ନୂଆଦିଳ୍ଲୀ,୨୯।୯: ଇସ୍ରାଏଲର ଆକ୍ରମଣରେ ହିଜୁବଲା ମୁଖ୍ୟ  ହସନ ନସରୁଲ୍ଲାହର ମୃତ୍ୟୁ ପରେ ଇରାନ ଏବେ ରକ୍ତମୁଖା ହୋଇଛି। ଏବେ ଇରାନର ବୈଦେଶିକ ମନ୍ତ୍ରୀ ଅବାସ ଅରାକଚି କହିଛନ୍ତି, ସେ ନସରୁଲ୍ଲାହର ମୃତ୍ୟୁର ପ୍ରତିଶୋଧ ଇସ୍ରାଏଲଠାରୁ ନଦେବା ପର୍ଯ୍ୟନ୍ତ ଶାନ୍ତି ବସିବେନି। ଇସ୍ରାଏଲର ଏହି ଆକ୍ରମଣରେ ହିଜବୁଲା ଅଧିକ ଶକ୍ତିଶାଳୀ ହେବ।

ଇରାନର ବୈଦେଶିକ ମନ୍ତ୍ରୀ ହିଜବୁଲା ମୁଖ୍ୟଙ୍କ ମୃତ୍ୟୁ ଉପରେ ପ୍ରତିକ୍ରିୟା ଦେଇ କହିଛନ୍ତି, ନିଶ୍ଚିତ ଭାବରେ ନସରୁଲ୍ଲାହର ମୃତ୍ୟୁ ବହୁ ବଡ ୪ତି। ଏହାଦ୍ବାରା ପ୍ରତିରୋଧରେ କୌଣସି ବାଧା ଆସିବନି, ଯେପରିକି ହିଜବୁଲାର ପୂର୍ବତନ ଜେନେରାଲ ସେକ୍ରେଟରୀ ସୟୈଦ ଆବାସ ଅଲ୍ ମୁସାବିଙ୍କ ମୃତ୍ୟୁ ଭଳି ନସରୁଲ୍ଲାହର ମୃତ୍ୟୁ ଫଳରେ ହିଜୁବୁଲାର ଶକ୍ତି ବଢିଛି। ଆଜି ହିଜବୁଲାର ଶକ୍ତିର କୌଣସି ସୀମା ନାହିଁ। ଆମ ମତରେ  ଆମେରିକା ଏହି ଅପରାଧର ଅଂଶୀଦାର । ହେଲେ ସେ କୌଣସି ପ୍ରକାରେ ନିଜକୁ ଏହି ବାସ୍ତବିକାତାଠାରୁ ଅଲଗା କରିପାରିବନି। ଏହି ଘଟଣାରେ ମୃତ ଲୋକଙ୍କ ମୃତ୍ୟୁର ପ୍ରତିଶୋଧ ନିହାତି ନିଆଯିବ। 

ଉଲ୍ଲେଖନୀୟ ଯେ, ଆଇଡିଏଫ୍‌ ଲେବାନନ୍‌ର ରାଜଧାନୀ ବେରୁଟରେ ହିଜବୁଲାର ହେଡକ୍ବାଟରରେ ୨୭ ସେପ୍ଟେମ୍ବରରେ ବଙ୍କର ବଷ୍ଟର ବମ୍‌ରେ ଏୟାରଷ୍ଟ୍ରାଇକ୍ କରିଥିଲା। ଏଥିରେ ଇରାନ ସମର୍ଥିତ ଆତଙ୍କବାଦୀ ଗୋଷ୍ଠୀ ହିଜବୁଲାର ୬୪ ବର୍ଷୀୟ ନେତାଙ୍କ ଶୁକ୍ରବାର ମୃତ୍ୟୁ ହୋଇଥିଲା। ଇସ୍ରାଏଲ ଓ ହିଜବୁଲା ଉଭୟ ତାଙ୍କ ମୃତ୍ୟୁ ନେଇ ସୂଚନା ଦେଇଥିଲେ।