ଆଠଗଡ଼,୨୭/୨ : ଅଗ୍ନିକାଣ୍ଡରେ ଜଳିଗଲା ଦୁଇ ବଖରା ଘର। ମାତ୍ର ଏବେ ଯାଏ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଆଠଗଡ଼ ବ୍ଲକ୍ ଗୁରୁଡ଼ିଝାଟିଆ ପଞ୍ଚାୟତର ସାଉରିଆ ହରିଜନ ସାହିରେ ଅଗ୍ନିକାଣ୍ଡରେ ଦୁଇ ବଖରା ଘର ସହ ସମସ୍ତ ଆସବାବପତ୍ର ସଂପୂର୍ଣ୍ଣ ପୋଡ଼ି ଜଳି ପାଉଁଶ ହୋଇଯାଇଛି । ସାଉରିଆ ଗାଁର ନାରାୟଣ ନାଏକଙ୍କ ଘରେ କେହି ନ ଥିବାବେଳେ ହଠାତ୍ ନିଆଁ ଲଗାଯାଇଥିଲା । ସ୍ଥାନୀୟ ଲୋକେ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରି ବିଫଳ ହୋଇଥିଲେ ।
ଫଳରେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବରପାଇ ଆଠଗଡ଼ ଏବଂ ଚୌଦ୍ୱାରରୁ ଦୁଇଟି ଅଗ୍ନିଶମ ବିଭାଗର ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଥିଲେ । ହେଲେ ସେତେବେଳକୁ ସମ୍ପୂର୍ଣ୍ଣ ଘର ପୋଡ଼ି ଜଳି ପାଉଁଶ ହୋଇଯାଇଥିଲା ।
