ମୁମ୍ବାଇ,୨୯/୧୧: ମାଆ ହେଲେ ପ୍ୟାର୍ କା ପଞ୍ଚନାମାର ଅଭିନେତ୍ରୀ ସୋନାଲି ସେହଗଲ । କନ୍ୟା ସନ୍ତାନକୁ ଦେଇଛନ୍ତି ଜନ୍ମ । ସାଣ୍ଟା କ୍ରୁଜର ସୂର୍ଯ୍ୟ ହସ୍ପିଟାଲରେ  ଶିଶୁକନ୍ୟାକୁ ଜନ୍ମ  ଦେଇଥିବା ଜଣାପଡିଛି । ତେବେ ଅଭିନେତ୍ରୀ ସୋନାଲି ଏବଂ ଆଶିଷ ସଜନାନୀଙ୍କ ଏହା ପ୍ରଥମ ସନ୍ତାନ। ଅଭିନେତ୍ରୀ ଫଟୋ ସେୟାର କରି ଲେଖିଛନ୍ତି, "ବିୟର ବୋତଲ ଠାରୁ ଆରମ୍ଭ କରି ବେବି ବୋତଲ। ଆଶିଷଙ୍କ ଜୀବନ ବଦଳିବାକୁ ଯାଉଛି। ମୋ ପାଇଁ କିଛି ଜିନିଷ ବଦଳିଛି। ଆଗରୁ ମୁଁ ଜଣକ ପାଇଁ ଖାଉଥିଲି, ବର୍ତ୍ତମାନ ମୁଁ ୨ଜଣକ ପାଇଁ ଖାଉଛି।ମୁଁ ବହୁତ ଖୁସି ଅଛି। ଆଉ ଆପଣମାନେ ଆମକୁ ଆଶୀର୍ବାଦ ଦିଅନ୍ତୁ । "

ତେବେ   ଅଭିନେତ୍ରୀ  ସୋନାଲି ଏବଂ ଆଶିଷ ସଜନାନୀଙ୍କ ବିବାହ ୨୦୨୩ରେ ହୋଇଥିଲା । ଆଉ ଚଳିତ ବର୍ଷ ଅଗଷ୍ଟ ମାସରେ ସୋନାଲି ଇନଷ୍ଟାଗ୍ରାମରେ ପ୍ରଶଂସକଙ୍କ ସହ ଗର୍ଭବତୀ ଥିବା ଖବର ସେୟାର କରିଥିବା ବେଳେ ବର୍ତ୍ତମାନ ସେ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି ।  ତେବେ ସୋନାଲିଙ୍କ ପ୍ରଥମ ଚଳଚ୍ଚିତ୍ର  'ପ୍ୟାର୍ କା ପଞ୍ଚନାମା' ଥିବା ବେଳେ ଏହା ୨୦୧୧ ମସିହାରେ ମୁକ୍ତିଲାଭ କରିଥିଲା। ଲଭ ରଂଜନଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ କାର୍ତ୍ତିକ ଆର୍ଯ୍ୟନ ସହ ସୋନାଲି ଲିଡ୍‌ରେ ଥିଲେ। ଏହି ଅଭିନେତ୍ରୀଙ୍କୁ 'ପ୍ୟାର୍ କା ପଞ୍ଚନାମା ୨' ଏବଂ 'ୱେଡିଂ ପୁଲାଓ'ରେ ନଜର ଆସିଥିଲେ। ସେହିପରି ତାଙ୍କୁ କମେଡି-ଡ୍ରାମା ‘ଜୋ ତେରା ହୈ ୱୋ ମେରା ହୈ’ ରେ ମଧ୍ୟ ଦେଖିବାକୁ ମିଳିଥିଲା।