ପ୍ରତି ବର୍ଷ ଭାଦ୍ରବ ମାସର କୃଷ୍ଣ ପକ୍ଷର ଅଷ୍ଟମୀ ତିଥିକୁ ଶ୍ରୀକୃଷ୍ଣ ଜନ୍ମ ଉତ୍ସବ ପାଳନ କରାଯାଏ । ଏହାକୁ ଶ୍ରୀକୃଷ୍ଣ ଜନ୍ମାଷ୍ଟମୀ ନାମରେ ବି ଜଣାଯାଏ । ସାଧାରଣ ଭାବରେ ଏହି ପର୍ବକୁ ଦୁଇଦିନ ଯାଏଁ ପାଳନ କରାଯାଏ । ପ୍ରଥମ ଦିନ ଗୃହସ୍ଥ ଏବଂ ଦ୍ବିତୀୟ ଦିନ ବୈଷ୍ଣବ ସଂପ୍ରଦାୟର ଲୋକ ଜନ୍ମାଷ୍ଟମୀ ପାଳନ କରନ୍ତି । ଚଳିତ ବର୍ଷ ଅଗଷ୍ଟ ୨୬ ତାରିଖକୁ ଜନ୍ମାଷ୍ଟମୀ ପାଳନ କରାଯାଉଛି । ଜ୍ୟୋତିଷ ଶାସ୍ତ୍ରରେ ୧୨ଟି ରାଶି ବର୍ଣ୍ଣିତ ରହିଛି । ପ୍ରତ୍ୟୋକ ରାଶି ଉପରେ କୌଣସି ନା କୌଣସି ଦେବା ଦେବୀଙ୍କ ବିଶେଷ କୃପା ରହିଥାଏ । ଏବେ ଆସନ୍ତୁ ଜାଣିବା ଜନ୍ମାଷ୍ଟମୀର ପବିତ୍ର ଅବସରରେ ଭଗବାନ ଶ୍ରୀକୃଷ୍ଣଙ୍କ ପ୍ରିୟ ରାଶି ଗୁଡିକ ବିଷୟରେ…

ବୃଷ ରାଶି : ଜ୍ୟୋତିଷ ଶାସ୍ତ୍ର ଅନୁସାରେ ବୃଷ ରାଶି ଭଗବାନ ଶ୍ରୀକୃଷ୍ଣଙ୍କର ପ୍ରିୟ ରାଶିମାନଙ୍କ ଭିତରୁ ଗୋଟିଏ । କୁହାଯାଏ କି, ଶ୍ରୀକୃଷ୍ଣଙ୍କ କୃପାରୁ ଏହି ରାଶିର ଲୋକଙ୍କୁ ବଡ ସଫଳତା ମିଳିଥାଏ । ଏହି ରାଶିର ଲୋକମାନେ ଜଟିଳ ପରିସ୍ଥିତିକୁ ମଧ୍ୟ ଭଲ ଭାବରେ ସମ୍ଭାଳି ନିଅନ୍ତି । 

କର୍କଟ ରାଶି: କର୍କଟ ରାଶି ଧାରକଙ୍କ ଉପରେ ଶ୍ରୀକୃଷ୍ଣଙ୍କ କୃପା ରହିଥାଏ । ଜ୍ୟୋତିଷଙ୍କ ଅନୁଯାୟୀ, ଏହି ରାଶିର ଯେଉଁ ଲୋକ ନିୟମିତ ଭାବରେ ଶ୍ରୀକୃଷ୍ଣଙ୍କ ପୂଜାର୍ଚ୍ଚନା କରିଥାଏ, ତାଙ୍କ ଜୀବନରେ କିଛି ଅଭାବ ରହିନଥାଏ ।

ସିଂହ ରାଶି: ଭଗବାନ ଶ୍ରୀକୃଷ୍ଣଙ୍କର ଅତି ପ୍ରିୟ ରାଶି ହେଉଛି ସିଂହ ରାଶି । ଏହି ରାଶିର ଜାତକ ସାହସୀ ଏବଂ ପରାକ୍ରମୀ ହୋଇଥାନ୍ତି । କୁହାଯାଏ କି, ନିୟମିତ ରୂପରେ କୃଷ୍ଣଙ୍କ ଉପାସନା କରିବା ଦ୍ବାରା ଏହି ରାଶିର ଜାତକଙ୍କ ଭାଗ୍ୟରେ ସଫଳତା ପ୍ରାପ୍ତ ହୋଇଥାଏ । ଅଟକିଥିବା କାମ ବି ସଫଳ ହୋଇଥାଏ । 

ତୁଳା ରାଶି: ତୁଳା ରାଶିର ବ୍ୟକ୍ତିଙ୍କ ଉପରେ ଭଗବାନ କୃଷ୍ଣଙ୍କ କୃପାଦୃଷ୍ଟି ରହିଥାଏ । ଏହା ଶ୍ରୀକୃଷ୍ଣଙ୍କ ପ୍ରିୟ ରାଶି ମାନଙ୍କ ଭିତରେ ଗୋଟିଏ । କୁହାଯାଏ ଏହି ରାଶିର ଜାତକ ଧାରକଙ୍କୁ ପୂଜାର୍ଚ୍ଚନା କରିବା ଦ୍ବାରା ଶୁଭଫଳ ପ୍ରାପ୍ତି ହୋଇଥାଏ । 

ହିନ୍ଦୁ ଧର୍ମ ଗ୍ରନ୍ଥ ଅନୁସାରେ ଭାଦ୍ରବ ମାସର କୃଷ୍ଣ ଅଷ୍ଟମୀ ତିଥିକୁ ଅର୍ଦ୍ଧ ରାତ୍ରିରେ ରୋହିଣୀ ନକ୍ଷତ୍ରରେ ଭଗବାନ ଶ୍ରୀକୃଷ୍ଣଙ୍କ ଜନ୍ମ ହୋଇଥିଲା । ଶାସ୍ତ୍ରରେ ଶ୍ରୀକୃଷ୍ଣଙ୍କୁ ଭଗବାନ ବିଷ୍ଣୁଙ୍କ ଅଷ୍ଟମ ରୂପ କୁହାଯାଏ । ଜନ୍ମାଷ୍ଟମୀ ଦିନ କୃଷ୍ଣ ରୂପରେ ଭଗବାନ ବିଷ୍ଣୁ ଅତ୍ୟାଚାରୀ କଂସ ଠାରୁ ଲୋକଙ୍କୁ ମୁକ୍ତି ଦେବା ପାଇଁ ଜନ୍ମ ଗ୍ରହଣ କରିଥିଲେ ।