ଭୁବନେଶ୍ବର,୨୯।୯ : ରାଜ୍ୟ ସରକାର ବିଭିନ୍ନ ଜିଲ୍ଲାର ଏସପି ସ୍ତରରେ ଅଦଳବଦଳ କରିଛନ୍ତି। ୨୨ ଜିଲ୍ଲାର ଏସପି ବଦଳିଛନ୍ତି। ଏଥିରେ ଭୁବନେଶ୍ବର ଓ କଟକ ଡିସିପିଙ୍କୁ ମଧ୍ୟ ବଦଳି କରାଯାଇଛି।   ଭୁବନେଶ୍ବର ଡିସିପି ଭାବେ  ପୁରୀ ଏସପି ପିନାକ ମିଶ୍ରଙ୍କୁ ଦାୟିତ୍ବ ଦିଆଯାଇଛି। ଗଞ୍ଜାମ ଏସ୍‌ପି ଥିବା ୨୦୧୩ ବ୍ୟାଚ୍‌ର ଜଗମୋହନ ମୀନାଙ୍କୁ କଟକ ଡିସିପି ଭାବେ ବଦଳି କରାଯାଇଛି।

ସେହିପରି ଭାବେ ଢେଙ୍କାନାଳ ଏସ୍‌ପି ଥିବା ୨୦୧୨ ବ୍ୟାଚ୍‌ର ଆଇପିଏସ୍ ଅଫିସର ମଡକର ସନ୍ଦୀପ ସମ୍ପଦଙ୍କୁ ଭଦ୍ରକ ଏସ୍‌ପି ଭାବେ ବଦଳି କରାଯାଇଛି। ଦେବଗଡ଼ ଏସ୍‌ପି ଅନୁପମା ଜେମ୍ସଙ୍କୁ ଭିଜିଲାନ୍ସ ଏସ୍‌ପି , ଜଗତସିଂହପୁର ଏସ୍‌ପି ଥିବା ରାହୁଲ ପିଆରଙ୍କୁ ମଧ୍ୟ ଭିଜିଲାନ୍ସ ଏସ୍‌ପି ଭାବେ ନୂଆ ଦାୟିତ୍ୱ ଦିଆଯାଇଛି। କଟକ ଏସ୍‌ପି ଥିବା ଏଲ୍‌ ଦିବ୍ୟା ଭି ଙ୍କୁ ଭିଜିଲାନ୍ସ ଏସ୍‌ପି ଭାବେ ବଦଳି କରାଯାଇଛି। ଭୁବନେଶ୍ବର ଡିସିପି ପ୍ରତୀକ ସିଂଙ୍କୁ କଟକ ଗ୍ରାମାଞ୍ଚଳ ଏସପି ଭାବେ ଦାୟିତ୍ବ ଦିଆଯାଇଛି।

ସେହିପରି ରାହୁଲ ଜୈନଙ୍କୁ ଅନୁଗୁଳ ଏସପି, ଡ. ସର୍ବଣ୍ଣା ବିବେକ  ବ୍ରହ୍ମପୁର ଏସପି,  ବିନିତ ଅଗ୍ରଓ୍ବାଲ ପୁରୀ ଏସପି, ବରୁଣ ଗୁଣ୍ଟୁପଲ୍ଲୀଙ୍କୁ ମୟୂରଭଞ୍ଜ ଏସ୍‌ପି, ସାଗରିକା ନାଥ ଖୋର୍ଦ୍ଧା ଏସପି, ସ୍ୱାତୀ ଏସ୍‌ କୁମାରଙ୍କୁ ରାୟଗଡ଼ା ଓ  ଏସ ସୁଶ୍ରୀଙ୍କୁ  ନୟାଗଡ ଏସପି ଭାବେ ବଦଳି କରାଯାଇଛି।

ମାଲକାନଗିରି ଏସ୍‌ପି ନୀତେଶ ୱାଧାନିଙ୍କୁ ରାଉରକେଲା ଏସପି,  ରାଜ ପ୍ରସାଦଙ୍କୁ ବାଲେଶ୍ବର ଏସପି,  ନାଗରାଜ ଦେବରକୋଣ୍ଡାଙ୍କୁ ବୌଦ୍ଧ ଏସ୍‌ପି,  ଶୁଭେନ୍ଦ୍ରୁ କୁମାର ପାତ୍ର ଗଞ୍ଜାମ ଏସପି. ଅଭିନଭ ସୋନକାର ଢେଙ୍କାନାଳ ,  ରୋହିତ ବର୍ମାଙ୍କୁ କୋରାପୁଟ ଏସପି ଭାବେ ଦାୟିତ୍ବ ଦିଆଯାଇଛି। 

ସୋନପୁର ଏସ୍‌ପି ଯଶପ୍ରତାପ ଶ୍ରୀମଲଙ୍କୁ ଯାଜପୁର ଓ ରାୟଗଡ଼ା ଏସ୍‌ପି ହରିଶ ବି.ସିଙ୍କୁ କନ୍ଧମାଳ ଏସ୍‌ପି ଭାବେ ବଦଳି କରାଯାଇଛି।  ଅନିଲ କୁମାର  ମିଶ୍ରଙ୍କୁ ଦେବଗଡ ଏସପି,  ରାମ ପ୍ରସାଦ ସାହୁ  ସୋନପୁର ଏସପି,   ଭବାନୀ ଶଙ୍କର ଉଦଗତା ଜଗତସିଂହପୁର ଏସପି, ମିହିର ପଣ୍ଡା ନବରଙ୍ଗପୁର ଏସପି, ଜିତେନ୍ଦ୍ର କୁମାର ପଣ୍ଡାଙ୍କୁ ଗଜପତି ଏସପି ଭାବେ ବଦଳି କରାଯାଇଛି।