ଭୁବନେଶ୍ଵର, ୧୮/୦୩ : କେନ୍ଦୁଝରରେ ଡାଇରିଆ ଆତଙ୍କ। କେନ୍ଦୁଝର ସଦର ବ୍ଲକ ବାଉରୀପଦା ଗ୍ରାମପଞ୍ଚାୟତର ୩ ଗାଁରେ ବ୍ୟାପିଲା ଝାଡ଼ାବାନ୍ତି। ଜଣେ ମୃତ ୧୦ ରୁ ଉର୍ଦ୍ଧ୍ଵ ଆକ୍ରାନ୍ତ। ଦୂଷିତ ଜଳ ଯୋଗୁଁ ଝାଡ଼ାବାନ୍ତି ବ୍ୟାପୁଥିବା ଅଭିଯୋଗ କଲେ ଗ୍ରାମବାସୀ।
ସୂଚନାନୁଯାୟୀ, କେନ୍ଦୁଝର ସଦର ବ୍ଲକ ବାଉରୀପଦା ଗ୍ରାମ ପଞ୍ଚାୟତର ମୁକୁନା, ବାଉରିପଦା, ଏବଂ ସାହାଡ଼ାପୁର ଗାଁ ଲୋକ ଅରଡ଼େଇ ନଦୀର ଜଳକୁ ପାନୀୟ ଜଳ ଭାବରେ ବ୍ୟବହାର କରୁଛନ୍ତି। ଏହି ଦୂଷିତ ଜଳ ପିଇ ଗାଁ ଲୋକମାନେ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ଝାଡ଼ାବାନ୍ତିରେ ମୁକୁନା ଗ୍ରାମର ଗୋପାଳ ଦେହୁରୀଙ୍କ ମୃତ୍ୟୁ ହୋଇଥିବା ବେଳେ ୧୦ରୁ ଉର୍ଦ୍ଧ୍ଵ ଆକ୍ରାନ୍ତ ହୋଇଛନ୍ତି। ସମସ୍ତ ଆକ୍ରାନ୍ତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପଦ୍ମପୁର ସ୍ଵାସ୍ଥକେନ୍ଦ୍ରରେ ଭର୍ତ୍ତି କରାଯାଇଛି। ଦୂଷିତ ପାଣି ଯୋଗୁଁ ଗାଁରେ ଝାଡ଼ାବାନ୍ତି ବ୍ୟାପୁଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି। ଏହି ଘଟଣାକୁ ଭାରପ୍ରାପ୍ତ ସିଡିଏମଓ ସ୍ଵୀକାର କରିବା ସହ ଗାଁକୁ ଏକ ମେଡ଼ିକାଲ୍ ଟିମ୍ ପଠାଯିବ ବୋଲି କହିଛନ୍ତି।
ଏହି ଖବରଟିକୁ ପଢନ୍ତୁ-ପ୍ରେମିକା ଘର ଆଗରେ ଯୁବକଙ୍କ ଆତ୍ମହତ୍ୟା ଉଦ୍ୟମ,ଗୁରୁତର ଅବସ୍ଥାରେ ଡ଼ାକ୍ତରଖାନାରେ ଭର୍ତ୍ତି
