ଭୁବନେଶ୍ଵର, ୦୨/୦୧ : ଏଣିକି ଆଉ ମାଳମାଳ ପ୍ରେସକ୍ରିପସନ୍ ଧରି ବୁଲିବେନି ରୋଗୀ। ପ୍ରେସ୍କ୍ରିପସନ୍ରୁ ମୁକ୍ତି ଦେବ ଆଭା କାର୍ଡ। ଗୋଟିଏ ଆକାଉଣ୍ଟରେ ରହିବ ରୋଗୀଙ୍କ ସମସ୍ତ ପୂର୍ବ ଡାଟା। ଖୁବଶୀଘ୍ର ସରକାର ଲାଗୁ କରିବାକୁ ଯାଉଛନ୍ତି ନ୍ୟାସନାଲ ଡିଜିଟାଲ ହେଲ୍ଥ ମିଶନ। ସୂଚନା ଦେଲେ ସ୍ଵାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ।
ସୂଚନାନୁଯାୟୀ, ନ୍ୟାସନାଲ ହେଲ୍ଥ ଅଥରିଟି ଅଧୀନରେ ରହିବ ଆଭା କାର୍ଡ। ଏହାର ନାଁ ରହିବ ଆୟୁଷ୍ମାନ ଭାରତ ହେଲ୍ଥ ଆକାଉଣ୍ଟ୍ ବା ଆଭା କାର୍ଡ। ଲୋକମାନେ ଏଥିରେ ରେଜିଷ୍ଟ୍ରେସନ କରିପାରିବେ। କ୍ୟୁ ଆର୍ କୋର୍ଡ ସ୍କାନ୍ କଲେ ପୂର୍ବ ରୋଗ ସମ୍ବନ୍ଧୀୟ ସବୁ ଡାଟା ପାଇବେ। ଏହି କାର୍ଡ ଅନଲାଇନ୍ରେ ଆବେଦନ କରିହେବ। ଆୟୁଷ୍ମାନ ଭାରତ ସହିତ ଏହି କାର୍ଡ ମିଳିବ। ଫେବୃଆରୀ ପୂର୍ବରୁ କାର୍ଡ ବାଣ୍ଟିବା ନେଇ ଯୋଜନା କରୁଛନ୍ତି ସରକାର।
