ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଆଦାନୀ ଏବଂ ଅମ୍ବାନୀଙ୍କ ପାଖରୁ କେତେ ଟଙ୍କା ନେଇଛନ୍ତି ବୋଲି ଆଜି ପ୍ରଧାନମନ୍ତ୍ରୀ ମୋଦୀ ପ୍ରଶ୍ନ କରିଥିଲେ । ଏହାକୁ ନେଇ ମୋଦୀଙ୍କ ଉପରେ ପାଲଟା ଆକ୍ରମଣ କରିଛନ୍ତି ରାହୁଲ ଗାନ୍ଧୀ । ସେ କହିଛନ୍ତି, ନମସ୍କାର ମୋଦୀ ଜୀ । ଟିକେ ଭୟ କରି ଗଲେ କି ? ସାଧାରତଃ ଆପଣ ବନ୍ଦ ଘରେ ଅମ୍ବାନୀ ଏବଂ ଆଦାନୀଙ୍କ ସହ କଥା ହେଉଛନ୍ତି । ପ୍ରଥମ ଥର ସାର୍ବଜନୀନ ଭାବରେ ଆଦାନୀ-ଅମ୍ବାନୀଙ୍କ ନାଁ ନେଇଛନ୍ତି ।ଆପଣ କହିଲେ ଟେମ୍ପୋରେ ଟଙ୍କା ଦେଇଛନ୍ତି । ତେବେ କଣ ଆପଣଙ୍କ ଏହା ବ୍ୟକ୍ତିଗତ ଅଭିଜ୍ଞତା କି ? ସିବିଆଇ ଏବଂ ଇଡିଙ୍କୁ ତାଙ୍କ (ମୋଦୀ) ପାଖକୁ ପଠାନ୍ତୁ, ପୁରା ଯାଞ୍ଚ କରନ୍ତୁ ।’

 କଂଗ୍ରେସର ପୂର୍ବତନ ଅଧ୍ୟକ୍ଷ କହିଛନ୍ତି ଯେ, ମୋଦୀ ଆଦାନୀ ଏବଂ ଅମ୍ବାନୀଙ୍କୁ ଯେତେ ଟଙ୍କା ଦେଇଛନ୍ତି ସେତିକି ଟଙ୍କା ଆମେ ଭାରତର ଗରିବ ଲୋକମାନଙ୍କୁ ଦେବାକୁ ଯାଉଛୁ । ମହାଲକ୍ଷ୍ମୀ ଯୋଜନା, ପ୍ରଥମ ଚାକିରି ଯୋଜନା ମାଧ୍ୟମରେ ଆମେ କୋଟି କୋଟି ଲକ୍ଷପତି ତିଆରି କରିବୁ । ରାହୁଲ ଗାନ୍ଧୀ ଭିଡିଓ କ୍ୟାପ୍ସନରେ ଲେଖିଛନ୍ତି, ‘ବିଜେପିର ଦୁର୍ନୀତିର ଟେମ୍ପୋର ଡ୍ରାଇଭର ଏବଂ ହେଲପର କିଏ, ତାହା ଦେଶ ଜାଣିଛି ।’ 

भाजपा के भ्रष्टाचार के टेम्पो का ‘ड्राइवर’ और ‘खलासी’ कौन है, देश जानता है। pic.twitter.com/62N5IkhHWk

— Rahul Gandhi (@RahulGandhi) May 8, 2024

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ରାହୁଲ ଗାନ୍ଧୀଙ୍କୁ ପ୍ରଶ୍ନ କରିଥିଲେ ଯେ, ଆଦାନୀ-ଅମ୍ବାନୀ କଂଗ୍ରେସକୁ କେତେ ଟଙ୍କା ଦେଇଛନ୍ତି ? ତେଲଙ୍ଗାନାର ଏକ ନିର୍ବାଚନୀ ରାଲିକୁ ସମ୍ବୋଧନ କରିବା ବେଳେ ମୋଦୀ କହିଥିଲେ , ଯେବେ ଠାରୁ ନିର୍ବାଚନ ଲାଗି ତାରିଖ ଘୋଷଣା ହୋଇଛି ସେବେ ଠାରୁ ସେମାନେ (କଂଗ୍ରେସ) ଅମ୍ବାନୀ-ଆଦାନୀଙ୍କୁ ଗାଳି ଦେବା ବନ୍ଦ କରିଦେଇଛନ୍ତି । ମୁଁ ତେଲଙ୍ଗାନା ମାଟିରୁ କଂଗ୍ରେସର ଶେହଜାଦାଙ୍କୁ ପଚାରିବାକୁ ଚାହୁଁଛି ଅମ୍ବାନୀ-ଆଦାନୀଙ୍କ ପାଖରୁ କେତେ ଟଙ୍କା ମିଳିଛି ।’