗିତ କରାଯାଇଛି । ଫଳରେ ସୁନୀତା ୱିଲିୟମ୍ସଙ୍କ ଫେରିବା ବିଳମ୍ବ ହେବ ବୋଲି କୁହାଯାଉଛି ।
ଅଧିକ ପଢନ୍ତୁ...ମହାକାଶରୁ ଏଲନ ମସ୍କଙ୍କୁ ଦୃଢ ଜବାବ ଦେଲେ ସୁନୀତା ୱିଲିୟମ୍ସ , କହିଲେ – ମୋତେ ଲାଗୁଛି କି ଏବେ...
କ୍ରୁ-୧୦ ଲଞ୍ଚ ହେଲା ସ୍ଥଗିତ- ଏଲନ ମସ୍କଙ୍କ ସ୍ପେସଏକ୍ସ ନିଜର କ୍ରୁ-୧୦ ମିଶନର ଲଞ୍ଚ ୧୨ ମାର୍ଚ୍ଚରେ ଥିଲା । ଏହାର ମୁଖ୍ୟ ଲକ୍ଷ୍ୟ ଥିଲା ମହାକାଶରେ ରୋଟେଶନ କରିବା । ଏହି ମିଶନର ସୁନୀତା ଓ ତାଙ୍କର ଟିମ୍ ଫେରିଥାନ୍ତେ । ଲଞ୍ଚିଂକୁ ଘଣ୍ଟାଏ ବାକି ରହିଥିଲା । ଏହା ପୂର୍ବରୁ ହାଇଡ୍ରୋଲିକ୍ ସିଷ୍ଟମ ହେଲା ଫେଲ୍ ହୋଇଗଲା । କ୍ରୁ-୧୦ ମିଶନକୁ ସ୍ଥଗତି କରାଯାଇଛି ।
କେମିତି ଅଛନ୍ତି ସୁନୀତା- ଦୀର୍ଘ ଦିନ ହେବ ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନ(ଆଇଏସଏସ)ରେ ଥିବା ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ୱିଲିୟମ୍ସ ଖୁବ୍ ଶୀଘ୍ର ପୃଥିବୀକୁ ଫେରିଥାନ୍ତେ । ୧୦ ଦିନର ମିଶନ ପାଇଁ ଯାଇଥିବା ସୁନୀତା ୱିଲିୟମ୍ସ ଓ ବୁଚ୍ ୱିଲମୋରଙ୍କୁ ଟେକ୍ନିକାଲ ତ୍ରୁଟି ଯୋଗୁଁ ପୂରା ୯ ମାସ ଯାଏ ମହାକାଶରେ ଫସି ରହିଛନ୍ତି । ୨୦୨୪ ଜୁନ ୫ତାରିଖରେ ମହାକାଶ ଯାତ୍ରା କରିଥିଲେ ସୁନୀତା । ଏବେ ନାସା ତାଙ୍କର ଫେରିବାକୁ ନେଇ ତାରିଖ ସ୍ଥିର କରିଥିଲା । ମାର୍ଚ୍ଚ ୧୬ ତାରିଖରେ ହୁହେଁ ପୃଥିବୀକୁ ଫେରିଥାନ୍ତେ । ହେଲେ ତାହା ବି ବିଳମ୍ବ ହେବ । ମହାକାଶରେ ଦୁହେଁ ସୁରକ୍ଷିତ ଅଛନ୍ତି । ମାର୍ଚ୍ଚ ୪ ତାରିଖରେ ସୁନୀତା ଏକ ଫୋନ୍ କଲ୍ରେ କଥା ହୋଇଥିଲେ । ସେ ଫେରିବା ପରେ ପରିବାର ଓ ପୋଷା କୁକୁର ସହ ସାକ୍ଷାତ କରିବାକୁ ଉତ୍ସାହିତ ଥିବା କହିଥିଲେ ।
