ଭୁବନେଶ୍ଵର, ୧୮/୦୨ : କେନ୍ଦୁଝର ଜିଲ୍ଲା ୪୯ନଂ ଜାତୀୟ ରାଜପଥ ଅନ୍ତର୍ଗତ ତୁରୁମୁଙ୍ଗା ନିକଟରେ ଦୁର୍ଘଟଣା। ବାଇକ୍କୁ ଧକ୍କା ଦେଇ ଡିଭାଇଡର ଉପରକୁ ଚଢିଗଲା ଗୋରୁ ବୋଝେଇ ଟ୍ରେଲର। ସୋମବାର ରାତିରେ ଏହି ଦୁର୍ଘଟଣା ଘଟିଛି। ବାଇକ୍ ଆରୋହୀ ଗୁରୁତର ହୋଇଛନ୍ତି। ଟ୍ରେଲରେ ଥିବା ଗୋରୁଙ୍କୁ ଉଦ୍ଧାର କରାଯାଇଛି।
ସୂଚନାନୁଯାୟୀ, ସୋମବାର ରାତିରେ ତୁରୁମୁଙ୍ଗା ନିକଟରେ ଏକ ଦୁର୍ଘଟଣା ଘଟିଛି। ବାଇକ୍କୁ ଧକ୍କା ଦେଇ ଏକ ଗୋରୁ ବୋଝେଇ ଟ୍ରେଲର ଡିଭାଇଡର ଉପରକୁ ଚଢି ଯାଇଛି। ଫଳରେ ବାଇକ୍ ଆରୋହୀ ଗୁରୁତର ହୋଇଛନ୍ତି। ଖବର ପାଇ ତୁରୁମୁଙ୍ଗା ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି। ସେପଟେ ଟ୍ରେଲର ଭିତରେ ଥିବା ୩୪ ଗୋରୁଙ୍କୁ ଉଦ୍ଧାର କରାଯାଇଛି। ଗୋଚାଲାଣ ଅଭିଯୋଗରେ ପୋଲିସ ୩ ଜଣଙ୍କୁ ଗିରଫ କରିବା ସହ ଟ୍ରେଲର ଜବତ କରି ତଦନ୍ତ ଆରମ୍ଭ କରିଛି। ଗାଡି ଭିତରେ ଗୋଟିଏ ଗୋରୁର ମୃତ୍ୟୁ ହୋଇଛି। ଉଦ୍ଧାର ହୋଇଥିବା ଗୋରୁଙ୍କୁ ଗୋଶାଳା ପଠାଯିବ ବୋଲି ସୂଚନା ମିଳିଛି। ଗିରଫ ହୋଇଥିବା ମାଫିଆ ଉତ୍ତର ପ୍ରଦେଶର ଏମ.ଡି ମହାସିନ, ଏବଂ ପଞ୍ଜାବର ରଣବୀର ସିଂ ଓ ଜସମେଲ ସିଂ।
ଏହି ଖବରଟିକୁ ପଢନ୍ତୁ-IAS ବିଷ୍ଣୁପଦ ସେଠୀଙ୍କ ଘରେ ସିବିଆଇ ରେଡ୍, ବ୍ରିଜ୍ ଆଣ୍ଡ ରୁଫ୍ କମ୍ପାନୀ ଲିଙ୍କ୍କୁ ନେଇ ଖୋଳତାଡ଼
