ନୂଆଦିଲ୍ଲୀ,୧୨/୨ : ଚାମ୍ପିୟନ୍ସ ଟ୍ରଫି ୨୦୨୫ର ଠିକ୍ ପୂର୍ବରୁ ପାକିସ୍ତାନ ଏବେ ଟ୍ରାଇ ସିରିଜର ଆୟୋଜନ କରୁଛି । ଏହି ସିରିଜରେ ପାକିସ୍ତାନ, ଦକ୍ଷିଣ ଆଫ୍ରିକା ଏବଂ ନ୍ୟୁଜିଲାଣ୍ଡ ଖେଳୁଛି । ଏହି ସିରିଜରେ ଭାଗ ନେଇଥିବା ଦକ୍ଷିଣ ଆଫ୍ରିକା ଟିମ୍ ଲାଗି ବହୁତ ଭଲ ନିଷ୍ପତ୍ତି ସାବ୍ୟସ୍ତ ହୋଇଛି । କାରଣ ତାକୁ ଏକ ସଫଳ ଖେଳାଳୀ ମିଳିଯାଇଛି । ଏହି ଖେଳାଳୀ ଆଉ କେହି ନୁହେଁ ବରଂ ମ୍ୟାଥ୍ୟୁ ବ୍ରିତ୍ଜକ ଅଟନ୍ତି । ଯିଏ ବର୍ତ୍ତମାନର ଟ୍ରାଇ ସିରିଜରେ କମ୍ପନ ସୃଷ୍ଟି କରିଛନ୍ତି । ବ୍ରିତ୍ଜକଙ୍କ ଆଭରେଜ ଏବେ ୧୫୦ରୁ ବି ଅଧିକ ରହିଛି । ସେ ଏବେ ଅନ୍ତର୍ଜାତୀୟ କ୍ରିକେଟରେ ଭୂକମ୍ପ ସୃଷ୍ଟି କରିଛନ୍ତି ।
ମ୍ୟାଥ୍ୟୁ ବ୍ରିତ୍ଜକ ଏହି ଟ୍ରାଇ ସିରିଜରେ ନିଜ ଓ୍ବାନଡେ ଡେବ୍ୟୁ କରିଛନ୍ତି । ପ୍ରଥମ ମ୍ୟାଚରେ ସେ ନ୍ୟୁଜିଲାଣ୍ଡ ବିପକ୍ଷ ୧୫୦ରନ୍ କରିଥିଲେ। ସେ କ୍ରିକେଟ ଇତିହାସରେ ଏଭଳି ଜଣେ ପ୍ରଥମ ଏଭଳି ଖେଳାଳି ହେଲେ ଯିଏ ନିଜ ଓ୍ବାନଡେ ଡେବ୍ୟୁରେ ୧୫୦ରନର ସଂଖ୍ୟା ଛୁଇଁଥିଲେ । ପ୍ରଥମ ମ୍ୟାଚ୍ ପରେ ତାଙ୍କ ପ୍ରତିଶତ ୧୫୦ର ଥିଲା । ସେହିଭଳି ଟ୍ରାଇ ସିରିଜର ଦ୍ବିତୀୟ ତଥା ପାକିସ୍ତାନ ବିପକ୍ଷ ମ୍ୟାଚରେ ସେ ୮୩ରନ୍ କରିଛନ୍ତି । ଦୁଇଟି ଓ୍ବାନଡେ ମ୍ୟାଚ୍ ପରେ ତାଙ୍କର ଆଭରେଜ ୧୧୬.୫୦କୁ ଆସିଯାଇଛି। ମ୍ୟାଥ୍ୟୁ ବ୍ରିତ୍ଜକଙ୍କ କେବଳ ଆଭରେଜ ଭଲ ନୁହେଁ ବରଂ ତାଙ୍କର ଓ୍ବାନଡେ ମ୍ୟାଚରେ ଏବେ ପର୍ଯ୍ୟନ୍ତ ଷ୍ଟ୍ରାଇକ୍ ରେଟ୍ ୧୦୦ରୁ ଅଧିକ ଅଛି ।
