ଭୁବନେଶ୍ଵର, ୦୬/୦୩ : ମୋବିଲ୍ ତେଲରୁ ଗ୍ୟାରେଜ୍ରେ ଲାଗିଲା ନିଆଁ। ଦେଖୁଦେଖୁ ଜଳିଗଲା ଆଉ ୨ ଦୋକାନ। ବୁଧବାର ରାତିରେ ପାରାଦୀପ ଦୋଛକି ନିକଟରେ ଅଗ୍ନିକାଣ୍ଡ ଘଟିଛି। ନିଆଁ ଲାଗି ୩ଟି ଦୋକାନ ଜଳିଯାଇଛି। ଫଳରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି। କୁଜଙ୍ଗ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି।
ସୂଚନାନୁଯାୟୀ, ପାରାଦୀପ ଦୋଛକି ନିକଟରେ ଥିବା ଏକ ଗ୍ୟାରେଜ୍ରେ ପ୍ରଥମେ ମୋବିଲ ତେଲରୁ ନିଆଁ ଲାଗିଯାଇଥିଲା। ଦେଖୁଦେଖୁ ନିଆଁ ବ୍ୟାପି ଯାଇଥିଲା। ଉପସ୍ଥିତ ଥିବା ବେପାରୀମାନେ କୁଜଙ୍ଗ ଅଗ୍ନିଶମ ବାହିନୀକୁ ଖବର ଦେଇଥିଲେ। ହେଲେ ଦମକଳ ଗାଡ଼ି ପହଞ୍ଚିବାରେ ବିଳମ୍ବ ହୋଇଥିଲା। ଫଳରେ ନିକଟରେ ଥିବା ଆଉ ଦୁଇ ଦୋକାନକୁ ନିଆଁ ବ୍ୟାପି ଯାଇଥିଲା। ମୋବିଲରୁ ନିଆଁ ଲାଗିଥିବା ଯୋଗୁଁ ନିଆଁକୁ ଆୟତ୍ତ କରିବା କଷ୍ଟକର ହୋଇପଡିଥିଲା। ବିଳମ୍ବରେ ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଥିଲା। ତେବେ ନିଆଁ ଲିଭାଇବାକୁ ଯାଇ ଜଣେ ବ୍ୟବସାୟୀ ସାମାନ୍ୟ ଆହତ ହୋଇଛନ୍ତି। ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି।
ଏହି ଖବରଟିକୁ ପଢନ୍ତୁ-ଘରେ ପଶି କଳାକନା ବୁଲେଇଲେ ଲୁଟେରା, ୫ ଲକ୍ଷରୁ ଉର୍ଦ୍ଧ୍ୱ ଟଙ୍କାର ଅଳଙ୍କାର ଚୋରି
