ୱାଶିଂଟନ୍, ୨୧।୧୧: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବଡ଼ ଘୋଷଣା । NATO ଏବଂ କାନାଡ଼ା ପାଇଁ ଚୂଡ଼ାନ୍ତ ହେଲା ନୂତନ ଆମେରିକୀୟ ରାଷ୍ଟ୍ରଦୂତ । ଚିନ୍ତାରେ ୟୁରୋପୀୟ ୟୁନିୟନ ଏବଂ ଟ୍ରୁଡୋ । ତାଙ୍କ ପ୍ରତି ବିଶ୍ୱସ୍ତ ରହିପାରୁଥିବା ବ୍ୟକ୍ତିଙ୍କ ନାଁ ଚୟନ କରିଛନ୍ତି ଟ୍ରମ୍ଫ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କ୍ୟାବିନେଟ୍ ମନ୍ତ୍ରୀଙ୍କ ନାମ ଚୂଡ଼ାନ୍ତ କରିବା ପରେ ବର୍ତ୍ତମାନ ଗୁରୁତ୍ୱପୂର୍ଣ୍ଣ ଦେଶଗୁଡ଼ିକରେ ଆମେରିକୀୟ ରାଷ୍ଟ୍ରଦୂତଙ୍କ ନାଁ ଚୂଡ଼ାନ୍ତ ହୋଇଛି । 

ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାଇଁ ଏହି ଦୁଇ ବ୍ୟକ୍ତି ଅତି ନିକଟତର । ତାଙ୍କ ପ୍ରତି ବିଶ୍ୱସ୍ତ ରହିପାରୁଥିବା ଭଳି ବ୍ୟକ୍ତିଙ୍କ ନାଁ ଚୟନ କରିଛନ୍ତି ଟ୍ରମ୍ଫ । ତେଣୁ ୟୁରୋପୀୟ ୟୁନିୟନ୍ ଏବଂ କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ଚିନ୍ତା ବୃଦ୍ଧି ପାଇବା ସ୍ୱାଭାବିକ । ଏହା ପୂର୍ବରୁ ଟ୍ରମ୍ପ ଇସ୍ରାଏଲ ରାଷ୍ଟ୍ରଦୂତଙ୍କ ନାମ ମଧ୍ୟ ଚୂଡ଼ାନ୍ତ କରିଥିଲେ । କାନାଡ଼ା ରାଷ୍ଟ୍ରଦୂତ ପାଇଁ ମନୋନିତ ହୋଇଥିବା ହୋକେଷ୍ଟ୍ରା କଂଗ୍ରେସ ମିଶିଗାନର ୨ୟ ଜିଲ୍ଳାକୁ ପ୍ରାୟ ୨୦ ବର୍ଷ ପର୍ଯ୍ୟନ୍ତ ପ୍ରତିନିଧିତ୍ୱ କରିଥିଲେ । ଏହି ସମୟରେ ମଧ୍ୟରେ ସେ ଲୋକସଭାର ଗୁପ୍ତଚର କମିଟିର ସଦସ୍ୟ ଥିଲେ । 

ବୁଧବାର ଉତ୍ତର ଆଟଲାଣ୍ଟିକ ଚୁକ୍ତି ସଂଗଠନରେ ଆମେରିକୀୟ ରାଷ୍ଟ୍ରଦୂତ ପାଇଁ କାର୍ଯ୍ୟନିର୍ବାହୀ ଆଟର୍ଣ୍ଣି ଜେନେରାଲ ମାଥ୍ୟୁ ଜୀ ହ୍ୱିଟେକରଙ୍କ ନାଁ ଘୋଷଣା କରିଥିଲେ । ଏହା ପରେ କାନାଡ଼ା ପାଇଁ ପୂର୍ବତନ ସାଂସଦ ପିଟ୍ ହୋକେଷ୍ଟ୍ରାଙ୍କୁ ମନୋନିତ କରିଥିଲେ । ଏହି ନାଁ ଘୋଷଣା ପରେ ୟୁରୋପୀୟ ୟୁନିୟନ୍ ଓ କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ଚିନ୍ତା ବଢ଼ିଛି ।