ଭୁବନେଶ୍ୱର,୧୩/୦୨: କ୍ରିପ୍ଟୋ କରେନ୍ସି କାରବାର ପାଇଁ ଶିକ୍ଷକଙ୍କୁ ଅପହରଣ ଘଟଣା । ଅପହୃତ ଶିକ୍ଷକଙ୍କୁ ଉଦ୍ଧାର କରି ଜଣେ ନାବାଳକ ସହ ୩ ଅପହରଣକାରୀଙ୍କୁ ଗିରଫ କଲା କରଞ୍ଜିଆ ପୋଲିସ । ଗିରଫ ଅଭିଯୁକ୍ତ ମାନେ ହେଉଛନ୍ତି ଅନୁଗୋଳ ଜିଲ୍ଲା ତାଳଚେର ଥାନା ଅଞ୍ଚଳର ସୌଭାଗ୍ୟ ଦାସ, ବ୍ରହ୍ମାନନ୍ଦ ନାଏକ, ପ୍ରଭାତ କୁମାର ମହାନ୍ତି ଓ ଜଣେ ନାବାଳକ । ସେମାନଙ୍କ ନିକଟରୁ ମୋବାଇଲ ଓ ଅପହରଣରେ ବ୍ୟବହୃତ ଏକ ଗାଡ଼ିକୁ ଜବତ କରିଛି ପୋଲିସ । ମୟୂରଭଞ୍ଜ ଜିଲ୍ଲା କରଞ୍ଜିଆ ଅଞ୍ଚଳରେ ଏଭଳି ଘଟଣା ଘଟଛି ।
ସୂଚନା ମୁତାବକ, ଫେବୃୟାରୀ ୧୦ ତାରିଖରେ ଯଶିପୁର ବ୍ଲକ୍ ଧୁଡୁକୁ ପ୍ରାଥମିକ ବିଦ୍ୟାଳୟର ଶିକ୍ଷକ ରବୀନ୍ଦ୍ର ନାଥ ସିଙ୍କୁ ଅପହରାଣ କରାଯାଇଥିଲା । ବିଦ୍ୟାଳୟରୁ ଫେରିବା ବେଳେ ୨୨୦ ନଂ ଜାତୀୟ ରାଜପଥ କାଳିକାପୂର ଛକ ନିକଟରେ ତାଙ୍କୁ କାର୍ ଭିତରୁ ଟାଣିଆଣି ଅନ୍ୟ ଏକ ଗାଡ଼ିରେ ଅପହରଣ କରି ନେଇଥିଲେ ଅପହରଣକାରୀ । ଏନେଇ ଥାନାରେ ଏତଲା ଦେଇଥିଲେ ତାଙ୍କ ପତ୍ନୀ । ତାଙ୍କ ପତ୍ନୀଙ୍କ ଏତଲାକୁ ଆଧାର କରି ପୋଲିସର ୩ ଟି ଟିମ୍ ତଦନ୍ତ ଆରମ୍ଭ କରିଥିଲା । ଶେଷରେ ଅନୁଗୁଳ ଜିଲ୍ଲା ତାଳଚେର ଅଞ୍ଚଳର ଏକ ଜଙ୍ଗଲରୁ ଅପହୃତ ଶିକ୍ଷକଙ୍କୁ ଉଦ୍ଧାର କରିବା ସହ ୪ ଜଣ ଅପହରଙ୍କରୀଙ୍କୁ ଗିରଫ କରିବାରେ ସଫଳ ହୋଇଛି । ତେବେ ଶିକ୍ଷକ ଜଣକ ୧୫ ଲକ୍ଷ ଟଙ୍କା ହେରଫେର କରିଥିବା ନେଇ ତାଙ୍କୁ ଅପହରଣ କରାଯାଇଥିଲା ବୋଲି ପୋଲିସ ସୂଚନା ଦେଇଛି । ଅଭିଯୁକ୍ତଙ୍କ ନିକଟରୁ ମୋବାଇଲ ଓ ଅପହରଣରେ ବ୍ୟବହୃତ ଏକ ଗାଡ଼ିକୁ ଜବତ କରି ଅଧିକ ତଦନ୍ତ ଜାରି ରଖିଛି ପୋଲିସ୍ ।
