ଭୁବନେଶ୍ବର,୫/୪ : ପୁଣି ତେଜିଲା ଯାତ୍ରା କଳାକାର ଓ ମାଲିକ ବିବାଦ। ଗତକାଲି ଯାତ୍ରା ମାଲିକମାନେ ଏକତ୍ରିତ ହୋଇ ଯାତ୍ରା କଳାକାର ତଥା ହାସ୍ୟ ଅଭିନେତା ନରି ପଣ୍ଡାଙ୍କୁ ବୟକଟ କରିଥିଲେ । ହେଲେ ଆଜି ଯାତ୍ରା କଳାକାର ତଥା ହାସ୍ୟ ଅଭିନେତା ନରି ପଣ୍ଡା ବାଲିଚନ୍ଦ୍ରପୁର ଥାନାରେ ଲିଖିତ ଅଭିଯୋଗ କରିଛନ୍ତି। ତୁଳସୀ ଗଣନାଟ୍ୟର ମାଲିକ ଅନନ୍ତ ନାରାୟଣ ଧଳଙ୍କ ନାମରେ ଲିଖିତ ଅଭିଯୋଗ କରିଛନ୍ତି । ଯାତ୍ରା ମାଲିକ ତାଙ୍କୁ ପୂର୍ବରୁ ଯେଉଁ ମାଡ ମାରିଥିବା ଅଭିଯୋଗ କରିଥିଲେ ଏବଂ ତାଙ୍କ ପତ୍ନୀଙ୍କୁ ଫୋନରେ ଖରାପ ବ୍ୟବହାର କରିଥିବା ନେଇ ଲିଖିତ ଅଭିଯୋଗ କରିଛନ୍ତି ନରି ପଣ୍ଡା।
ଯାତ୍ରା ମାଲିକମାନେ ଯେଉଁ ନିଷ୍ପତ୍ତି ନେଉଛନ୍ତି ତାକୁ ନେଇ ନରି ପଣ୍ଡା କହିଛନ୍ତି ଏ ନେଇ ପୁର୍ନବିଚାର କରିବାରେ ଥିଲା। ଯାତ୍ରା ମାଲିକଙ୍କ ନିଷ୍ପତିକୁ ସ୍ଵାଗତ କରୁଛି । ତାଙ୍କ ସହ ମାଲିକମାନେ ଆଲୋଚନା କରିବାରେ ଥିଲା। ସେ ଏ ନେଇ ମଧ୍ୟ କହିଛନ୍ତି କଳାକାର ସଂଘ ମୋ ସହ ଅଛି । ଆଗାମୀ ଦିନରେ କଳାକାର ସଂଘ ଯାହା ନିଷ୍ପତି ନେବ ତାକୁ ନେଇ ସେ ଆଗକୁ ଯିବେ ବୋଲି ନରି ପଣ୍ଡା କହିଛନ୍ତି । ତାଙ୍କ ପାଇଁ ଯାତ୍ରା ପାର୍ଟି ରାଜନନ୍ଦୀନି ଖୋଲା ରହିଛି ବୋଲି ନରି ପଣ୍ଡା କହିଛନ୍ତି । ସେ ଖୁବଶୀଘ୍ର ତାଙ୍କ ଆଗାମୀ ନିଷ୍ପତ୍ତି ଜଣାଇବେ । ମୋର ପୋଲିସ ଉପରେ ବିଶ୍ୱାସ ରହିଛି ମତେ ନ୍ୟାୟ ମିଳିବ ବୋଲି ଯାତ୍ରା କଳାକାର ହାସ୍ୟ ଅଭିନେତା ନରି ପଣ୍ଡା କହିଛନ୍ତି ।
