ପ୍ୟାରିସ୍,୧।୮: ପ୍ୟାରିସ୍ ଅଲିମ୍ପିକ୍ସର ଷଷ୍ଠ ଦିନରେ ଭାରତକୁ ମିଳିଛି ତୃତୀୟ ପଦକ।୫୦ ମିଟର ପୁରୁଷ ରାଇଫଲ ଥ୍ରି ପୋଜିସନ୍ରେ ସ୍ବପ୍ନିଲ କୁଶାଲେ ଜିତିଛନ୍ତି ବ୍ରୋଞ୍ଜ ପଦକ। କୁଶାଲେ ୪୫୧.୪ ସ୍କୋର କରି ତୃତୀୟ ସ୍ଥାନରେ ରହିଛନ୍ତି। ସେ ଚୀନ୍ର ଲିୟୁ ୟୁକୁନ୍ ୪୬୩.୬ ସ୍କୋର ସହିତ ତୃତୀୟ ସ୍ଥାନରେ ରହିଛି।ସେଭଳି ୟୁକ୍ରେନ୍ର ସିରହି କୁଲିଶ ୪୬୧.୩ର ସ୍କୋର ସହିତ ସିଲଭର ମେଡାଲ ଜିତିଛନ୍ତି।
ପ୍ୟାରିସ ଅଲିମ୍ପିକ୍ସରେ ଭାରତ ମୋଟ ୩ଟି ପଦକ ଜିତିଛି। ଏହି ତିନୋଟି ପଦକ କେବଳ ସୁଟିଂରେ ଆସିଛି। ସ୍ବପ୍ନିଲଙ୍କ ପୂର୍ବରୁ ମନ୍ନୁ ଭାକର ମହିଳାଙ୍କ ୧୦ ମିଟର ଏୟାର ପିସ୍ତଲ ପ୍ରତିଯୋଗିତାରେ ବ୍ରୋଞ୍ଜ ପଦକ ଜିତିଥିଲେ। ସେଭଳି ମନୁ ସରବଜୋତଙ୍କ ସହ ମିଶି ୧୦ ମିଟର ଏୟାର ପିସ୍ତଲ ମିକ୍ସ ପ୍ରତିଯୋଗିତାରେ ମଧ୍ୟ ବ୍ରୋଞ୍ଜ ପଦକ ହାସଲ କରିଥିଲେ। ବର୍ତ୍ତମାନ ସୁଦ୍ଧା କେବଳ ଶୁଟିଂରେ ମେଡାଲ ଆସି ଥିବାବେଳେ ଅନ୍ୟ ଇଭେଣ୍ଟ ଉପରେ ନଜର ରହିଛି। ଆଜି ଇଭେଣ୍ଟର ଷଷ୍ଠ ଦିନରେ ହକି, ତୀରନ୍ଦାଜୀ, ଦୌଡକୁଦ ଓ ଅନ୍ୟାନ୍ୟ ପ୍ରତିଯୋଗିତା ରହିଛି।